Hanwon 13:18 - Yálá laawoo hɛɓɛ (dc)

¹⁸ Nui a bulu tɔɔ mąąkwɛli woo ɓa, laanɔ̨nwɔ̨ da nwumɛ̨ da hee mą. Kɛlaa, nui da nwəli lon doo ɉi, ə gili lɛɛ ɉu, mąą a wiɛ.

Yálá laawoo hɛɓɛ

¹⁸ Nui a bulu tɔɔ mąąkwɛli woo ɓa, laanɔ̨nwɔ̨ da nwumɛ̨ da hee mą. Kɛlaa, nui da nwəli lon doo ɉi, ə gili lɛɛ ɉu, mąą a wiɛ.

Bible

¹⁸ Ǹúui va lia-woo siɣei, kôlo-laa da ŋumɛ a pâ bɔ́, kɛ́lɛ ǹúui a ŋ̀óli tɔ̀ɔ lia-woo mai, a ƃaa-kɛ-maa sɔlɔ ƃô.

Hanwon 13:18 Referans Kwoze

Hanwon 15:5

Kilikpɛɛɲəimun a tɛɠɛ ɓo nąn nwɔ mąąkwɛli woo hu. Kɛlaa, nui da nwəli lon doo ɉu, yɛ gili lɛɛ ɉu, mɛ̨nį kɔ́lɔnmun ni.

Hanwon 12:1

Nui hutɔɔ wɛli kaa mą, gaa bɔ ə mɛ̨nį kɔ́lɔn, Kɛlaa, nui a liɛwoo pili, nwun gbɛɛi ɉu.

Hanwon 25:12

Kilimąą mun a nu hɔn doo, yá ə́ nwəli tɔɔ mą a nɛlɛɛ, gaa yɛ hɛni gbono da hɛni kwɛɛn.

Hanwon 13:13

Nui a nu woo pili, a gbɔwɔ nwun na pili. Kɛlaa, nui a tɔ́n bɔ liɛwooŋąą hon, mąą nu a vɛla hɔlɔɓo.

Hanwon 19:6

Nui ɲɛ̨itɔwɔlaa kaa mą, nu tamąą da dɛ̨nɛ̨ ɲɛ̨i ɓa, nui a mɛ̨inɛ̨ɛ̨ kɛ, gaa a nu kəlee mɛlan.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Mąątɛ̨nɛ̨ 141:5

Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Hanwon 13:19

Nu liiɓa hɛn a həli mą, ŋąą a nɛ̨ɛ̨ mą. Kilikpɛɛgwəi nuą pulu tɔɔi mɛ̨nį ɲɔ̨n ma, gaa diɛ a mɛ̨nį nwąnąą kɛnɛ̨.

Hanwon 13:25

Tələnmomun a kɔ̨nɔ̨n mįi, yɛ pilɛ, Kɛlaa, nwąnąlɔ nuą koo lon yɛ lɛɛ a vowolo.

Ikilisiati 7:5

Nu wəli tɔɔ kilimąą mun nwɔ liɛwoo ɓa hviɛlaɓoɔi, ə tɛɛ nu wəli tɔɔ kilikpɛɛgwəi nuą di wɔ wələ wooɠaa diɛ.

Ɉeremi 3:25

Ka gu pɛlɛ, mąąhɔlɔɓo, gwaa nwumɛ̨! Ka guɔ ɓɛlɛkpɛɛmąą túwɔ́ aa gu ɲɛ̨i paa! Hvo gaai, kwaa nɛ̨ŋɛ̨n ɉəɠə Yai-Laa kuɔ Yálái ɓa; kuɔ mąn, ku nąnni mąn, ə həɠə ku muhəɠə yələ ɓa, ə həli la háákələi ɓa. Ku hvo ku wəli tɔɔ li Yai-Laa kuɔ Yálái woo ɓa.