Hanwon 14:8 - Yálá laawoo hɛɓɛ (dc)

⁸ Kilimąą mun gwəi pələ, kili kɛ ɲəi laa, ɓaa: nu ə gbɔwɔ hiɛ pələ ɲɛlɛ kɛ. Kɛlaa, kilikpɛɛgwəi nuą di wɔ ɓowo laa a nu lan.

Yálá laawoo hɛɓɛ

⁸ Kilimąą mun gwəi pələ, kili kɛ ɲəi laa, ɓaa: nu ə gbɔwɔ hiɛ pələ ɲɛlɛ kɛ. Kɛlaa, kilikpɛɛgwəi nuą di wɔ ɓowo laa a nu lan.

Bible

⁸ Táre-nuu a dûa-pere maa kpɛ̂ɛ, ƃoo-nuu kɛ́ gàa nɔ́ yɛ̂ɛ ǹyaa ƃé dáreɛi kɛ́lɛ vé táre-ni.

Hanwon 14:8 Referans Kwoze

Ifisiɛŋ 5:17

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Zĩi 3:13

Gbɛɛ ɓə ká lɔwai a kilimąą mun, a nwun gɛ-ɉumun? Mąą nu ə nwɔ kili mɛ̨nį lɛ dúwɔ́ pələ hu, a kpɔɔ mąą yɛɛ laa.

Ifisiɛŋ 4:22

Hvo kɛli, ká ká yee kulɔ ká yíi pələ pɔlɔ-pɔlɔ hu, ɲíi pɔlɔ-pɔlɔ kɔlɔi tii kɛ káá, 'ká gulɔ káá, a yai ɉu a kala; a ɓowo ɲɛ̨i kulɔ bɔ, laa pɔɔ;

Hanwon 11:18

Nwɔ túwɔ́ pələ ɲɔ̨n tii a nwɔ pɛ́lɛ́i hɛŋɛnɛn haa pɔ pələ, yɛ nwun na pili.

Hanwon 8:20

Pələ haŋąą ɓə ŋą́ hiɛ ɉu, da tələnmolaa pələ.

Hanwon 2:9

Akɛ yá ə́ wəli tɔɔ mą́ą́, yá mɛ̨nį haŋąą kɔ́lɔn, yɛ́ pɛli mɛ̨nį lɛlɛɛ kɛi.

Mąątɛ̨nɛ̨ 119:73

Ə́ bɛ́li a ə́ yee, ə́ ɉúwala wala, 'gɔ́ a kili, gɛ́ pɛli ə́ wɔ tiɓoɠaai hukpɛi.

Mąątɛ̨nɛ̨ 119:5

'Ɉú wala wala ɉiɛ pələ hu, gɛ́ pɛli ə́ wɔ tiɓoɠaai kɛi,

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Ɉeremi 13:20

'Ə́ nwun mu həɠə, ə́ kɛɛ kaa! Ə́ yowoɠaa kaa həɠəi ɲánwuɔ̨ pələ! Daatɛlɛɛ kpului diɛ ə́ mɛ̨i kaa, gaa mįnɛ̨? Yɛ́ ɓɛlaa lɛlɛɛɠaa kaa mį?

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Hanwon 15:21

Nui gili hvo ɲəi, ɓowo mɛ̨nį ɓə a gwəinɛ̨ɛ̨, Kɛlaa, kilimąą mun nwɛi, a ɉiɛ pələ tənən dɔɔ a ɉaŋąą.

Hanwon 12:5

Mɛ̨nį lɛlɛɛ lɔ ɓə tələnmomun a giliŋąhiɛ mą, nwąnąlɔ nuą da di kiliŋąhiɛ lɔ nwąnąlɔ mɛ̨nį ɓa.

Ikilisiati 2:13

Yili kəlee hu, ŋą́ gaa, gɛ́ diɛ: Kili hviɛlaɓoɔi kilikpɛɛgwəi ɓa, yɛ bələi kpɔlɔɔ kɛɛ pɔ̨nɔ̨ hviɛlaɓoɔi la dɛɛ kpinį ɓa.

Ikilisiati 2:16

Mɛ̨nįɠaai daa tɛɛ ɓɛ yələkɔlɔn mu, ɉu hva kpɛli kwɛa nuą daa mąn lɛ̨ą mą, kilimąą mun gili hva lɛɛ nuą ɲą. Kilimąą mun da kilikpɛɛgwəi mun da haa, nuą di hva kɛa di kiliŋąhiɛ nu heei hveelɛi tii diɛ; lə ɓə a yili kɛ tii-yoo?