Hanwon 13:10 - Yálá laawoo hɛɓɛ (dc)

¹⁰ Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

Yálá laawoo hɛɓɛ

¹⁰ Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

Bible

¹⁰ Yoŋka-nuu a pâ a laa-saa, kɛ́lɛ táre a pâ a ǹúui nyii a lia-woo mɛ̀nii.

Hanwon 13:10 Referans Kwoze

Hanwon 19:20

Ə́ wəli tɔɔ liɛwoo ɓa, mɛ̨nįi di kaa ə́ kalan ɉi la, ə́ ɉon; yili ɓə a nu kɛ a kilimąą mun tɔwɔ pələ.

Hanwon 17:14

Nui a hvaa kɔ́wɔ tɔɔ, gaa yɛ nui a gaɓan ɉəɠə yá tɔwɔ. Gɛɛ vaa hu hvo kɛnɛ̨, həɠə laa.

Zĩi 4:1

Mį ɓə mɛ̨nį kpɛlaanŋąąɠaa da həɠə laa? Mį ɓə gbilɛn gɔɔ a həɠə laa ká lɔwai? Kɛlɛi, da kulɔ ká liiɓaɠaa hu, diɛi gɔ́i a di kee ká kɔ́lɔ hu?

Timote dɔlɔɔ 6:4

a kɛti, kpɔwɔ ɲąąkɛnɛ̨ aa ɲɛ̨i pu; ɛlɛɛ, mąą nu kaa dɛɠii, ɲɔ̨n gaa mą, yɛ hɛatooi kwɛli, da hvaa kɛ wooɠaa. Yiliɠaa diɛn mə, mɛ̨nįɠaa ŋɛ̨i da kulɔ ɉu: hɛn nwɛlilaa, hɛatoɔ, Yálá lalan nwooɠaa, mɛ̨nį ɲɔ̨n mąą kiliŋąhiɛ,

Lukə 22:24

Galan nɛa di kɛi hɛa too di kee lɔwai diɛ kɛ mą: gbɛɛ ɓə pai kɛi a nu kɛnɛ̨ɛ ku lɔwai.

Hanwon 25:8

Mɛ̨nįi ə́ ɲɛ̨i ə gaa, 'hvó humo 'hvó mo kiti haɠa ɓa, yili a kɛ tii, akɛ nui ŋɛ̨i ə́ ɉɔn doo a pa, tɛ̨ą a wala kɛ ə́ pɔ, lə ɓə kɛa yá gɛ?

Hanwon 21:24

Nui ɲɛ̨i tɛɛ, dɛɠɛɓo ɉuɔ, naa ɓaa: yɛlɛ kulɔɉumun. A pələ ɓo kpɔwɔ ŋąą kɛnɛ̨ laa hu.

Hanwon 20:18

Ə́ kɛ kolóɠaa mąą kiliŋąlaa kɛ kpɔ a nɛlɛɛ, ə́ kaa pai kɛa lɛɛi ə́ kpɔwɔ ɓa, ɛlɛɛ, ə́ ə́ wɔ kɔ́i kɔ́ a ə́ kili.

Tɔɔɓɛlaa veelɛ 14:10

A tɛ̨ą, Amasiasə! Ə́ yee tii aa tɛɛ Edɔmə lɔi ɓa kɔ́ hu, ya ka tii gɛi yɛ́ ə́ nwun dɛ la. Ə́ nwun dɛ-o! Kɛlaa, lɛɛ la ə́ pɔɔli. Lə mɛ̨nį ɓa, ə́ kaa tɔɔi ə́ nwun nɛɛ ɉu mɛ̨nį tɔwɔ, yɛ́ kɛ ə́ Ɉuda lɔi lɛɛ ə́ pɔ nwun na ə pili?.»

Tɔɔɓɛlaa dɔlɔɔ 12:16

Israɛlə nuą kəlee di gaa diɛ tɔɔmun və nwəli tɔɔ li di woo ɓa, nuą di nwoo pulu pənə, diɛ mą: «Lə mɛ̨nį ɓə kwa Davidə ni ku lɔwai? Ku kpɔnmąą hɛn və laa, kwa Ɉɛse lonnii. Israɛlə nuą, nu kəlee ə li ɲəi bɛlɛ́ laaləi, Davidə lon ə́ wɛi, Ə́ ɲɛ̨i lɛɛ kɛa ə́ wɔ pɛ́lɛ́i ɓa.» Israɛlə nuą di li di yəi bɛlɛ́ɠaa mu.

Nwun mąąɓo 19:30

Nuą lɔpee mɛ̨nį tii nąą kaa, di kɛi mo diɛ kɛ mą: «Ku hvo ta mɛ̨nį ŋɛ̨i ta kaa li Israɛlə nuą lɔwai, ə həɠə kpɔ ɲələi di kulɔ la Eziptə lɔi hu mą, ə həli la yiihu ɓa. Hvo kɛli ku mɛ̨nį ŋɛ̨i mąąkpɛɛ, ku mɛ̨nį ta kɛ ɉu.»

Hanwon 13:9

Tələnmo nuą di wɔ kɛɛ pɔ̨nɔ̨ a lən a ɲąą nɛ̨ɛ̨, Kɛlaa, nwąnąlɔ nuą di wɔ nwɔ̨n gaa pai luwun ɉii.

Hanwon 13:11

Nu a hɛn ɉɔlɔɓo a hvoló tɔ̨nɔ̨, da lɔ ɓə a kɛ kulɔi mą. Kɛlaa, nui a hɛn naa gee mɛ̨i a bɛlɛɛ pɛlɛɛ, da lɔ ɓə a kɛ pɛlɛi mą.

Hanwon 28:25

Nui ɲɛ̨i kulɔ bɔ wɛli kaa mą, a hvaa too. Kɛlaa, nui a gilitɔɔ Yai-Laa ɓa, nįį a hee ɲee kɔ̨nwɔ̨n ɉu ə ɓɛlɛ.