Hanwon 10:3 - Yálá laawoo hɛɓɛ (dc)

³ Yai-Laa hva tələnmomun nɛɛ laa pulu hvo naanɔ̨nwɔ̨ ɓo, Kɛlaa, a nwąnąlɔ nuą di wɔ lii pɔ tee hu kala.

Yálá laawoo hɛɓɛ

³ Yai-Laa hva tələnmomun nɛɛ laa pulu hvo naanɔ̨nwɔ̨ ɓo, Kɛlaa, a nwąnąlɔ nuą di wɔ lii pɔ tee hu kala.

Bible

³ Ɣâla Yâwɛɛ fa nɛ̀ɛ naa puru é tɔ̃yâ-nuu kɛ́, kɛ́lɛ va wôya-sɛŋ wɛli-nuu líi làa.

Hanwon 10:3 Referans Kwoze

Mąątɛ̨nɛ̨ 37:25

Ə həɠə ɉúlɔnon ɲələ ɓa, ə həli la bɔ́lɔ́i lɔwai ŋɛ̨i ɓa, və́ ta tələnmomun gaa li, yii nu hvo mą, və́ ta gwəilonnii kaa li, diɛ kɔ̨nɔ̨n vɛli.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Mąątɛ̨nɛ̨ 37:19

Di ɲɛ̨i mąą hvo pai luwui a mɔ̨nɔ̨ yələ, pulu a too, da pilɛ.

Mąątɛ̨nɛ̨ 33:19

A di kulɔ haa yəi, yɛ di laa hɔn mo yɛnɛ̨ɛ̨ a pulu yələɠaa.

Zôo 5:20

Pulu tooi lɔwai, a ə́ nwun mąąkɔ̨nwɔ̨ haa yəi, yɛ ə́ nwun mąąkɔ̨nwɔ̨ kɔ́ kɔ́ ɓɔwa yəi.

Lukə 12:31

Yii mąąnɛ̨ɛ̨ ka niihɛlɛn ɉee, ya ɓaa: Yálá-taa tɔɔlaai hɔlɔɓo mɛ̨nį, Yili pulu, Yálá a ɉɛnŋąą tii kəlee tɛɛ ka pɔ.»

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Mąątɛ̨nɛ̨ 112:10

Wea mun a nąą kaa, yili yɛ lɔ mą kɛnɛ̨, yɛ naa hvaną, yɛ kpala; nuąi di hvo Yálá pɔ, di líiɓaɠaa da lɛɛ a kpɛli.

Zôo 20:28

Ɲəi bɛlɛ́n ɉɛn gɔw kəlee a li, yɛ ya, a liiholi yələɠaa.

Mąątɛ̨nɛ̨ 10:14

Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Hanwon 13:25

Tələnmomun a kɔ̨nɔ̨n mįi, yɛ pilɛ, Kɛlaa, nwąnąlɔ nuą koo lon yɛ lɛɛ a vowolo.

Hanwon 28:9

Nui a nwəli laa kpulu tɔ́n nwoo tɔwɔ, nwɔ Yálá hvɛli woo kəlee kaa a mɛ̨nį ɲɔ̨n gɛnɛ̨.

Hanwon 28:25

Nui ɲɛ̨i kulɔ bɔ wɛli kaa mą, a hvaa too. Kɛlaa, nui a gilitɔɔ Yai-Laa ɓa, nįį a hee ɲee kɔ̨nwɔ̨n ɉu ə ɓɛlɛ.

Zôo 15:23

A kɛ gílɛ həɠəi yɛ gɔ̨nɔ̨n gwɛli, kɛlaa mįnɛ̨ ɓə a ɉɔlɔɓo laa? Gili kaa ɉu yɛ kɛɛnąą kpinɛ̨ɛ̨ ɓə mąąkpɔn ɉii.