Hanwon 1:25 - Yálá laawoo hɛɓɛ (dc)

²⁵ Yii kaa ka kili kulɔ nwɔ́ liɛwooɠaa hu, ka hvo ka wəli tɔɔ li nwɔ́ kilaa pɔ̨nɔ̨ woo ɓa,

Yálá laawoo hɛɓɛ

²⁵ Yii kaa ka kili kulɔ nwɔ́ liɛwooɠaa hu, ka hvo ka wəli tɔɔ li nwɔ́ kilaa pɔ̨nɔ̨ woo ɓa,

Bible

²⁵ Ka wɔ́lɔ ŋália-woo-ŋai kélee pìli, ka ŋásɛŋ-lɛɛ-ŋai síɣe nɔ́ kpɛ́ni-kpɛni.

Hanwon 1:25 Referans Kwoze

Lukə 7:30

Kɛlaa, Farisiɛ̨ɠaa, da tɔ́n galamɔ̨ɔ̨ɠaa, yii Yálá ə kɛ bɔ di gɛ, di hvo yili kɛ, ya ɓə gɛ, di hvo hvaa mą Ɉaan hvo di mąąwaa.

Mąątɛ̨nɛ̨ 81:11

Ɲą́ą́, Yai-Laa, Ɲą́ą́ ɓə gáá a ə́ wɔ Yálá, Yai ə́ kulɔ Eziptə lɔi hu, 'ə́ laa taɠa kpɔ kɛnɛ̨, ŋą́ kɔ̨nɔ̨n nɔ ə́ la.

Hanwon 12:1

Nui hutɔɔ wɛli kaa mą, gaa bɔ ə mɛ̨nį kɔ́lɔn, Kɛlaa, nui a liɛwoo pili, nwun gbɛɛi ɉu.

Hanwon 1:30

Daa nwɔ́ liɛwoo ɓɛlɛ too, daa nwɔ́ kilaa pɔ̨nɔ̨ pili pulu.

Hanwon 5:12

Ɛlɛɛ, yɛ́ kɛ diɛ: «Lə mɛ̨nį ɓa hutɔɔ mɛ̨nį wɛli hvo kɛ li mą́ą́? Lə mɛ̨nį ɓa və́ wə́li tɔɔ ɉútɔɔ woo ɓa?

Mąątɛ̨nɛ̨ 107:11

Mąąhɔlɔɓo daa kɛ kulɔ Yálá woo mu, daa Hɛn Gəlee Mɛ̨imun Yálá nwɔ liɛwooɠaa lɛɛ.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Samuɛlə dɔlɔɔ 8:18

Volói tii, ka káá pai kɛi wɔlɔi, dɔɔmun ŋɛ̨i ka ɉəɠə ɉu kaa kpįnįi ɲəi. Kɛlaa, Yai-Laa hva ka woo mu hon a mąą yələi tii.»

Hanwon 8:14

Ɲą́ą́ ɓə liɛwoo kaa ɲə́i da mɛ̨nį kɔ́lɔn ŋąą, ɲą́ą́ ɓə gáá a nwun gɛ ɉu, ɲą́ą́ ɓə Heeɓolaa kaa ɲə́i.

Hanwon 15:10

Nui a həɠə pələ ɓa, mąąnɛ̨ɛ̨ di ɉutɔɔ a nwalawalaa. Nui hvo bɔ di hvo niɛwoo ɓo, gaa pai haai.

Ɉeremi 35:17

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąąɠaa kpɔ ŋį́ mąą kili tee gwə́i, yɛ hvilɛn na Ɉuda da Ɉerusalɛmə nuą diɛ, gáá gəlee laai diɛ. Mąąhɔlɔɓo, ŋį́ mɛ̨nį ɓo diɛ, ɛlɛɛ, di hvo mɛ̨n. Ŋą́ di təli, di hvo nwóó mu hon ni.»

Dutɛrɔnome 1:45

Pənəi ka mo ka pa, ka wɔlɔ Yai-Laa ɓa, kɛlaa, Yai-Laa hvo nwəli tɔɔ ka woo ɓa.

Kɔlɔnikɔ Veerɛi 33:10

Yai-Laa ə mɛ̨i ɓo Manase ɓa da nwɔ nuąi, yiliɠaa di hvo di wəli tɔɔ nwoo ɓa.