Hanwon 12:15 - Yálá laawoo hɛɓɛ (dc)

¹⁵ Kilikpɛɛɲəimun dúwɔ́ pələ haŋąąi lɔ gbɔwɔ ɲɛ̨i ɓa. Kɛlaa, nui a nwəli tɔɔ liɛwoo ɓa, kilimąą mun ni.

Yálá laawoo hɛɓɛ

¹⁵ Kilikpɛɛɲəimun dúwɔ́ pələ haŋąąi lɔ gbɔwɔ ɲɛ̨i ɓa. Kɛlaa, nui a nwəli tɔɔ liɛwoo ɓa, kilimąą mun ni.

Bible

¹⁵ Ƃoo-nuu a gíli ŋá sìa a gɛɛ ŋɔmɛnii lɛ̂lɛi, kɛ́lɛ táre-nuu a lia-woo mɛni.

Hanwon 12:15 Referans Kwoze

Hanwon 3:7

'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Hanwon 19:20

Ə́ wəli tɔɔ liɛwoo ɓa, mɛ̨nįi di kaa ə́ kalan ɉi la, ə́ ɉon; yili ɓə a nu kɛ a kilimąą mun tɔwɔ pələ.

Hanwon 14:16

Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Hanwon 14:12

Nu kpəli a ɉiɛ pələ kaa a ɉaŋąą, Kɛlaa, gaa pai naa kulɔi haa wolo la.

Hanwon 1:5

Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Hanwon 26:12

Yá nu ta kaa, yɛ gbɔwɔ kɛ a kilimąą mun? Nu kilitɔɔ kilikpɛɛgwəi mun ma, viɛlaɓoɔi nu taaləi tii ɓa.

Hanwon 16:25

Túwɔ́ pələi nu a giliŋąhiɛ mą yɛ kɛ ɉaŋąąi, ŋąą a pɛli ə kpɛɛ a haa.

Hanwon 16:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə ə nu kwəi kiliɠaa kɔlɔn.

Galatə 6:3

Mąąhɔlɔɓo, akɛ nu ta a gbɔwɔ kaa yɛ nu walawala, ya pa, yaan hvo a hɛn da, gaa gbɔwɔ ɓowoi.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Hanwon 21:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə a nuą lii hu kaa.

Lukə 18:11

Farisiɛ̨ tii ə tɔɔ a dee, yɛ Yálá hvɛli, yɛ kɛ diɛ: ‹Oo Yálá! Gáá ə́ mąmąɓoi, mąąhɔlɔɓo, və́ yɛ nu takpɛliɠaa; diɛi di kaa a nwuɔ̨ nuą, mɛ̨nį ɲɔ̨n gɛ nuą, da wɛli hon nuą. Gáá ə́ mąmąɓoi, mąąhɔlɔɓo, və́ kpɛli yɛ nįįhɔ̨nwɔ̨ kulɔ mun ŋɛ̨i.

Hanwon 30:12

Nu taɠaa kaa laa, da di kpɔwɔ kaa a di mąąhəɠɛɛ di kpɔwɔ ɲɛ̨i ɓa, yá pa, diɛ ɓo mąąliɓilaa hu.

Hanwon 28:11

Hɛn gɔw nąmu, a gbɔwɔ kaa lɔ a kilimąą mun. Kɛlaa, yeehvowolomun yii kili kaa mą, a ɉɛn gɔw nąmui tii pulu kulɔi.

Ikilisiati 4:13

Hulɔnon gilimąąi nuą ɲɛ̨i tɛɠɛɓoɔ ɉu viɛlaɓoɔi ə tɛɛ, tɔɔmun ɉulɔgolo ɓa, yai gili hvo ɲəi, ɛlɛɛ, hvo nwɔ̨nɔ̨ bɔ di hvo niɛwoo kɛ.

Hanwon 26:16

Hviɲɛ̨mun a gbɔwɔ kaa a kilimąą mun kɛnɛ̨, ə tɛɛ mɛ̨nį kɔ́lɔn nuą kili ŋą kulaa mɛ̨ihveelɛ ɓa.

Hanwon 13:1

Lon kili kaa mą, a nwəli tɔɔ nąn nwɔ liɛwoo ɓa, Kɛlaa, lon ɲɛ̨itɛɛ, hva hvaa mą di hvo ɉɔn nɛ mą.

Hanwon 13:10

Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.