Hanwon 15:28 - Yálá laawoo hɛɓɛ (dc)

²⁸ Tələnmomun a gwəi kwɛli, hvo tɛɠa kɛ nu woo pulu pənəi, Kɛlaa, nwąnąlɔ nuą da di laa tee lɔ ɓowo mɛ̨nįɠaa ɓa po.

Yálá laawoo hɛɓɛ

²⁸ Tələnmomun a gwəi kwɛli, hvo tɛɠa kɛ nu woo pulu pənəi, Kɛlaa, nwąnąlɔ nuą da di laa tee lɔ ɓowo mɛ̨nįɠaa ɓa po.

Bible

²⁸ Tɔ̃yâ-nuu a gíli ŋá sìa mɛni ma é lɛ́ɛ pâi zu toôi, kɛ́lɛ ŋwana-lɔ̂ɔ-nuu a wóo nyɔ́mɔɔ ƃò nɔ́ a maa félaa ǹyaŋ nyíŋi a pâ nɔ́ a mɛni kpɔ̂lu.

Hanwon 15:28 Referans Kwoze

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Hanwon 29:11

Kilikpɛɛɲəimun hva nwɔ líiholi hu hon. Kɛlaa, kilimąą mun a nwɛi hu hon, ə mɛ̨i kpulu.

Ikilisiati 5:2

Mąąhɔlɔɓo, nu a kɛi hvaa tamąą, a da ɓo, yii hvo giliŋąhiɛ li mą, ɛlɛɛ, bələi lɔ, liihɛlɛn a kɛnɛ̨ la nu ɓa, bələ lɔ ɓə ya hįi ɲɔ̨nwɔ̨ɔ̨ɠaa kaa la.

Hanwon 15:2

Kilimąą nuą hvaa woo a kili wɛli too nu ɓa a ŋąąnɛ̨ɛ̨. Kɛlaa, kilikpɛɛgwəi nuą laa hvili yɛ tɔɔ a ɓowo.

Maafîu 12:34

Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

Ikilisiati 5:6

Gwa hįi tamąą kaa, gwa hvaa tamąą nwun və mą, Kɛlaa, kilimąą mun, ə́ wɛi, ɲɔw Yálá ɓa.

Hanwon 29:20

Yá nu kaa, hvaa polo-polo wɛli ə ɓo mą, ə́ ə́ kilitɔɔ kilikpɛɛgwəi mun ma, viɛlaɓoɔ nu huwui tii ɓa.

Hanwon 16:23

Kilimąą mun a gbɛa giliŋąhiɛ, yɛ tɛɠa lɛɛ hvaai. Mɛ̨nį kɔ́lɔn mɛ̨nį a kulɔ na.

Hanwon 13:16

Kiliŋąlaamun a mɛ̨nį kɛ a gili. Kilikpɛɛɲəimun yɛ nwɔ ɓowo laa tɔɔ ɲɛ̨i.

Hanwon 10:19

Nui a hvaa tamąą, nwɔ nɛ̨ŋɛ̨n ɉəɠə laa hvo wala li. Kɛlaa, nui a nɛn ɉon, mąą nu ɲąąlaai.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Mąątɛ̨nɛ̨ 59:7

Yələ wilii pɔ, da kɛi pai, diɛ hvaa nwɔ̨ɔ̨, yɛ yilɛlɛa, diɛ lia tɛɛ daa pɔ.

Hanwon 10:32

Tələnmomun vaa woo a nuą kwəinɛ̨ɛ̨, Kɛlaa, nwąnąlɔmun vaa woo a kpɔn daɠa.