Hanwon 1:5 - Yálá laawoo hɛɓɛ (dc)

⁵ Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Yálá laawoo hɛɓɛ

⁵ Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Bible

⁵ Tɔɔ dáre-nuui máŋ é ŋ̀óli tɔɔ dîa a gɛɛ ŋɔtárei su é kɛ́tɛ. Tɔɔ zɛŋ-kɔlɔŋ-nuui é dília-wooi síɣe,

Hanwon 1:5 Referans Kwoze

Hanwon 12:1

Nui hutɔɔ wɛli kaa mą, gaa bɔ ə mɛ̨nį kɔ́lɔn, Kɛlaa, nui a liɛwoo pili, nwun gbɛɛi ɉu.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Korɛntə dɔlɔɔ 10:15

Kaa kɛɛ mɔ̨ɔ̨ a mɛ̨nį ŋąą kaa nuą, ya ɓə gɛi gɛ́ mɛ̨nįɠaai tii ɓo la kaa. Kaa kpįnįi, ka ɉu kwɛli.

Zôo 34:16

Kɛlaa, yii ə́ wala mɛ̨nį kpaɠala kaa, ə́ wəli tɔɔ Ɉobə, Ə́ wəli tɔɔ mɛ̨nįi gáá moi mą:

Zôo 34:10

Mɛ̨nį kɔ́lɔn nuą, ka ka wəli tɔɔ kɛa nwóó ɓa, mɛ̨nį ɲɔ̨n mąą kwɛai Yálá ɓa, hulu mɛ̨nį hva lɛɠɛ Huwalawala Kəlee Nąmu kwɛlɛ.

Zôo 34:34

Mɛ̨nį kɔ́lɔn nuą kaa pai hvaai nwóó ɓa, kilimąą nuą diɛ kɛ mą́ą́:

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Hanwon 14:6

Yɛlɛ kulɔ ɉumun a kili kwɛli, hva ɉɔlɔɓo. Kɛlaa, mɛ̨nį kɔ́lɔnmun nwɛi, a mɛ̨nį kpaɠala kaa ɉa.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Zôo 34:2

Kilimąą nuą, ka ka wəli tɔɔ nwóó ɓa, mɛ̨nį kɔ́lɔn nuą, ka nwóó mɛ̨n.

Hanwon 8:33

Mɛ̨nįɠaai gáá ka kili pui ɉu, ka hvo ɓo mą ka hvo doo. Ka kanąn mą, ka kɛ a kilimąą nuą.

Hanwon 9:8

'Hvó yɛlɛkulɔ ɉumun ɉutɔɔ, ə́ wɛli hvo pa kpɛɛ mą. Kɛlaa, yá kilimąą mun ɉɔn nɛ mą, a ə́ wɛlilakɛ.

Hanwon 18:15

Nui nwun gaa ɉu, ya ɓə a kili mɛ̨nį kwɛli, kilimąą mun nwəli a mɛ̨nį kɔ́lɔn gili kwɛli.

Hanwon 19:25

Da yɛlɛkulɔɉumun gɛlɛ, a kili tɛɛ kilikpɛɛgwəi mun bɔ. Ya mɛ̨nį kɔ́lɔnmun ɉɔn doo ma, a kili hɔlɔɓo ɉu.

Hanwon 21:11

Nui gili hva li kwɛa la, a yɛlɛ mąąkɛun ɉu tɔɔi kaa, a kili hɔlɔɓo. Ɛlɛɛ, gaa pai kɛi a kili nąmu, ɓɛlɔwai da kɛi kilimąą mun niɛwoo kɛ la.