Hanwon 14:10 - Yálá laawoo hɛɓɛ (dc)

¹⁰ Nu kili a gbɔwɔ nwɔ liiɲąnwąną kɔ́lɔn, ɛlɛɛ, da nu ta di hva kpɔn nwɔ kwəinɛ̨ɛ̨ ɓa.

Yálá laawoo hɛɓɛ

¹⁰ Nu kili a gbɔwɔ nwɔ liiɲąnwąną kɔ́lɔn, ɛlɛɛ, da nu ta di hva kpɔn nwɔ kwəinɛ̨ɛ̨ ɓa.

Bible

¹⁰ Núu da kpɛ́ni fé m̀arâŋ-nuu ŋɔlii-soli mɛni da ŋɔlii-nɛ̃ɛ mɛnii kɔ́lɔŋ yɛ̂ɛ ǹyaa kpîŋ.

Hanwon 14:10 Referans Kwoze

Filipə 4:7

Yálá nwɔ liilaa gɛnɛ̨ɛ̨, ɲee tɛɛ, mɛ̨nį kɔ́lɔn mɛ̨nį kəlee ɓa, ə ɲee kɛ ka niiɓa da ka wɔ kiliŋąhiɛɠaa Kristə laa hu.

Hanwon 18:14

Nu kwəi kili lɛlɛɛ ɓə a kpɔmąą tɛɛ bɔ ɲɔ̨n ɉu, Kɛlaa, a kɛ gili lɛlɛɛi tii mąą a hvalin a ɲɔ̨nwɔ̨ɔ̨, gbɛɛ ɓə ɲee a lɔ mą, ə bɛli.

Hanwon 15:13

Nu kwəinɛ̨ɛ̨ ɲɛ̨ilai kaa a wɛlikɛmąą ɲɛ̨ilai, Kɛlaa, nui a kɛ lii kələngwəi hu, ɲɛ̨i mąą a luwu.

Zôo 10:1

Yɛnɛ̨ɛ̨ a ɓaɠi lii tɛ a ɲą́ą́, Və́ pai náá pilɛi nwóólaa mɛ̨nį ɓa. Gáá lɔ pai kɛi hvaai lii kələn gwəi hu.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Ɉaan 14:18

«Və́ ka lɛɛi a təliɠaa, gáá lii pənəi ŋį́ pa ka pɔ.

Zôo 7:11

Yili ɓa, və́ pai pɛlii náá pilɛi; nwɔ́ mɔ̨nɔ̨ mįi lɔwai, gáá pai kɛi lɔ nwóó hukulɔi. Gáá lɔ pai kɛi nwóó laai, nwɔ́ mɔ̨nɔ̨ mįi pələ ɓa.

Samuɛlə dɔlɔɔ 1:10

Anə ə Yai-Laa hvɛli a liikələn gwəi, yɛ wɔlɔ kpɔ a mąąwɛliɛ.

Ɉaan 12:27

«Yiihu, lii kələn gwəi aa hvə mą́ą́, ŋą́ kɛ kpɔ lə; Ną́n! Ŋą́ pɛli kɛi yɛ́ gulɔ ɉu? Yaan, mɛ̨nįi ŋą́ paa la, nąąlɔwai aa həli.

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

Zôo 9:18

Hva kpɛli nɛ́ɛ́ laa, və́ nɔ̨́ɔ̨ yala tanɔ̨n, kɛlaa, a náá hvɛɛ a mɛ̨nį ɲąąnwąnąą,

Tɔɔɓɛlaa veelɛ 4:27

Nɛ̨ɛ̨nui ə tɛ ə həli Elise ɓa ɲee nwuɔ̨, ə pu Elise kɔ́wɔ mu, yɛ ɲee yɛɛ a Elise kɔ́wɔ. Gehazi ə lɛɠɛ laa yɛ kɛ ə ɲee kulɔ Yálá nwɔ nui kɔ́wɔ ɓa. Kɛlaa, Elise yɛ Gehazi ɓa: «Nɛ̨ɛ̨nui ŋɛ̨i lɛɛ laa, liihələn gwəi kɛnɛ̨ a hvə mą, Yai-Laa aa mɛ̨nįi tii loo mą́ą́, hvo nɛ li mą́ą́.»

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Zɛnɛse 42:21

Di kɛi mo di kee lɔwai, diɛ kɛ mą: «Gu ləɠə pulu mɔ̨nɔ̨ ka ŋɛ̨i gu kaa mį́i. Ɓɛlɔwai ə kɛi kɛ la guɔ: ‹Ka mą́ą́ wɛli kaa›, gu hvo kɛ gu wəli tɔɔ li mą. Mɛ̨nį nwąnąąi tii həli mą, gwaa həli voló ɓa. Guɔ kpɛli, gu wɛi ɲələ ka.»

Zôo 21:25

Nu taɠaa diɛ haa, di laahvɛɛ a liikələn gwəi. Di hva yɛnɛ̨ɛ̨ kwəinɛ̨ɛ̨ tɔ̨nɔ̨ kpɛli hɔlɔɓo.

Samuɛlə dɔlɔɔ 1:15

Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.