Gɛlaɠaa 8:5 - Yálá laawoo hɛɓɛ (dc)

⁵ Filipə ə li Samari lɔi daa-lee ta hu, yɛ Kristə mąą mɛ̨nį laa həli nąą daai nuą diɛ.

Yálá laawoo hɛɓɛ

⁵ Filipə ə li Samari lɔi daa-lee ta hu, yɛ Kristə mąą mɛ̨nį laa həli nąą daai nuą diɛ.

Bible

⁵ Fele è yèŋ Sameria taai su é Kôrai maa mɛni ƃó naa-ƃelai dîa.

Gɛlaɠaa 8:5 Referans Kwoze

Gɛlaɠaa 6:5

Nwóó ti ə nɛ̨ɛ̨ kpɔ galan nɛa kəlee wəlii. Di nɛɛmą di, Etiɛnə həɠə ɉu, yai Kili-Mąąhəɠɛɛ kaa ɲəi, da laa na laa, ɛlɛɛ, Filipə, Prokorə da Nikanɔrə, Timɔn, Parmenasə da Nikolasə yai a Antiɔsə mun yaai wɔlɔ lɔ Ɉuifəɠaa di wɔ kalan hu.

Gɛlaɠaa 21:8

Mąą yələ laa ɓoɔ, ku həɠə kuɔ li Sesare daai, Filipəi ŋɛ̨i kɛ a Jesus mąą mɛ̨nį laa həli mun, ɲəi bɛlɛ́n mə ku lɔ laa. Nu mɛ̨ihveelɛi ŋɛ̨i di ɉəɠə ɉu Ɉerusalɛmə, dɔ̨nɔ̨ li kɛ.

Gɛlaɠaa 8:40

Yii ɓaa Filipə nwɛi, ə gbɔwɔ kaa kɛa Azotɔsə. Ə kɛli kɛa nwɛlɛɛ lɛlɛɛ laa həli daa kpɛa-kpɛaɠaai ə kɛi tɛɛ ɉu, ə lɛɛ ɉu, ə li ə həli Sesare.

Korɛntə dɔlɔɔ 3:11

Yii ɓaa gɔwɔ hvilɛnŋąą nwɛi, nu hva pɛli nįnɛ̨ hvilɛn ɉii, ə kulɔ yii laa bulu, ya ɓaa: Jesus Kristə.

Korɛntə dɔlɔɔ 1:23

kɛlaa ku wɛi, Ɓalomun di gbanwo kolɔwa ɓa, ya ɓə ku kaa mąą mɛ̨nį laa həlii, yai a nu kɔwɔ tuwɔ kwɛnį Ɉuifəɠaa diɛ, yɛ ɓo a ɓowo mɛ̨nį huwu takpɛliɠaa ɲɛ̨i ɓa.

Gɛlaɠaa 5:42

Hvóló kəlee, di kɛi li Yálá hee pɛlɛ́ mu, da bɛlɛ́ɠaa laaləi diɛ nuą kalan a Jesus ŋɛ̨i gaa a Nwun mąąɓomun Yálá ə naakwɛlanmo nwɔ wəlɛɛ lɛlɛɛ.

Korɛntə dɔlɔɔ 2:2

Mąąhɔlɔɓo, ŋą́ naa gwə́i, gɛ́, və́ mɛ̨nį takpɛli mɛ̨n ka lɔwai, hvo kɛli lɔ Jesus Kristə mąą mɛ̨nį, a Jesus Kristə, yai di gbɔn kolɔwa ɓa, mąą mɛ̨nį.

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Gɛlaɠaa 8:1

Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 8:6

Nu kpulu ə pa, gəlee di di wəli tɔɔ Filipə woo ɓa, diɛ kpalo mɛ̨nįɠaa kaa yai ə kɛli gɛ.

Gɛlaɠaa 8:26

Gu Nąmu nwɔ malaka ə kɛ Filipə ɓa: «'Li ɉɛ̨ɠɛɛ pələ, bələi ti a həɠə Ɉerusalɛmə yɛ li Gaza, ə́ hvilɛn mą. Bələi ti mɛ̨i tɔɔi kɛ ton-ton.»

Gɛlaɠaa 8:30

Filipə ə gilɛ həɠə ə mąą lɛɠɛ laa, ə Etiopi mun ti woo mɛ̨n yɛ Yálá kwəi mɛ̨nį hukulɔ mun Esai nwɔ hɛɓɛ́ nąą ta ɓo, ə mąąni kɛ yɛ mą: «Ɉɛɓɛ́i ŋɛ̨i ə́ kaa moi, ə́ kaa ɲąą kaai?»