Gɛlaɠaa 9:36 - Yálá laawoo hɛɓɛ (dc)

³⁶ Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

Yálá laawoo hɛɓɛ

³⁶ Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

Bible

³⁶ Zîsɛ ŋɔpôlu-nuu tɔnɔ è kɛ̀ Zapa nyíi da kâa dòli a Tabitai. Tabita laai ŋí su-kulai ƃa Dɔɔkɔ. Ǹɛnîi ŋí tíi lɛ́lɛ támaa è kɛ̀ gbonôi. È kpɔŋ mâa tɛ̀ɛ núu támaa pɔ́ a tíi kɛ́ɛ su a ǹyée.

Gɛlaɠaa 9:36 Referans Kwoze

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Taitɔ 2:7

Yɛ́ kpinįi ə́ kpɔwɔ lɛ ə́ túwɔ́ pələ hu, a kɔɔmąą lɛlɛɛ, kalan gɛ pələ mąąhəɠɛɛ hu, ə́ ɲąąlaa,

Kɔlɔnikɔ Veerɛi 2:16

Nwɛ̨ąi kpɔ kɛ Israɛlə lɔi hu, Salomɔn ə di lonon, nąn Davidə nwɔ lonon moi ə gɛ yili pulu, di kɛ a nu waa nwundɔ̨nɔ̨ nu waa pow lɔɔli kɔ́w haaɓa pulu nwun mɛ̨ida.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Ɛsdrasə 3:7

Di wali tɛɛ kwɛni haɠa nuą pɔ, da pɛlɛ mɛ̨i kɛ nuą, ɛlɛɛ, kɔ̨nɔ̨n da lɔɔ, ə mą kɛ wulɔ, di tɛɛ Sidɔn da Tirə nuą pɔ, ə gɛ, yiliɠaai di kpitili wulu tee Liban, di tɛɛ la Ɉafa gboloyá ŋą pələ, di paa la. Yɛ pələi Pɛrsə tɔɔmun Sirusə ə mąą laa tɛɛ la di pɔ.

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Tɛsalonikə dɔlɔɔ 4:10

ɛlɛɛ, ká kɛmun yili kɛi Kristalɛa kəlee diɛ Masedoanə nąą kəlee. Ną́n nonnii, ku kaa ká hvaŋąlɔi, kuɔ ká ká yee mąą tɛ ká ɉon nwɔ̨nɔ̨ a nįnɛ̨;

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Ɉaan 15:8

Yii a Ną́n mąąwiɛ ya ɓaa: ka ɓa a damąą, kaa ɓo a nwɔ kalan nɛa.

Ɉaan 15:5

«Ɲą́ą́ ɓə gáá a nwulu, kaa ɓo a nwonwoɠaa. Nui a kanąn mą́ą́, ɲą́ą́ gbɛli ŋą kanąn mą, a ɓa a damąą. Mąąhɔlɔɓo, ka wala kanąn mą́ą́, ka hva pɛli mɛ̨nį lɔpee ta kɛi.

Zôna 1:3

Ɉonasə ə pu, ə tɛɛ yɛ li Tarsisə daai pələ, ə gɛ, ə now Yai-Laa ɓa. Ɉonasə ə li Ɉafa daai, ə kələn da kaa laa gɛ pələ pɛliɛ kɛa yɛ li Tarsisə daai pələ. Ɉonasə ə gələn ɉala tɛɛ, ə tɛ diɛ li, ə gɛ ə now Yai-Laa ɓa.

Hanwon 5:19

Ə́ nɛ̨ą kɔ́n nɛlɛɛi yɛ lomą, gɔlɔ lɛlɛɛ mą yɛ nįnį kɔlɔ, ɲįnį ə kɛ a ə́ pilɛ hɛn a yələ kəlee. Nwɔ wɛlikɛmąąlaa ə́ ə́ hon yɛ lɔɔ.

Zasua 19:46

Yarkɔn yáɠaa, Rakɔn da nɔi kɛ Ɉafa tənən ma.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Wɛli 8:14

'Li kilɛ! Nwɛ́likɛmąąmun, laŋin gbɔ yɛ lomą, ə́ gilɛ həɠə yɛ tówá. Li ɲee mąą kun nɛ̨ɛ̨ɠaa nwuɔ̨.

Wɛli 3:5

Ka ka gwɛla, Ɉerusalɛmə nɛ̨ɛ̨lɛa, ka ka kwɛla a palai-lomąɠaa, kpɔ a kpalan mɛlaɠaa laa, kaa ka hvo pai yíi tee wɛlikɛmąą ɲɛ̨i, ka hvo wɛlikɛmąą nwun; gwəinɛ̨ɛ̨ mɛ̨nį hvo pa tee mɛ̨i.

Wɛli 2:9

Nwɔ́ wɛlii kaa yɛ Lomą, gaa yɛ Dɔlɔ. Ya ka tii! Ya ka tii tɔɔni ku yəi bɛlɛ́ nwąną ɓa. Yɛ nwun mąąlaŋąn vənɛtɛlɛ wolo ɓa. Yɛ ɲɛ̨i pili nwoloɠaa diɛ.

Gɛlaɠaa 9:38

Ɉope kalan nɛa di bələ mɛ̨n diɛ, Piɛrə kaa Lida. Daa hveelɛi ti lɔwai hvo kɛ kwɛa li gee ɓa. Di nu hveelɛ tɔɔ, ə gɛ, də li di nwəlɛɛ ɓo Piɛrə ɓa, diɛ kɛ mą: «Ku kaa nɛ̨ɛ̨mąą hvəə yɛ́, kuɔ ə́ pa ku pɔɔli, hvo ɉu kwɛa.»

Gɛlaɠaa 9:42

Ɉope nuą di mɛ̨nįi tii bələ mɛ̨n, nu tamąą di laa gu Ną́mu la.

Gɛlaɠaa 10:8

Mɛ̨nįi ti ə gaa, ə ɉukulɔ diɛ, yili pulu, ə di tɔɔ Ɉope.

Gɛlaɠaa 10:23

Piɛrə ə di lɔ bɛlɛ́n, ə di nwɛ̨ąlaa kɛ. Mąą yələ laaɓoɔ, da diɛni di bələ həɠə diɛ li, Ɉope kalan nɛa taɠaa di lɛɛ Piɛrə pulu da diɛni də li.

Gɛlaɠaa 11:5

«Ŋą́ kɛ Ɉope daai, gɛ́ Yálá hvɛli, ŋį́ kwɛlɛɛn gɛɛ ta kaa, hɛn da ə həɠə yələi yɛ yɛɛ mɛ̨́i. Ə kɛ yɛ kpɔlɔ kɛnɛ̨ ta, yɛli nąąn gbulɔn ŋąą mą, ə yɛɛ gwɛ́lɛ.

Gɛlaɠaa 11:13

Bələi ə malaka kaa la ɲəi bɛlɛ́n, yɛ kɛ mą: Nu ta tɔɔ Ɉope ə mo Simɔn, naa mɛ̨iheɛ a Piɛrə mą, ə pa, ɉulɔnui ti ə ɉukulɔ kuɔ.

Maafîu 25:17

Nui tii veelɛ hɔlɔɓo, ə li ə veelɛ kwɛli ə bɛlɛ veelɛi tii ɓa.