Hanwon 10:21 - Yálá laawoo hɛɓɛ (dc)

²¹ Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.

Yálá laawoo hɛɓɛ

²¹ Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.

Bible

²¹ Tɔ̃yâ-nuu lóno-woo a kpɔŋ-maa tɛ̀ɛ núu támaa pɔ́, kɛ́lɛ ƃoo-nuu lóno-woo a gbîŋ pàa.

Hanwon 10:21 Referans Kwoze

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Hanwon 17:16

Wali kɛɛ kilikpɛɛgwəi mun ɲəi, dɔlɔ ɓaa lə? A pɛli mɔ̨ɔ̨ kili hɔlɔɓoi la? Kili hvo yaai tii mą.

Maafîu 13:19

Mɔ̨nun gɔw yiiɠaai too bələ kwɛlɛ nwɛ̨nįɠaa diɛ ɲɛɠɛ; mukulaa ɓa, nuąi da Yálá-taa tɔɔlaa mąą wəlɛɛ lɛlɛɛ mɛ̨n di hva ŋąą kaa, ɓilihi a pa ə gulɔ di lii hu.

Hanwon 1:29

Mąąhɔlɔɓo, di mɛ̨nį kɔlɔn ŋąą viiɓo, di hvo gɛ li di hvo ɲɔw Yai-Laa ɓa.

Hanwon 15:4

Nu hvaŋąlɔ woo kaa a yíipoo wulu, Kɛlaa, nui nɛn gaa na hveelɛ, a nu lii yali gwəi

Hanwon 5:23

Gaa pai haai mąąhɔlɔɓo, ɉutɔɔmun və mą, nwɔ ɓowo laa aa gili kpɛɛ ɲəi.

Hanwon 5:12

Ɛlɛɛ, yɛ́ kɛ diɛ: «Lə mɛ̨nį ɓa hutɔɔ mɛ̨nį wɛli hvo kɛ li mą́ą́? Lə mɛ̨nį ɓa və́ wə́li tɔɔ ɉútɔɔ woo ɓa?

Hanwon 1:31

Yili ɓa, ka túwɔ́ pələi tii lɔ ɓə gbalo a ka káá, ka wɔ kili ɲɔ̨nwɔ̨ɔ̨ tii lɔ ɓə ka pilɛ ɉu.

Zôo 23:12

Gɔ́wɔ́ hvo ta həɠə li nwɔ tɔ́nŋąąi mɛ̨i. Wooɠaai da kulɔ na ŋą́ gəlee lɛɛ gíli pɔ.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Hanwon 12:18

Hvaa pulu-pulu a kɛɛ kala lɔ yɛ ɓɔwa kwɛa, Kɛlaa, kilimąą nuą woo kaa a kɔ́lɔi pɔ̨nɔ̨ hali.

Piɛrə dɔlɔɔ 5:2

'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Ɉeremi 3:15

Gɛ́ nííɓa nuą hee ka nwun na, di ka ɲąąkɔn, a kili mɛ̨nį, ə lɛɛ, a gbaɠala yɛ bələi gáá la bɔ.

Mąątɛ̨nɛ̨ 37:30

Tələnmomun naaləi hva kpɛla kili mɛ̨nį ɓoɔ ɓa, tɛ̨ą mɛ̨nį lɔ ɓə a kulɔ na.

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Hanwon 6:32

Nui da wɛlikɛ nɛ̨ɛ̨nu da kɛ, mąą nu hva mɛ̨nį ɲąą kaa, nui gaa bɔ ə gbɔwɔ yee lɛɛ ɉu, bələ ɓə a túwɔ́ la.

Hanwon 10:11

Tələnmomun naaləi kaa a yɛnɛ̨ɛ̨ nwun gulɔi, Kɛlaa, nwąnąlɔmun nwɛi kaa a toomɛ̨i nwun gulɔi.

Hanwon 1:32

Mąąhɔlɔɓo, nu lənɛɛ kili ɓa ɓə a nwun na pili, kilikpɛɛgwəilaa yɛ hupumąąmun baa.

Hanwon 5:2

Ə gɛ yɛ́ pɛli mɛ̨nį hu kpɛ kili laahon moi. Yá gɛ tii, kili woo ɓə pai kɛi kulɔi ə́ la.

Hanwon 15:7

Kilimąą nuą hvaa woo a mɛ̨nį kɔ́lɔn ŋąą ɲąąkwɛlɛ, Kɛlaa, kilikpɛɛgwəi nuą di wɛi, a kɛ a mɛ̨nį takpɛli.

Ikilisiati 12:11

Kilimąą nuą woo kaa yɛ hɛ́pɛlɛ, a yali nu lii ɓa, ə nu kili nwun. Kilimąą nuą woo a nu kili lɛɛ mɛ̨nį kɔ́lɔn mɛ̨nįɠaa hu. Kilimąą nuą woo a həɠə Yálá tanɔ̨n gbən mə bɔ, yai a nu tənən dɔɔ a tɛ̨ą.

Azaya 5:13

Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»