Gɛlaɠaa 9:10 - Yálá laawoo hɛɓɛ (dc)

¹⁰ Kalan non da ə kɛ Damasə diɛ kɛ mą Ananiasə. Gu Ną́mu ə gbɔwɔ lɛ mą, yɛ mą: «Ananiasə!» Yili yɛ mą: «Ną́mu, ɲą́ą́ ka.»

Yálá laawoo hɛɓɛ

¹⁰ Kalan non da ə kɛ Damasə diɛ kɛ mą Ananiasə. Gu Ną́mu ə gbɔwɔ lɛ mą, yɛ mą: «Ananiasə!» Yili yɛ mą: «Ną́mu, ɲą́ą́ ka.»

Bible

¹⁰ Zîsɛ ŋɔpôlu-nuu tɔnɔ è kɛ̀ Dimɛika. Ǹáa ƃé kɛ̀ a Ananaya. Zìa è tɛ̀ɛ la Kúnuu-namui é m̀ó ma zĩ̂ai su, ǹyɛɛi, “Ananaya.” Ananaya ǹyɛɛ, “Ŋ́gaa ƃɛ́, Kúnuu-namui.”

Gɛlaɠaa 9:10 Referans Kwoze

Gɛlaɠaa 22:12

«Ananiasə laamun da ə kɛ laa, a Yálá mąąwiɛ mun, yɛ dɔ́n pɔ yíiɓo, naa lɛlɛɛ lɔ ɓə kɛ Ɉuifəɠaai kpɔ kɛ heeni Damasə, di la.

Gɛlaɠaa 10:3

Yələ ta, hvóló mąąlaa, ə malaka ta kaa a mąą ponɔɔ, ə lɔ ɲəi bɛlɛ́n, ə dəli, yɛ mą: «Kɔrnɛyɛ!»

Zɛnɛse 22:1

Ɓɛlɔwai Isaakə ə kɛnɛ̨ la, Yálá ə Abrahamə hukɔɔn. Nąąlɔwai, Yálá ə Abrahamə təli, yɛ mą: «Abrahamə!» Abrahamə ə nwoo ŋąąpənə, yɛ mą: «Ną́mu, ɲą́ą́ kaa, nwɛ́li tɔɔi.»

Azaya 6:8

Ŋą́ Ną́mu woo mɛ̨n, yɛ kɛ diɛ: «Gbɛɛ ɓə ŋą́ dí? Gbɛɛ ɓə pai kɛi a nwɔ́ wɛlɛɛ ɓomun?» Gɛ́ mą: «Ɲą́ą́ ɓə, 'dí!»

Samuɛlə dɔlɔɔ 3:4

Nąąlɔwai, Yai-Laa ə Samuɛlə təli, Samuɛlə yɛ mą: «Ɲą́ą́ ka!»

Lɛɛ gbɔwɔ ɓa 3:4

Yii kɛa Yai-Laa ə gaa, yɛ Moisə kaa pai gɛɛnąą tii, ə dəli nwɔ̨n nən ɉu, yɛ mą: «Moisə! Moisə!» Yili yɛ mą: «Ɲą́ą́ ka!»

Zɛnɛse 31:11

Ɉįį tii hu, Yálá nwɔ malaka yɛ mą́ą́: ‹Ɉakɔbə! Ŋą́ hvaa.›

Gɛlaɠaa 2:17

«‹Yálá ə mo yɛ diɛ: Yɛnɛ̨ɛ̨ ɲąą kpɛɛi lɔwai aa kɛi həli, gáá pai nwɔ́ Kilii tɛɛi nu kəlee pɔ, ka lon ɉinąą da ka lon nɛ̨ąą da Yálá nwɔ wɛlɛɛ laa həli, ka wɔ hilɛlɛai diɛ mɛ̨nįɠaa kaa, ɉulɔgoloɠaa diɛ hįi kaa.

Danîa 2:19

Nąąlɔwai, Yálá ə hvaa mą, ə mɛ̨nį loɔ tii lɛ Daniɛlə ɓa a kpinį hįi pələ. Daniɛlə ə nɛɛmą, Yálá yii gaa yələkɔlɔn ɉu, ə ɉɛɠɛɛ ɓo.

Samia Veerɛi 15:26

Kɛlaa, a kɛ Yai-Laa hvó bɔ́, ə́ ɉón yɛ bələi a laa la a nii.»

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Zɛnɛse 14:15

Abramə ə nwɔ nuą ŋąą kwɛlɛ a kpulu heei tamąą, di pɛlɛ di yowoɠaa diɛ a kpinį. Di dɔɔɓɛlaa paa, di hvilɛn nu kpəliɠaa pulu, di lɛɛ di pulu, ə lɛɛla ɉu di li Hova daai yii gaa Damasə taa ɲánwuɔ̨ pələ.

Gɛlaɠaa 9:9

Ə hvóló haaɓa kɛ, hvo pɛli kɛɛ kaai, hvo kɛli hɛn da mįi, hvo kɛli gbələi.

Gɛlaɠaa 11:5

«Ŋą́ kɛ Ɉope daai, gɛ́ Yálá hvɛli, ŋį́ kwɛlɛɛn gɛɛ ta kaa, hɛn da ə həɠə yələi yɛ yɛɛ mɛ̨́i. Ə kɛ yɛ kpɔlɔ kɛnɛ̨ ta, yɛli nąąn gbulɔn ŋąą mą, ə yɛɛ gwɛ́lɛ.

Gɛlaɠaa 12:9

Piɛrə ə kulɔ ə hvilɛn bulu. Gili hvo kɛ ɉu, yɛ kɛ mɛ̨nįɠaa ti kɛi tɛɛ a Malaka kɛ mɛ̨nį, neelee li kɛ, ə kɛ gwəi yɛ kɛ hįi pələ li.

Gɛlaɠaa 16:9

Kpini ta, Polə ə hįi kaa, Masedoanə nɔi mun da yɛ nɛ̨ɛ̨mąą hvə mą, yɛ kɛ mą: «'Tɛɛ Masedoanə pələ, ə́ ku mąąkpɔn mąąɓo.»

Gɛlaɠaa 16:10

Ɉįi ti kaa pulu, ɲąąɓa, ku pələ kwəli kpɔlɔɔ ti mą, kuɔ li Masedoanə lɔi hu pələ. Mąąhɔlɔɓo, ku gaa, kuɔ, Yálá aa ku təli, yɛ kɛ, ku nwəlɛɛ lɛlɛɛ laa həli laa.

Gɛlaɠaa 18:9

Kwii hɛ̨ą ta, Polə ə hįi kaa, gu Ną́mu yɛ mą: «'Hvó ɲɔw, 'kɛ́ lɔ naa həlii, 'hvó ə́ laa pilɛ,

Korɛntə veelɛ 11:32

Damasə daai, tɔɔmun Aretasə ŋą gbahalanąmąi aa kɛ holahiɠaa tɔɔ ɉįi laa, ə gɛ di ɉón.

Galatə 1:17

ɛlɛɛ, və́ kpɛli tɛ Ɉerusalɛmə, nuąi gbɛa kɛ a gɛlaɠaa dɔ́wɔ́, di pɔ; ŋą́ nɛɛ ɲąąɓa, ŋą́ li Arabə lɔi hu, yili pulu, ŋį́ pənə ŋį́ pa Damasə.

Gɛlaɠaa 9:12

ɛlɛɛ, aa nu ta kaa kpɔlɔɔ yiihu diɛ kɛ mą: Ananiasə, yili aa lɔ aa ɲee pɛlɛ mɛ̨i, ɲɛ̨i holoon mɛ̨nį ɓa.»