Gɛlaɠaa 9:39 - Yálá laawoo hɛɓɛ (dc)

³⁹ Ɲąąɓa, Piɛrə ə muhəɠə da diɛni diɛ li. Ɓɛlɔwai di həli la, di tɛ ɲələi pɛlɛ́ hu, galanin nɛ̨ąą diɛ ɓo laa diɛ wɔlɔ, diɛ doogwąną həɠəɠaa da yíi-həɠəɠaai Dɔrkasə ə kɛi bala, ɓɛlɔwai ə kɛ la vulú kɔ́wɔ ŋą, diɛ nɛ Piɛrə ɓa.

Yálá laawoo hɛɓɛ

³⁹ Ɲąąɓa, Piɛrə ə muhəɠə da diɛni diɛ li. Ɓɛlɔwai di həli la, di tɛ ɲələi pɛlɛ́ hu, galanin nɛ̨ąą diɛ ɓo laa diɛ wɔlɔ, diɛ doogwąną həɠəɠaa da yíi-həɠəɠaai Dɔrkasə ə kɛi bala, ɓɛlɔwai ə kɛ la vulú kɔ́wɔ ŋą, diɛ nɛ Piɛrə ɓa.

Bible

³⁹ Nya ƃe Pitɛ è mù-siɣe da dîa-ni dí lí. Dí seriɛɛ naai, dí lì la loŋpoi su è kɛ̀ laai ni naai. Bɔɔ-nɛyâai kélee dí kɛ̀ tɔ̂ɔni gɔlɛ díkɛ wɔ̀lɔ díkɛ zeɣe-ŋai lɛ̀ Dɔɔkɔ è zɔlɔ dîɛ da dîa-ni díkɛɛ naai.

Gɛlaɠaa 9:39 Referans Kwoze

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Hanwon 10:7

Tələnmo nuą kili kaa nuą ŋą, diɛ lúwɔ́ too diɛ. Kɛlaa, nwąnąlɔ nuą laa a pu pɔlɔ hu.

Zɔ̂ŋ Maa-ŋuŋ 3:18

Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.

Tɛsalonikə dɔlɔɔ 4:13

Ku hvo bɔ, ną́n nonnii, ká hvo lɛɛ kwəi pili mąą hu, yii hvilɛn na haa nuą diɛ, əgɛ, ká hvo pa kɛ liikələn gwəi hu, yɛ nuą yiiɠaa ti, kilitɔɔ mąą laa hvo di yəi.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Gɛlaɠaa 9:41

Piɛrə ə ɲee hon, ə ɉaŋą ə dɔɔ, ɛlɛɛ, ə galan nɛa da galanin nɛ̨ąą təli, ə Dɔrkasə hvulú mąą lɛ diɛ.

Gɛlaɠaa 8:2

Nuąi kɛi ɲɔw Yálá ɓa, di Etiɛnə powa həɠə di noo, di ɉaa wɔlɔ ɓo kpɔ kɛnɛ̨.

Gɛlaɠaa 6:1

Naalɔwai, galan nɛa kpulu hu ə kɛi kɛnɛ̨, Ɉuifə yiiɠaai kɛi Grɛkə woo ɓo, di kɛi Hebreuɠaa laa ɓo, kɔ̨nɔ̨n mɛ̨nį hu, mąąhɔlɔɓo, di hvo kɛi di wɔ kalaninŋaai mąą mɛ̨nį ɲɛ̨i kulɔ a dənən gɔ̨nɔ̨n ɲąąkwɛlɛi lɔwai.

Ɉaan 17:12

Gɛ́ɛ́ di pɔ, ŋą kɛi ɲɛ̨́i kɛ diɛ Ə́ laa hu, yaai ə́ dɛɛ bɔ́. Dɔ̨nɔ̨ kpɛli nwun na hvo pili, hvo kɛli lɔ nwun na pilimun; ə gɛ, mɛ̨nį Ɉɛɓɛ́ ə mo bɔ mɛ̨nį ə kɛ.

Ɉaan 12:8

Yee howolo nuą, di kaa pai kɛi ka lɔwai a yələ kəlee, kɛlaa, nwɛ́i, və́ pai kɛi ka pɔ a yələ kəlee.»

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Markə 14:8

Yii kɛ a nɛ̨ɛ̨nui ŋɛ̨i yee pɛli mąą mɛ̨nį yili ka tii aa gɛ. Aa ɉáái lɔwai lɛɛ tɔwɔ aa gɔ́lɔ́ mąą tii, ə gɛ, mą́ą́ kun ə kɛ pai a nɛ̨ɛ̨ gámą hu.

Maafîu 26:11

Mąąhɔlɔɓo, ka mąąwɛli nuą ka káá pai kɛi ka kee ɓa a hvóló kəlee. Kɛlaa, nwɛ́i, və́ pai kɛi ka pɔ a yələ kəlee.

Maafîu 17:17

Jesus ə haŋą nuą tii kɛ laa diɛ, yɛ diɛ: «Ka wɔ mɛ̨nį ɲɔ̨nwɔi, laa na laa hvo ka yəi! Akɛti, gáá pai lɛɛ ka mu kpəŋəi hąą, hvo kɛli mįnɛ̨ lɔwai? Yili pulu yɛ diɛ: Ka pa a nokolo kpɔ bɔ́.»

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Samia Veerɛi 1:24

Israɛlə nɛ̨ɛ̨lɛa, ka Saulə haa wɔlɔ ɓo; ya ɓə kɛi ka mąąyili a nįnįkɔ́lɔ həɠə, da mąąyili hɛn nɛlɛɛɠaa, yɛ ka mąą həɠəɠaa mąą pu a hɛni.

Gɛlaɠaa 1:13

Pai di mo, ɲələi-pɛlɛ́i di kɛi di ŋąąkpɔn mu a bɔlɔ, nąą ɓə di lɔ laa. Nuąi kɛ laa diɛ ɓaa: Piɛrə, Ɉaan, Ɉakə da Andre, Filipə da Tomasə, Bartelemi da Matie, Alfe lon Ɉakə, Simɔn nɔi-lon, da Ɉakə lon Ɉudə.

Timote dɔlɔɔ 5:3

Galanin gaa kpɔ a galanin neelee, 'mąąwiɛ.

Timote dɔlɔɔ 5:5

Yii ɓaa nɛ̨ɛ̨nui gaa kpɔ a galanin a neelee, nu hvo ɲəi, aa gilitɔɔ Yálá ɓa, ɛlɛɛ, yɛ Yálá hvɛli, yɛ mąąnɛ̨ɛ̨ a kpinį da hvóló.