Hanwon 1:23 - Yálá laawoo hɛɓɛ (dc)

²³ 'Ka pənə ka pa, 'ka nwɔ́ kilaa pɔ̨nɔ̨ wooi mɛ̨n! Akɛtii, gáá pai nwɔ́ Kilii tɛɛi ka pɔ, ŋą́ ka kilaa pɔ̨nɔ̨, ŋą́ gwə́i woo lɛ kaa.

Yálá laawoo hɛɓɛ

²³ 'Ka pənə ka pa, 'ka nwɔ́ kilaa pɔ̨nɔ̨ wooi mɛ̨n! Akɛtii, gáá pai nwɔ́ Nįį tɛɛi ka pɔ, ŋą́ ka kilaa pɔ̨nɔ̨, ŋą́ gwə́i woo lɛ kaa.

Bible

²³ À kɛ̀ kà káwolii tɔ̀ɔ ŋália-wooi ma, gɛ̀ ní ŋa pâi ŋámɔ̂leŋ ŋɔtárei kélee tɛɛ̂i kápɔ, ŋa ŋɔ́nɔ ŋ́oo-ŋai su-kulâi lɛ́ kâa.

Hanwon 1:23 Referans Kwoze

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Azaya 32:15

Ə lɛɛ ɉu, Yálá nwɔ Kilii ə həɠə yələi ə pa gu pɔ. Nąąlɔwai tii, lɔi pun a mąą pənə a nɔw-yɛa lɛlɛɛ, nɔw yɛ lɛlɛ yɛ wɛla wulu.

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Lukə 11:13

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Kili-Mąąhəɠɛɛ tɛɛ nuą da vɛli mą di pɔ.»

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Hanwon 12:1

Nui hutɔɔ wɛli kaa mą, gaa bɔ ə mɛ̨nį kɔ́lɔn, Kɛlaa, nui a liɛwoo pili, nwun gbɛɛi ɉu.

Azaya 45:8

Yələkɔ́lɔn, 'tələnmolaa pu, yɛ həɠə yələi pələ yɛ nąnąąn, ɛlɛɛ, tulɔ kpinįnŋąą 'di tələnmolaa kpoloon naa lɔi mɛ̨i, lɔi, ə naaɓo, nu ɓalo mɛ̨nį, da tələnmolaa diɛ ɓɔn nąą a gee. Ɲą́ą́i a Yai-Laa, ɲą́ą́ ɓə nui tii pɛli.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Hanwon 10:17

Nui a liɛwoo hon, a hvilɛn yɛnɛ̨ɛ̨ kɛ pələ mɛ̨i. Kɛlaa, nui da gilaa pɔ̨nɔ̨, ə nwəli kulɔ ɉu, a lan.

Mąątɛ̨nɛ̨ 145:1

Davidə nwɔ Yálá mąątɛ̨nɛ̨ wələ. Nwɔ́ Yálá, nwɔ́ Tɔɔmun, gáá ə́ laa tɛi, gɛ́ ə́ laa mąąwiɛ, və́ ɲɛ̨n dee li.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Hanwon 1:30

Daa nwɔ́ liɛwoo ɓɛlɛ too, daa nwɔ́ kilaa pɔ̨nɔ̨ pili pulu.

Hanwon 6:23

Mąąhɔlɔɓo, liɛwoo kaa yɛ labon, mɛ̨nįi da nu kalan na, gaa a kɛɛ pɔ̨nɔ̨. Kili nwɔ hutɔɔ wooɠaa kaa a yɛnɛ̨ɛ̨ kɛ hɛn.

Hanwon 1:25

Yii kaa ka kili kulɔ nwɔ́ liɛwooɠaa hu, ka hvo ka wəli tɔɔ li nwɔ́ kilaa pɔ̨nɔ̨ woo ɓa,

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Zooɛ 2:27

Ɛlɛɛ ka gɔlɔn kaa diɛ, ɲą́ą́ gbinįi gáá Israɛlə nu huwu lɔwai. Kaa diɛ: Gáá a Yai-Laa ka wɔ Yálá. Ɲɔ́nwɔ́man və mą. Nwumɛ̨ hva kpɔ kɛa tɛ a nwɔ́ nuą a yələ ta.

Zooɛ 3:1

Yai-Laa yɛ diɛ: «Yili kəlee tɛɛ pulu, gáá pai nwɔ́ Kilii yɛɛi nu kəlee pɔ. Ka lonnii hinąą da ka lonnii nɛ̨ąą di kaa pai kɛi Yálá kwəi mɛ̨nį ɓoi. Ka wɔ hulɔgoloɠaa diɛ hįįɠaa kaa, ka wɔ muhəɠə nįnɛ̨ɠaa diɛ kwɛlɛɛn gɛɛ kaa.