Hanwon 15:10 - Yálá laawoo hɛɓɛ (dc)

¹⁰ Nui a həɠə pələ ɓa, mąąnɛ̨ɛ̨ di ɉutɔɔ a nwalawalaa. Nui hvo bɔ di hvo niɛwoo ɓo, gaa pai haai.

Yálá laawoo hɛɓɛ

¹⁰ Nui a həɠə pələ ɓa, mąąnɛ̨ɛ̨ di ɉutɔɔ a nwalawalaa. Nui hvo bɔ di hvo niɛwoo ɓo, gaa pai haai.

Bible

¹⁰ Ǹúui a kûla dɔ̃yâ-perei mai, a tɔŋ-kpɛ-maa kɛ́tɛ sɔlɔ ƃô. Ǹúui va ŋwɛ̀li dí ŋɔpɔara-mai lɛ́ mai, a pâi saâi.

Hanwon 15:10 Referans Kwoze

Hanwon 12:1

Nui hutɔɔ wɛli kaa mą, gaa bɔ ə mɛ̨nį kɔ́lɔn, Kɛlaa, nui a liɛwoo pili, nwun gbɛɛi ɉu.

Ɉaan 3:20

Yaan, nuąi da kɛ mɛ̨nį ɲɔ̨n gɛi, di liiɓa ɓaa a kpinį, di hva kulɔ pono ŋą, ə gɛ, di túwɔ́ pələɠaa mąą hvə pa pono.

Hanwon 13:1

Lon kili kaa mą, a nwəli tɔɔ nąn nwɔ liɛwoo ɓa, Kɛlaa, lon ɲɛ̨itɛɛ, hva hvaa mą di hvo ɉɔn nɛ mą.

Hanwon 10:17

Nui a liɛwoo hon, a hvilɛn yɛnɛ̨ɛ̨ kɛ pələ mɛ̨i. Kɛlaa, nui da gilaa pɔ̨nɔ̨, ə nwəli kulɔ ɉu, a lan.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Hanwon 5:12

Ɛlɛɛ, yɛ́ kɛ diɛ: «Lə mɛ̨nį ɓa hutɔɔ mɛ̨nį wɛli hvo kɛ li mą́ą́? Lə mɛ̨nį ɓa və́ wə́li tɔɔ ɉútɔɔ woo ɓa?

Hanwon 1:30

Daa nwɔ́ liɛwoo ɓɛlɛ too, daa nwɔ́ kilaa pɔ̨nɔ̨ pili pulu.

Tɔɔɓɛlaa dɔlɔɔ 22:8

Kɛlaa, Israɛlə tɔɔmun yɛ Ɉosafatə ɓa: «Hulɔnu ta kaa ɓɛ, gwa pɛli Yai-Laa mąąnin gɛi bɔ pələ, kɛlaa, nwɛ́i, nwɛli hvo mą́ą́; Mąąhɔlɔɓo, mɛ̨nįi a ɉəɠə Yálá la yɛ mo, hva kɛ a nɛlɛɛ yɛ hvilɛn na mą́ą́, ɲɔ̨nwɔ̨ɔ̨ lɔ ɓə a kɛ moi a hvóló kəlee. Mąą hulɔnui ɓaa: Yimla lon Mise.» Ɉosafatə yɛ tɔɔmun ma: «Tɔɔmun hvo kɛ gaa yili ɓoi tii.»

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Tɔɔɓɛlaa dɔlɔɔ 18:17

Eli kaai Akabə ə mo, yɛ mą: «Eli! Yɛ́ ɓəi! Yɛ́i yáá kpalo ɓɛla Israɛlə ɓa yɛ́ ɓəi!»

Hanwon 23:35

Ə́ woo laa diɛ: Daa gɛ́lɛ, Kɛlaa, və́ ɲąą kaa li; daa ɉú lɔwa, gɔlɔ hvo gili kɔ́lɔn ni, mįnɛ̨ lɔwai ɓə gáá pai muhəɠəi la, ŋį́ li ŋį́ da kwɛli nwɔ̨nɔ̨?

Hanwon 1:25

Yii kaa ka kili kulɔ nwɔ́ liɛwooɠaa hu, ka hvo ka wəli tɔɔ li nwɔ́ kilaa pɔ̨nɔ̨ woo ɓa,

Hanwon 15:9

Nwąnąlɔmun dúwɔ́ pələ wɛli kpɛɛi Yai-Laa ɓa kpɔ tɛ-tɛ, Kɛlaa, nui gaa tələnmolaa pɔ, a nwɛlilakɛ.

Hanwon 15:11

Ɲąmuątaa da lɔi mu hɛnŋąą, di kaa a mąą pɔ̨nɔ̨ɔ̨ Yai-Laa ɓa, gu hvo mun kɛ nuą kwəi kiliɠaa!

Zôo 34:27

Mąąhɔlɔɓo, di hvo kɛi gɛ di hvo lɛɛ bulu, di hvo gɛ di hvo nwɔ pələɠaai kɔ́lɔn.

Mąątɛ̨nɛ̨ 50:17

A yɛ́i hutɔɔ wɛli kpɛɛ yɛ́, yɛ́ lənə nwóó ɓai?

Ɉeremi 2:17

Israɛlə! Mɛ̨nįɠaa tii kaa laai yɛ́ lə mɛ̨nį ɓa? Kɛlɛi Yai-Laa ə́ wɔ Yálái lɛɛi ə́ mɔ laa, ɓɛlɔwai, ə kɛi ə́ tənən dɔɔ la bələ pɔ, yili ɓə gɛ-e?

Izikiɛ 33:9

Kɛlaa, yá nu ɲɔ̨nwɔ̨ɔ̨ kilaa pɔ̨nɔ̨, ə gɛ ə həɠə nwɔ túwɔ pələ ɲɔ̨n bulu, a wala gɛ hvo həɠə bulu, a haa gɛ nɛ̨ŋɛ̨n mąą mɛ̨nį ɓa, kɛlaa ə́ wɛi, yá ə́ nii nwun mąąɓo.