Gɛlaɠaa 9:27 - Yálá laawoo hɛɓɛ (dc)

²⁷ Barnabasə ɓə kɛa ɉəɠə ə li la gɛlaɠaa pɔ. Bələi kpɔ Solə ə gu Ną́mu Jesus kaa la Damasə pələi mɛ̨i, da bələi nwɔ̨nɔ̨ gu Ną́mu Jesus ə pələ ɓo la mą, ə gəlee hukulɔ diɛ, ɛlɛɛ, bələi Solə ə Kristə mąą mɛ̨nį lɛ la Damasə daai a tɛ̨ą, ə yili kəlee hukulɔ diɛ.

Yálá laawoo hɛɓɛ

²⁷ Barnabasə ɓə kɛa ɉəɠə ə li la gɛlaɠaa pɔ. Bələi kpɔ Solə ə gu Ną́mu Jesus kaa la Damasə pələi mɛ̨i, da bələi nwɔ̨nɔ̨ gu Ną́mu Jesus ə pələ ɓo la mą, ə gəlee hukulɔ diɛ, ɛlɛɛ, bələi Solə ə Kristə mąą mɛ̨nį lɛ la Damasə daai a tɛ̨ą, ə yili kəlee hukulɔ diɛ.

Bible

²⁷ Kɛ́lɛ, Banaba è zìɣe é pá la zia-ƃelai pɔ́. È nɛ̀ dîa berei è Kúnuu-namui kàa la berei mai, berei è lòno la bɔ́i da berei è Ɣâla-woo ƃò la Dimɛika a lii-kpele-pere Zîsɛ láai sui.

Gɛlaɠaa 9:27 Referans Kwoze

Gɛlaɠaa 4:36

Ɉosɛfə ə gɛ lɔ ti, yai gɛlaɠaa di naa mɛ̨i hee a Barnabasə, mukulaa ɓaa: Liilaa lon. Ə kɛ a lévi ta, gaa lɔi ɓaa kɛ a Siprə tíi ə kɛ ɲəi,

Gɛlaɠaa 4:29

Yiihu kɛa, Hɛn gəlee Nąmu, ə́ kili lɛɛ di wɔɔ nu mąąɲɔw wooɠaai hu, ɛlɛɛ, gɛ, ə́ wɔɔ nuąi di ə́ woo laa həli a liikpələ kɛnɛ̨ɛ̨.

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Galatə 2:13

ɛlɛɛ, Ɉuifə yiiɠaai ti di too bɔ, diɛ yili kɛ, ə mą kɛ, Barnabasə yaa kpɛli ə həɠə ə too di wɔɔ huhveelɛ laa ti pɔ.

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Korɛntə dɔlɔɔ 15:8

Kpɔ kɛa a gbɛla mąą, ə gbɔwɔ lɛ mą́ą́, ɲą́ą́i yɛ nɛ̨ɛ̨nu yəi kala lon.

Korɛntə dɔlɔɔ 9:6

A wala kɛ tii, ɲą́ą́ dɔnɔ̨ lɔ kwa Barnabasə ɓə ku laa hva pɛli kulɔi kolo hu?

Gɛlaɠaa 15:2

Yili ə nuą ɲąąhee geeɓa, Polə da Barnabasə da nuą ti di ɉuyala kpɔ kɛnɛ̨, di woo ə pɛli ɉu, diɛ: Polə da Barnabasə da di wɔ nuą taɠaa di tɛ Ɉerusalɛmə, gɛlaɠaa da galanɉonŋaa kaai, mɛ̨nįi ti ɓo mɛ̨nį ɓa.

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Gɛlaɠaa 12:25

Ɓɛlɔwai Barnabasə da Solə di kpɛɛ la a di wɔ hiɛi kulaa Ɉerusalɛmə, di Ɉaan hvilɛn di pɔ, yai naa mɛ̨i hee ɓaa: Markə.

Gɛlaɠaa 11:25

Yili pulu, Barnabasə ə li Tarsə Solə pulu.

Gɛlaɠaa 11:22

Mɛ̨nįi ti bələ ə pa ə hɛli gbɔn ɓa Ɉerusalɛmə, di nɛɛmą di Barnabasə tɔɔ Antiɔsə.

Gɛlaɠaa 9:17

Ananiasə ə li, ə lɔ bɛlɛ́n, ə ɲee pɛlɛ mɛ̨i, yɛ mą: «Ną́n non Solə, gu Ną́mu Jesus ɓə dɔ́ɔ́, yai gbɔwɔ lɛ yɛ́ bələ pɔi, ə gə, ə́ kɛɛ kaa, ɛlɛɛ, ə́ Kili-Mąąhəɠɛɛ hɔlɔɓo.»

Gɛlaɠaa 9:29

Ɉuifəɠaai kɛi Grɛkə woo ɓo, da diɛ ni di kɛi hɛa too di kee lɔwai, kɛlaa, yiliɠaai di kɛli baa pələ kwɛli.