Hanwon 13:9 - Yálá laawoo hɛɓɛ (dc)

⁹ Tələnmo nuą di wɔ kɛɛ pɔ̨nɔ̨ a lən a ɲąą nɛ̨ɛ̨, Kɛlaa, nwąnąlɔ nuą di wɔ nwɔ̨n gaa pai luwun ɉii.

Yálá laawoo hɛɓɛ

⁹ Tələnmo nuą di wɔ kɛɛ pɔ̨nɔ̨ a lən a ɲąą nɛ̨ɛ̨, Kɛlaa, nwąnąlɔ nuą di wɔ nwɔ̨n gaa pai luwun ɉii.

Bible

⁹ Tɔ̃yâ-nuu ŋɔfúlu-laai káa yɛ̂ɛ laŋpo-leŋ nyii a lêŋ é núu maa pono, kɛ́lɛ ŋwana-lɔ̂ɔ-nuu ŋɔfúlu-laai káa yɛ̂ɛ laŋpo nyii a kɛ́ pâi líiŋ nîi.

Hanwon 13:9 Referans Kwoze

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Hanwon 24:20

Mąąhɔlɔɓo, mɛ̨nį ɲɔ̨n gɛ nuą di tinąą hvo diɛ; ɛlɛɛ, mɛ̨nį ɲɔ̨n gɛ nuą di wɔ nwɔ̨n a luwun.

Hanwon 20:20

Nui a nąn da nee di nɛ̨ŋɛ̨n naa, nwɔ nwɔ̨n kaa pai luwun ɉii kwii hąą ton-ton.

Mąątɛ̨nɛ̨ 112:4

Ə mą kɛ kpinįi ɓə, kɛɛ a pono kwəi kwələ nuą mɛ̨i, a nu mąąwɛli kaa, nii nɛ̨ɛ̨ gwəi, dələnmoɔ.

Mąątɛ̨nɛ̨ 97:11

Kɛɛ pono aa lən, a Tələnmolon nwɔɔ, ɛlɛɛ, kwəinɛ̨ɛ̨ li, kwəi kwələ nuą diɛ.

Maafîu 25:8

Nɛ̨ɛ̨gbəla lɔɔlii ŋɛ̨i kɛ di kilaa hvo kɛ pono li, diɛ di ɓɛlaa lɔɔli tii nwulɔ həɠə diɛ: ‹Ka ku kɔ́ a ka wɔ wulɔi tawolo, ku pu kuwɔ labonŋąai hu; ka káá gaai, kuwɔ labonŋąai diɛ di luwun.›

Tɔɔɓɛlaa dɔlɔɔ 11:36

Non nwɛi, gáá pai nu huwu tɔ̨nɔ̨ tɛɛi bɔ, ə gɛ, nwɔ́ tímun Davidə nwɔ nwɔ̨n hvo pa luwun nííla, Ɉerusalɛmə taai ŋą́ ɉəɠə ɉu, a nwɔ́ɔ́, gɛ́ náá hee laa.

Zôo 29:3

Ɓɛlɔwai Yálá nwɔ labon ə kɛi lən na nwún mɛ̨i, ɓɛlɔwai ŋį́ kɛi hiɛ la a kpinį, Yálá nwɔ kɛɛ pɔ̨nɔ̨i yɛ dénən dɔɔ.

Zôo 21:17

A kɛ ti, yələ kəlee ɓə mɛ̨nį ɲɔ̨n gɛ nuą di wɔ kpalan a luwun na? Di wɔ mɛ̨nį ɲɔ̨n gɛɛ a too di mɛ̨i? Yálá nwɔ liiholii a di yəi hɛn gəlee hukala?

Maafîu 22:13

«Tɔɔmun ə mo nwɔ tínuą diɛ, yɛ diɛ: ‹Ka nui ŋɛ̨i yee laa bulu, ka ɲili, ka gɔwɔ kwaną yili, ka bili ɲɛnɛ̨ɛ̨ gbinį hu ɓɛi wɔ́lɔ́ da ɲį́n ɲa mįi di kaa laa.›»

Hanwon 13:8

Ɉɛn nu a gilitɔɔmą yɛ nwɔ yɛnɛ̨ɛ̨ kɛ la, ya ɓaa nwɔ hɛn gɔw. Kɛlaa, yeehvowolomun nwɛi, mąą ɲɔw woo hva too nwəlii.

Hanwon 13:10

Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

Izikiɛ 32:7

Ə́ lən a luwun ə kpɛɛ ɉu, ŋą́ yələ kɔ́lɔn mɛ̨i kpulu, gɛ́ pɛmɛ̨lɛ̨n-gɔwɠaa hu kpinį; gɛ́ hvóló mɛ̨i kpulu a tulɔ kpinįn, ɛlɛɛ, ɲąnin və pai kɛa hvólói.

Lonon mo 27:4

Akɛti, ku nąn laa yɛ mɔ̨ɔ̨ ə pa kpɛɛ ɉuwu hu? Mąąhɔlɔɓo, lon ɉulɔnu hvo kɛ mą? Yili ɓa tii, lɔi tɛɛ ku pɔ, yɛ bələi ə́ dɛɛ la ku nąn niɛni, da nəɠəni di pɔ.»