Biblia Todo Logo
Bib sou entènèt

- Piblisite -




Gɛlaɠaa 8:24 - Yálá laawoo hɛɓɛ (dc)

24 Ya ɓə, Simɔn ə di woo ɲąą pənə yɛ diɛ: «Kaa kpinįlee 'ká mą́ą́ nɛ̨ɛ̨mąą hvə gu Ną́mu ɓa, ə gɛ, mɛ̨nįɠaai ŋɛ̨i ka moi, da hvo həli mą́ą́.»

Gade chapit la Kopi

Yálá laawoo hɛɓɛ

24 Ya ɓə, Simɔn ə di woo ɲąą pənə yɛ diɛ: «Kaa kpinįlee 'ká mą́ą́ nɛ̨ɛ̨mąą hvə gu Ną́mu ɓa, ə gɛ, mɛ̨nįɠaai ŋɛ̨i ka moi, da hvo həli mą́ą́.»

Gade chapit la Kopi

Bible

24 Samaŋ ǹyɛɛ diai, “Ka Kúnuu-namui fɛli ḿɛni ma a gɛ́ɛ mɛni-ŋai ŋí ka m̀ôi, dɔnɔ kpîŋ fè kɛ̀ a ńyãa.”

Gade chapit la Kopi




Gɛlaɠaa 8:24
15 Referans Kwoze  

Nuą di pa Moisə pɔ diɛ mą: «Kwaa nɛ̨ŋɛ̨n ɉəɠə Yai-Laa ɓa, a ka yaa ka laa pələ́ ɲɔ̨nwɔ̨ɔ̨i ku moi. Ku mąą nɛ̨ɛ̨mąą hvə Yai-Laa ɓa, ə gaalə huwui ŋɛ̨i mąą kwɛa kuɔ.» Moisə ə nuą mąą nɛ̨ɛ̨mą hvə Yai-Laa ɓa.


Moisə da Aarɔn di həɠə tɔɔmun bɔɔli. Moisə ə nɛɛmą, ə nwoo tɛ Yai-Laa ɓa, gbəŋəɠaa ti ə ɲąątɔɔ Eziptə tɔɔmun ma, mąą mɛ̨nį hu.


'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.


«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»


Tɔɔmun yɛ Yálá nwɔ nui ɓa: «Yai-Laa ə́ wɔɔ Yálái liilaa mą, nɛ̨ɛ̨ yɛ́! Mą́ą́ nɛ̨ɛ̨mąą hvə mą, ə gɛ, ɲéé ə pɛli lɛɠɛi mą́ą́.» Yálá nwɔ nui ə Yai-Laa hvɛli, tɔɔmun ɲee ə pənə ə lɛɠɛ mą; ə kɛ lɔ yɛ bələi ə kɛ la a bɔlɔ.


Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.


Ka ka wɔ taatɛlɛɛɠaai kəlee həɠə, yɛ bələi ka mo la, ka li. Yili pulu, ka Yálá hvɛli ə lúwɔ́ too mą́ą́.»


Yii nwɛi, 'ka mą́ą́hvaalɛɛ nwɔ̨nɔ̨. Ka ka woo tɛ Yai-Laa ka wɔ Yálái ɓa, Ə ɉaa ŋɛ̨i həɠə búlú.»


Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»


Ku nɛɛ mą ku hin nɔ, ku Yálá hvɛli mɛ̨nįi tii hu, yaan ə ku woo ŋąąpənə.


Ə gɛ, diɛ yələkɔlɔn ɉu Yálá liilaa haláá kulɔ, ɛlɛɛ, diɛ Yálá hvɛli tɔɔmun da nonnii di yii hvóló mąą mɛ̨nį ɓa.


Nɔi lonnii kəlee diɛ Samuɛlə ɓa: «Ə́ wɔɔ luwɔɠaai maa nɛ̨ɛ̨mąą hvə Yai-Laa ɓa, ə gɛ, ku hvo ləi pa haa. Hvo gaai, kwaa ku kɛ nɛ̨ŋɛ̨nŋaa ta laa mɛ̨i, gɛ mɛ̨nį ku tɔɔ nwɔ̨nɔ̨, kuɔ tɔɔmun ɉu hvəli, kuɔ ɉee, yɛ ku ɲąąwooɓo.»


Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.


Tɔɔmun Sedesiasə ə Selemia lon Yehukalə da Maaseya lon, ɉaláá laa həli mun, Sefaniahu di tɔɔ Yálá kwəi mɛ̨nį hukulɔ mun Ɉeremi pɔ, yɛ kɛ mą: «Nɛ̨ɛ̨ yɛ́, ku mąąnɛ̨ɛ̨mąą hvə Yai-Laa ku wɔ Yálái ɓa.»


diɛ Yálá kwəi mɛ̨nį hukulɔ mun Ɉeremi ɓa: «Kuɔ nɛ̨ɛ̨mąą hvə woo ə həli yɛ́. Yai-Laa ə́ wɔ Yálái hvɛli, ku kpəli woloi aa lɛɛ, ku mąą mɛ̨nį ɓa. Kwaa lɛɛ lɔ kɛa tɛitɛi; ya pa ku kpulu kɛnɛ̨ kɛ, gbaɠala kaa yɛ́.


Swiv nou:

Piblisite


Piblisite