Gɛlaɠaa 9:2 - Yálá laawoo hɛɓɛ (dc)

² ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Yálá laawoo hɛɓɛ

² ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Bible

² a gɛ́ɛ é kɔlɔ kúla ǹyêei é lí la Dimɛika Ŋ̀âla-fɛli kêre-ŋai mu a gɛ́ɛ à núu da kélee kàa nyíi gáa a ǹúu-kpului, nyíi da kɛ̂ ma Berei, zu-nuu da, à kɛ̀ a nɛnî kpaa máŋ surɔ̂ŋ, é zoŋ é ŋìri é pá la Zerusâlɛŋ.

Gɛlaɠaa 9:2 Referans Kwoze

Gɛlaɠaa 19:23

Nąąlɔwai, gu Ną́mu Jesus nwɔ pələi mąą mɛ̨nį ɓa, hvaa kɛnɛ̨ ə too nuą lɔwai.

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Gɛlaɠaa 24:14

Kɛlaa, yii gíli kaa ɉu, ya ka: Gáá ku nąnni di wɔɔ Yálá ŋą kóló ɓa, yɛ bələi Gbaalə nįnɛ̨i ŋɛ̨i a mo la, yai di wɛi, di kaa gaai a: Lɛɛ kpaalə. Mɛ̨nįɠaa kpɔ dɔn ɉɛɓɛ́ hu da yiiɠaai kpɔ Yálá kwəi mɛ̨nį hukulɔ nuą di bɛ̨ɛ̨, náái gəlee la.

Gɛlaɠaa 24:22

Felisə ə kɛ a Gbaalə nįnɛ̨i tii mąą mɛ̨nį kpaɠala kɔlɔn gbɔ a nɛlɛɛ, yili ɓə gɛ ə mɛ̨nįi tii mąą hon, yɛ diɛ: Gáá pai ká wɔɔ mɛ̨nįi ta ɓoi, ɓɛlɔwai ɉolahi nwun nąmu Lisiasə a paa la.

Gɛlaɠaa 18:25

Daa kɛ mąąkwɛli gu Ną́mu nwɔ pə́lə́i ɓa, ɛlɛɛ, kalan mɛ̨nį kɛ pələ níí hu, bələi mąn Ɉaan nwɔ Mąąwaa mɛ̨nį lɔ ɓə ə kɛ a gɔlɔnŋąą la, ə kɛli nuą mąąkwɛli, yɛ Jesus mąą mɛ̨nį hukulɔ kpɔ a ɉąŋąnŋąą.

Gɛlaɠaa 9:14

Ɛlɛɛ, pai ŋɛ̨i ə mo ɓɛ, ɉaláá laa həli nuą kpɛa-kpɛaa ɓə dɔɔ, daa mąąlaa tɛɛ bɔ, ə gɛ, ə ə́ hvɛli nuą, hon, ə di tɛ yɛlii.»

Gɛlaɠaa 26:12

«Yili ŋą laa hu ɓə ŋą́ lɛɛ ɉu, a yələ ta, ŋį́ kɛi li Damasə, ɉalaa laa həli nuą kpɛa-kpɛaa daa kɛ dɔ́ɔ́ ti laa, daa yili mąą laa tɛɛ bɔ́ mɛ̨nįi ti hu.

Gɛlaɠaa 7:19

Dɔɔmun ti ə kɔ pɛlɛ guɔ nąnni diɛ a gbąnąlaa ɲɔ̨nwɔ̨ɔ̨, gwəi kili ɲɔ̨nwɔ̨ pələ gu nąnni pɔ, ə mo diɛ di lon gaa nįnɛ̨ɠaa pili di hvo nəi pa ɓaloi.

Gɛlaɠaa 6:9

Kɛlaa, di lɔwai, galan gbɔn ti da kɛ mą: luwɔ pɔlɔɠaa, da Sirɛnə nuą Alɛsandri nuą Silisi ɛlɛɛ, Asi nuą, hvaa ə too Etiɛnə ni lɔwai.

Zɛnɛse 14:15

Abramə ə nwɔ nuą ŋąą kwɛlɛ a kpulu heei tamąą, di pɛlɛ di yowoɠaa diɛ a kpinį. Di dɔɔɓɛlaa paa, di hvilɛn nu kpəliɠaa pulu, di lɛɛ di pulu, ə lɛɛla ɉu di li Hova daai yii gaa Damasə taa ɲánwuɔ̨ pələ.

Azaya 17:1

Mɛ̨nįi kponąą di mo yɛ hvilɛn na Damasə, ɓa ya ka: Damasə hvo kɛa pai lɛɛi a taa, gaa pai lɛɛi a taa kpoloon.

Ɉeremi 49:23

Damasə nwɛi ka: Nwumɛ̨ aa Hamatə da Arpadə nuą ɲɛ̨i paa, wɛlɛɛ ɲɔ̨nwɔ̨ɔ̨ aa həli diɛ. Di hu kaa kpɛlin ɉii, yɛ gboloyá. Liihɛlɛn gɛnɛ̨ li, nu hva pɛli heei laa kpɛ-kpɛ.

Maafîu 10:17

'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Gɛlaɠaa 9:21

Nuąi kpɔ kɛi nwoo mɛ̨n, di kwəi ə pili diɛ, diɛ kɛ: «Kɛlɛi nui ŋɛ̨i ɓə kɛ vilɛnŋąą kpɔ a nwąnąlɔ, nuąi kɛli naa ŋɛ̨i hvɛli Ɉerusalɛmə di pulu, a kɔ-e? Kɛlɛi ba mɛ̨nį ɓɛ nwun maa: ə di hon, ə di yili, ə li a diɛ ɉaláá laa həli nuą kpɛa-kpɛaa pɔ-ee?»

Gɛlaɠaa 26:10

Ɛlɛɛ, bələ ɓə, ŋą́ kɛli túwɔ́ la Ɉerusalɛmə. Ŋą́ą́ gbínįlee gɛ́ mąąhəɠə nuą tamąą too gaho ɲą. Ɉaláá laa həli nuą kpɛa-kpɛaa daa kɛ yili mąą laa tɛɛ bɔ́, ɛlɛɛ, da kɛi di paa kɛ, váái kɛ mą.

Korɛntə veelɛ 11:32

Damasə daai, tɔɔmun Aretasə ŋą gbahalanąmąi aa kɛ holahiɠaa tɔɔ ɉįi laa, ə gɛ di ɉón.

Galatə 1:17

ɛlɛɛ, və́ kpɛli tɛ Ɉerusalɛmə, nuąi gbɛa kɛ a gɛlaɠaa dɔ́wɔ́, di pɔ; ŋą́ nɛɛ ɲąąɓa, ŋą́ li Arabə lɔi hu, yili pulu, ŋį́ pənə ŋį́ pa Damasə.