Hanwon 15:15 - Yálá laawoo hɛɓɛ (dc)

¹⁵ Nui mąąwɛli mɛ̨nį hu, hvóló kəlee ɲɔ̨nwɔ̨ɔ̨ lɔ ɲɛ̨i mu. Kɛlaa, nui nɛ̨ɛ̨ hu, nwɔ yɛnɛ̨ɛ̨ kaa lɔ yələ kəlee a hɛli.

Yálá laawoo hɛɓɛ

¹⁵ Nui mąąwɛli mɛ̨nį hu, hvóló kəlee ɲɔ̨nwɔ̨ɔ̨ lɔ ɲɛ̨i mu. Kɛlaa, nui nɛ̨ɛ̨ hu, nwɔ yɛnɛ̨ɛ̨ kaa lɔ yələ kəlee a hɛli.

Bible

¹⁵ Kôlo-nuu ŋɔmɛni-soli káa nɔ́ a ɣele kélee, kɛ́lɛ koi lɛ̂lɛɛ-maa-nuu káa yɛ̂ɛ núu a kɛ̀ liî kúu su a ɣele kélee.

Hanwon 15:15 Referans Kwoze

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Lomaŋ 12:12

Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Hanwon 15:13

Nu kwəinɛ̨ɛ̨ ɲɛ̨ilai kaa a wɛlikɛmąą ɲɛ̨ilai, Kɛlaa, nui a kɛ lii kələngwəi hu, ɲɛ̨i mąą a luwu.

Hanwon 17:22

Líílaa kaa a ɲɔ̨n ɉalə kɛnɛ̨, Kɛlaa, lííkələn gwəi, a nu kulɔ nwului.

Lomaŋ 5:11

Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Korɛntə veelɛ 1:5

Gbala ə tɔɔ, bələi lɔ gwa mɔ̨nɔ̨ mįi la kɛnɛ̨ Kristə mąą mɛ̨nį hu, bələ lɔ ɓə, Kristə haalai, gu wɔɔ liilaa hu a kɛnɛ̨ la.

Gɛlaɠaa 16:25

Kwii hąą ɓɛlaɓoi lɔwai, Polə da Silasə di kɛi Yálá hvɛli, diɛ Yálá mąątɛ̨nɛ̨ wələ too, gaho nąmįną yiiɠaa ti diɛ di woo mɛ̨n.

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Hanwon 16:22

Nuąi da kili mɛ̨nį kɛ, diɛ ɓə yíipoo kaa di yəi. Kilikpɛɛɲəi nuą di wɔ ɓowo ɓə gaa a di hutɔɔ hɛn.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Zɛnɛse 47:9

Ɉakɔbə yɛ mą: «Gwɛlan ŋą́ą́ gɛ too nwuma laa hu, gaa a kwɛlan nwundɔ̨nɔ̨ ɲee haaɓa. Da tɛɛ lɔ a ɉu kpua, ɛlɛɛ, gwɛlan ŋą́ą́ gɛ yɛnɛ̨ɛ̨, ŋą́ą́ mɔlɔmún gɛ mɔ̨nɔ̨ hu. Ŋį́ kwɛlan damą pələ hvo kpɛli pai həlii nąnni di wɛi pɔ, bələi mąn ɲɛnɛ̨ɛ̨ kɛ pələ kaa la tanɔ̨n kwa diɛni ku yəi.»

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Hanwon 15:14

Kili nąmu a kɛ mɛ̨nį kɔ́lɔn ŋąą kwɛlii, kilikpɛɛgwəi nuą laaləi a di kɔ̨nɔ̨n gɛ a ɓowo.

Hanwon 15:16

Hɛn nogolo kɛɛ nu ɲəi, yɛ ɲɔw Yálá ɓa, hviɛlaɓoɔi, hɛn gɔw kɛnɛ̨ɛ ɓa lii hɛlɛn ɉu.