Hanwon 10:14 - Yálá laawoo hɛɓɛ (dc)

¹⁴ Kilimąą nuą da mɛ̨nį kɔ́lɔn ŋąą laaikɛ, Kɛlaa, kilikpɛɛgwəi mun vaa woo kaa yee lɛɛ ɉu mąą kpua.

Yálá laawoo hɛɓɛ

¹⁴ Kilimąą nuą da mɛ̨nį kɔ́lɔn ŋąą laaikɛ, Kɛlaa, kilikpɛɛgwəi mun vaa woo kaa yee lɛɛ ɉu mąą kpua.

Bible

¹⁴ Táre-nuu a ŋɔtárei da pù ma, kɛ́lɛ ƃoo-lono kɛ́-nuu wóo a pâ a su-kara a maa félaa.

Hanwon 10:14 Referans Kwoze

Hanwon 18:7

Kilikpɛɛɲəimun naaləi a nwun na pili, vaa woo ə ɓo a hɛlɛn yii a dɛ gbɔwɔ tɔwɔ.

Hanwon 10:8

Kilimąą mun a nwəli tɔɔ liɛwoo ɓa, Kɛlaa, nui hva pələ ɓo a dənən, a gbɔwɔ nwun nɛɛ ɉu.

Hanwon 13:3

Nui a ɲee kɛ naaləi ɓa, a nwɔ yɛnɛ̨ɛ̨ mɛ̨i kaa. Kɛlaa, nui a howon a mɔlɔ, a gbɔwɔ nwun na pili.

Hanwon 10:10

Nui a tɛ̨ą loo, a mɛlaa laanɔ̨nwɔ̨ ɓo, ɛlɛɛ, nwɔ̨nɔ̨, nui hva pələ ɓo a dənən, a gbɔwɔ nwun nɛɛ ɉu.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Maafîu 13:44

«Yálá-taa tɔɔlaa kaa yɛ, hɛn gɔw yii noɔ tíi hu. Yii hulɔnu ta ə li, ə gaa, ə pənə ə mɛ̨i kpulu. Gwəi ə nɛ̨ɛ̨ kpɔ kɛnɛ̨, ə li ə ɲəi hɛn gəlee lɔwɔ́tɔɔ, ə pənə ə pa, ə díi tii ya la.»

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Hanwon 21:23

Nui ɲee a pɛli naaləi da nɛn diɛ, a gbɔwɔ mąąkɔ̨nwɔ̨ liihɛlɛn dɔwɔ.

Hanwon 19:8

Nui a kili hɔlɔɓo, a gbɔwɔ wɛlilakɛ, nui a ɲee kanąn nwun gɛ ɉulaa ɓa, bulu a nɛɛ mą.

Hanwon 18:15

Nui nwun gaa ɉu, ya ɓə a kili mɛ̨nį kwɛli, kilimąą mun nwəli a mɛ̨nį kɔ́lɔn gili kwɛli.

Hanwon 18:1

Nui gbɔwɔ nwɔ tɔ̨nɔ̨ wɛli kaa mą, a tɔɔ dɔ̨nɔ̨ konɉu. Da niɛwoo kɛ a nwąną mą.

Hanwon 1:5

Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Hanwon 12:23

Nu ɲąąlaa a nɛn dɔɔ vaa woo tɔwɔ. Kɛlaa, kilikpɛɛgwəi nuą da di wɔ ɓowo mɛ̨nį kulɔ pɔ̨nɔ̨ŋą.

Ikilisiati 10:12

Kilimąą mun vaa woo a mąąwiɛ nuą lɔwai, Kɛlaa, kilikpɛɛgwəi mun vaa woo a mɛlɛkpɛɛ mą nu lɔwai.

Hanwon 17:20

Nui níí ɲɔ̨nwɔ̨ɔ̨ gwəi, hva mɛ̨inɛ̨ɛ̨ hɔlɔɓo, nui nwoo tamąą na, ya ɓə kpalo a gaa.