Hanwon 12:21 - Yálá laawoo hɛɓɛ (dc)

²¹ Mɛ̨nį ɲɔ̨n va həli tələnmomun ma, Kɛlaa, nwąnąlɔ nuą ɓə kpalo a di kaa.

Yálá laawoo hɛɓɛ

²¹ Mɛ̨nį ɲɔ̨n va həli tələnmomun ma, Kɛlaa, nwąnąlɔ nuą ɓə kpalo a di kaa.

Bible

²¹ Mɛni kpɔ̂lu fa kûla tɔ̃yâ-nuu ma, kɛ́lɛ wôya-nuu káa mɛni kpɔ̂lu su a tãi kélee.

Hanwon 12:21 Referans Kwoze

Piɛrə dɔlɔɔ 3:13

Ɛlɛɛ, gbɛɛ ɓə a pɛli mɛ̨nį ɲɔ̨n gɛi a káá, akɛ, ká ká hvaŋąlɔ mɛ̨nį lɛlɛɛ kɛɛ ɓa?

Mąątɛ̨nɛ̨ 91:10

Mɛ̨nį ɲɔ̨n və pai həlii yɛ́, mɛ̨nį ɲąąnwąnąą ta hva lɛɠɛ ə́ wɔ yíi-pɛ́lɛ́i ɓa;

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Hanwon 1:31

Yili ɓa, ka túwɔ́ pələi tii lɔ ɓə gbalo a ka káá, ka wɔ kili ɲɔ̨nwɔ̨ɔ̨ tii lɔ ɓə ka pilɛ ɉu.

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

Hanwon 14:14

Túwɔ́ pələ ɲɔ̨n gulɔmun a pilɛ ɉa túwɔ́ pələ ɲɔ̨n ɉu. Nu lɛlɛɛ nwɛi, a pilɛ a mɛ̨inɛ̨ɛ̨.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Mąątɛ̨nɛ̨ 121:7

Yai-Laa a ɲɛ̨i kɛ yɛ́, mɛ̨nį ɲɔ̨n ɉuwu-huwu kəlee tɔwɔ, yɛ ə́ wɔ yɛnɛ̨ɛ̨ laa hɔnmo.

Hanwon 1:33

Kɛlaa, nui a nwəli tɔɔ nwóó ɓa, nwɔ pɛlɛ́i mu ɲąą a nɛ̨ɛ̨, kpalo hva gaa.»

Hanwon 12:20

Nuąi da di kiliŋąhiɛ mɛ̨nį ɲɔ̨n ma, lɛɛ ɓə di lii pɔ. Nuąi da liilaa mąą liɛwoo kɛ, kwəinɛ̨ɛ̨ ɓə gaa di lii pɔ.

Hanwon 19:23

Nu ya ɲɔw Yai-Laa ɓa, a nu ɓalo. Ɲɔw mąą tii, a nu niilɔ, ya yɛnɛ̨ɛ̨ kɛ, mɛ̨nį nwąnąą hva ə́ hɔlɔɓo.

Ikilisiati 8:5

Nui a tɔ́n ɉon, tɔ́n va too mɛ̨i. Kɛlaa, kilimąą mun ə gɔlɔn yɛ, yələ ta kaa pai həlii, Yálá nwɔ kitii kaa pai nwɔ nąą kɛi ɉu.

Hanwon 11:21

Mąąhɔlɔɓo, mįnɛ̨ həɠɛɛ lɔi kaa a nu haŋąąɠaa di wɔɔ. Diɛ ɓə da hee laa.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.