Gɛlaɠaa 8:20 - Yálá laawoo hɛɓɛ (dc)

²⁰ Kɛlaa, Piɛrə ə nwoo ɲąąpənə yɛ mą: «Yɛ́, ká ə́ wɔ hɛn gɔw, ka nwun na ə pili. Gɛ mɛ̨nį, yáá ə́ kiliŋąhiɛ yɛ kɛ: Da Yálá nwɔ mɛ̨nįnɛ̨ɛ̨ yá a wali.

Yálá laawoo hɛɓɛ

²⁰ Kɛlaa, Piɛrə ə nwoo ɲąąpənə yɛ mą: «Yɛ́, ká ə́ wɔ hɛn gɔw, ka nwun na ə pili. Gɛ mɛ̨nį, yáá ə́ kiliŋąhiɛ yɛ kɛ: Da Yálá nwɔ mɛ̨nįnɛ̨ɛ̨ yá a wali.

Bible

²⁰ Nya ƃe Pitɛ è mò mà, ǹyɛɛi, “Ka ísɛŋ-kaoi ka saa, kpɛ́ni fêi, í kɛ̀ gâai yɛ̂ɛ ya pɔ̂ri Ɣâla ŋɔsama-sɛŋ yâi a sɛŋ-kao!

Gɛlaɠaa 8:20 Referans Kwoze

Maafîu 10:8

'Ka li, ka ɲɔ̨n gɛ nuą kəlee kɔ́lɔi pono, 'ka haa nuą nwun, ka hvólóɲɔ̨n gɛ nuą kɔ́lɔi pono, ka di mąą həɠə, ka ɲį́nɛ̨nŋąą kpɛ nuą pulu. Bələi ka ɉɔlɔɓo la a mɛ̨inɛ̨ɛ̨, 'ka dɛɛ tii a mɛ̨inɛ̨ɛ̨.

Danîa 5:17

Daniɛlə ə tɔɔmun nwoo ŋąąpənə yɛ mą: «Ə́ wɔ mɛ̨inɛ̨ɛ̨ hɛnŋaai tii lɛɛ ə́ yə́i, ə́ ə́ wɔ nu kpɔɔ laa hɛn tii tɛɛ nu takpɛli pɔ. Kɛlaa, ə mą kɛ tii, gáá ɉɛɓɛ́i ŋɛ̨i ɓoi, ə lɛɛ, ŋą́ ɉukulaa lɛ yɛ́.

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

M̀ɛni-lɛɛi 18:15

Ɲɔw-kɛ-nuąi ə kɛli di kɛ a hɛn gɔw nąmįną, ɲɔwi tii hu, di kɛ tɔɔni kwɛaa la, diɛ ɲɔw ŋą mɔ̨nɔ̨i ɓa. Di kɛi wɔlɔi diɛ di woolaa,

Zĩi 5:3

Ká wɔ hɛnii da ká wɔ walii, ɓɛ̨nɛ̨ aa hee diɛ; mɛ̨nɛ̨i tii ɓə pai ká mąą kɛla hvaa ɓoi, yɛ ká kələn yɛ nwɔ̨n. Vóló gbɛlamąąɠaai ŋɛ̨i yee mu, káá hɛn gɔw kpɔn gee ɓa.

Gɛlaɠaa 8:22

Gili ɲɔ̨nwɔ̨ɔ̨ ti gaa yɛ́, 'həɠə bulu, ə́ nɛ̨ɛ̨mąą hvə gu Ną́mu ɓa, gaa pai kiɛ hvaa mą; ə ə́ mąąhvaalɛɛ.

Timote dɔlɔɔ 6:9

Yii ɓaa nuąi diɛ di kɛ a hɛn gɔw nąmįną, diɛ ɓə da too ɲąąhɛn mɛ̨nį ŋą hɛlɛn ɲą, kilikpɛɛɲəi, hɛn nwɛlilaa tamąą, da di kpɔwɔ kala mɛ̨nįɠaa, mɛ̨nįɠaa tii ɓə da nu kanŋaa lɔ di kala mɛ̨nį hu, da di nwun napili mɛ̨nį.

Gɛlaɠaa 11:17

Akɛ mɛ̨inɛ̨ɛ̨i Yálá ə gɛ guɔ, ɓɛlɔwai gu laa la Ną́mu Jesus la, ə yili ɲɔ̨nwɔ̨mąn gɛ diɛ kpɛli diɛ. A kɛ ti, gbɛɛ ɓaa ɲą́ą́ yai, ŋą́ li kpɛ̨ąn ɉii Yálá kɛ mɛ̨nį tɔwɔ?»

Gɛlaɠaa 10:45

Laa na nuąi kɛ a Ɉuifəɠaa, diɛi lɛɛ Piɛrə pɔ diɛ pai, di kwəi ə pili diɛ, mąąhɔlɔɓo, Kili-Mąąhəɠɛɛ yəi mɛ̨inɛ̨ɛ̨ aa kɛ tɛɛ, ə mą kɛ, huwu takpɛliɠaa pɔ.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Zakari 5:4

Yai-Laa Mɛ̨nį Kəlee ŋą Hééɓomun woo ka, yɛ: Gáá nɛ̨ŋɛ̨n naa kɛi, yɛ nwuɔ̨mun nwɔ pɛlɛ́i hon, da nui a gwɛla a lɛɛ, nwɔ pɛlɛ́i. Yɛ hee kpɔ bɛlɛ́ hɛ̨ąi, yɛ nwuluɠaa, da gwɛniɠaa, di kələn.

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.

Gɛlaɠaa 1:18

Yaan nwąnąlɔɔ walii ti ə ɉɔlɔɓo, ə li ə lɔi ya la, nwɔ lɔi ti ə ɲá, yaa tɔlɔɔ ɓə haa laa; ə too, goo ə ɓɛla, gwəi hɛnŋąa kəlee di kulɔ di pu nɔi ɓa.

Hanwon 15:26

Kiliŋąhiɛ ɲɔ̨nwɔ̨ɔ̨ɠaa wɛli kpɛɛi Yai-Laa ɓa kpɔ tɛ-tɛ, Kɛlaa, wɛlikɛmąą woo hu həɠeen ŋąąi.

Dutɛrɔnome 7:26

Hɛn ɲɔ̨nwɔ̨ɔ̨ Yálá ɲɛ̨i ɓa, ka hvo da lɔ ka yəi bɛlɛ́n, ka gɛ tii, ka ɉɛnŋąą tii da həɠə, da nəi ka hu kala a gee. Mąąnɛ̨ɛ̨ ka ɉɛnŋąą tii kaa a hɛn mąąliɓiɛ, da hɛn mąąnɛ̨ɛ̨ nwɛli ə kpɛɛ nu ɓa; mąąhɔlɔɓo, di nɛ̨ŋɛ̨n naai.

Gɛlaɠaa 8:19

yɛ diɛ: «Ɲą́ą́ gbɛlimąn, 'ká ɉuwalawalai ti ta tɛɛ bɔ́, ə gɛ, nui ŋą́ ɲéé pɛlɛ mɛ̨i, ə Kili-Mąąhəɠɛɛ hɔlɔɓo.»