Hanwon 12:22 - Yálá laawoo hɛɓɛ (dc)

²² Lɛɛ nuą wɛli hvo Yai-Laa ɓa, Kɛlaa, a tɔɔ tɛ̨ą ɓo nuą pulu.

Yálá laawoo hɛɓɛ

²² Lɛɛ nuą wɛli hvo Yai-Laa ɓa, Kɛlaa, a tɔɔ tɛ̨ą ɓo nuą pulu.

Bible

²² Lɛ́ɛ-nuu ƃɛlɛ fé Ɣâla Yâwɛɛ koi, kɛ́lɛ diai da tûa sãa kɛ̀i, ǹíi lâai dí mɛni ma.

Hanwon 12:22 Referans Kwoze

Mąątɛ̨nɛ̨ 5:6

Ɲąŋąɲąŋąmun va tɔɔ ə́ ɲɛ̨́i mu, Yá yowolaa kulɔ a mɛ̨nį ɲɔ̨n gɛ nuą kəlee.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

Hanwon 11:20

Ə́ wɛi, hvilɛn nu túwɔ́ pələ lɛlɛɛɠaa pulu, ə́ nu haŋąɠaa pɔɔn kɔ́ɔn.

Ɉeremi 9:24

Yai-Laa yɛ diɛ: Yələ ta, gáá pai kpɔ lii kɔ́lɔ ɓa kɛ́nɛ̨ laa hu!

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Hanwon 11:1

Nón! Mɛ̨nįi gáá ə́ kalan ɉii la, gili lɛɛ ə́ ɲą Yii ŋą́ kɛ yɛ́ gɛ, 'hvó lɛ̨ą mą.

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Tɔɔɓɛlaa dɔlɔɔ 13:18

Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Mąątɛ̨nɛ̨ 120:2

Yai-Laa, náá kulɔ lɛɛ kɛ nuą la, Ə́ gúlɔ lɛɛ kpala-kpala ɓo lɛ̨n yəi.

Hanwon 17:7

Pələ ɓoɔ a mąą kpalaa, mąą hvo nɛ̨ɛ̨li nu tupɛ-tupɛ la, yɛ bələi lɔ, lɛɛ woo mąą hvo nɛ̨ɛ̨li la ɲɛ̨itɔwɔmun nai.