Hanwon 1:26 - Yálá laawoo hɛɓɛ (dc)

²⁶ Ɲą́ą́ gbɛli, mɔ̨nɔ̨ a laa kaa, ŋą́ yɛlɛ kaa, kpalo a ɓɛla kaa, ŋą́ yɛlɛkulɔ ka hu;

Yálá laawoo hɛɓɛ

²⁶ Ɲą́ą́ gbɛli, mɔ̨nɔ̨ a laa kaa, ŋą́ yɛlɛ kaa, kpalo a ɓɛla kaa, ŋą́ yɛlɛkulɔ ka hu;

Bible

²⁶ M̀ɛni ma, tãi mɛni kpɔ̂lu a kûla la kâai, ńyãa máŋ ŋa pâi ɣɛ́lɛ-maa kulâi kákponôi. Tãi mɛni maa pɔlɔ-pɔlɔ a kûla la kâai, ŋa pâi ɣɛ̂lɛi kâa.

Hanwon 1:26 Referans Kwoze

Mąątɛ̨nɛ̨ 37:13

Kɛlaa, Yai-Laa a kɛ yɛ́lɛ́i mą, mąąhɔlɔɓo, gaa nwɔ kuui kaa yɛ pa.

Mąątɛ̨nɛ̨ 2:4

Nui hɛn gəlee nwun mɛ̨i yələ kɔ́lɔn ɉu, gaa yɛ́lɛ́i diɛ, Yai-Laa kaa yɛlɛ kulɔi di hu.

Hanwon 10:24

Mɛ̨nįi nwąnąlɔmun a ɲɔw mą, ya ɓə a ɉɔlɔɓo, Kɛlaa, hɛn kilimąą nuą da vɛli, ya ɓə Yálá a di kɔ́ la.

Lukə 14:24

Gáá moi kaa, nuą tii ŋį́ di təli, dɔ̨nɔ̨ kpɛli hva kɛa nwɔ́ kɔ̨nɔ̨n tii ta mį́į́.›»

Hanwon 6:15

Yili mąą mɛ̨nį ɓa, gaa pai tooi lɔ tii kpulun, doo pələ kaa pai ɲɔ̨nwɔi, ɉu a yali ɉali hva kɛ.

Nwun mąąɓo 10:14

Yili ɓa, ɉaliɠaai tii ka ɉəɠə, ka di kɛ a ka wɔ yáláɠaai, ka mo diɛ. Diɛ ɓə mąąnɛ̨ɛ̨ di ka kulɔ kpaan ɉu.»

Dutɛrɔnome 28:63

bələi lɔ tii Yai-Laa liiɓa mɛ̨nį ɓaa la kɛ, yɛ kɛ ə ka mɛ̨i kaa, yɛ ka nwun na nɛ̨ɛ̨, yɛ ka huwu ɓɛlɛ, bələ lɔ ɓə, gaa pai ɲɛ̨i heei la kaa yɛ ka kpɛɛ yɛnɛ̨ɛ̨, yɛ ka huwu pu, a gwəinɛ̨ɛ̨; nɔi ŋɛ̨i ka káá lii ɉu kaa hee laa, da ka kulɔ laa a ka nwun.

Mąątɛ̨nɛ̨ 59:8

Di kaa li, di laa hvili aa tɔɔ, di laa ɓa, ɓɔwa kwɛaaɠaa di ɓo di la: «Gbɛɛ ɓə di pɔ, yɛ mɛ̨nį mɛ̨n?»

Hanwon 3:34

Yai-Laa a yɛlɛkulɔ yɛlɛmąą kɛ nuą hu, Yɛ ɲɛ̨i lɛlɛɛ hee kpɔwɔmąą yɛɛ nuą diɛ.

Hanwon 12:8

Da nu mąątɛ̨nɛ̨ gɛ koló ɓa. Kɛlaa, nui gili ɲɔ̨nwɔ̨ɔ̨ gwəi, wɛlikpɛɛmąąlaa lɔ ɓə da dɔɔ mą.

Hanwon 19:29

Hutɔɔ hvaɠa kaa a yɛlɛ mąą kɛ nuą di wɔɔ, ɛlɛɛ, gbɔn ə ɓo kilikpɛɛgwəi nuą hąą.