Biblia Todo Logo
Bib sou entènèt

- Piblisite -




Gɛlaɠaa 8:2 - Yálá laawoo hɛɓɛ (dc)

2 Nuąi kɛi ɲɔw Yálá ɓa, di Etiɛnə powa həɠə di noo, di ɉaa wɔlɔ ɓo kpɔ kɛnɛ̨.

Gade chapit la Kopi

Yálá laawoo hɛɓɛ

2 Nuąi kɛi ɲɔw Yálá ɓa, di Etiɛnə powa həɠə di noo, di ɉaa wɔlɔ ɓo kpɔ kɛnɛ̨.

Gade chapit la Kopi

Bible

2 Ɣâla mɛni kɛ́-ƃela da-ŋa dí lì Tiƃiŋ loôi, dí wɔ́lɔ kpɔ́ mɛi a ǹɛ́lɛɛ.

Gade chapit la Kopi




Gɛlaɠaa 8:2
19 Referans Kwoze  

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.


Yaan, Ɉuifəɠaai Yálá wɛli kaa diɛ, di həɠə yɛnɛ̨ɛ̨ nąą kəlee di pa Ɉerusalɛmə a volói ti.


Nąąlɔwai hulɔnu ta ə kɛ Ɉerusalɛmə daai, diɛ kɛ naa ɓa Simeɔn. Ɉulɔnui tii ə kɛ a nu yii ɉɔn nɛlɛɛ, ə lɛɛ, yɛ ɲɔ̨w Yálá ɓa, ə kɛi Israɛlə nwun mąąɓomun mąąkpɔn; Kili-Mąąhəɠɛɛ ə kɛ mɛ̨i.


A kɛ tii, mɛ̨nįi Yai-Laa kaa moi Ɉosiasə lon Yoyakimə, Ɉuda tɔɔmun ma, ya ka: «Di hvo pai ɉaa wɔlɔ ɓoi, di hvo pai kɛi mą: ‹Lə mąąwɛli mɛ̨nį ɓəi aa laa mą́niɛ ɓai! Lə mąąwɛli mɛ̨nį ɓəi aa laa mą́ą́hala ɓai!› Di hvo pai ɉaa wɔlɔ ɓoi, diɛ kɛ mą: ‹Lə mąąwɛli mɛ̨nį ɓəi tɔɔmun! Lə mąąwɛli mɛ̨nį ɓəi nwɔ́ mɛ̨nį nąmu!›


Nui a haa, ka hvo ɉaa wɔlɔ ɓo, ka hvo haa mɛ̨nį ta kɛ mą; kɛlaa nui lii luwɔlaa hu, ka nwɔlɔ ɓo; Mąąhɔlɔɓo, hva kɛa pənə hvo ɲɛ̨i tɔɔ gaa lɔi ɓa.


Ɉeremi ə wələ ta pɛli, ə doo Ɉosiasə mɛ̨i. Nwələ too hinąą da nwələ too nɛ̨ąą di Ɉosiasə laa too a wələ di wɔɔ wələ woo hu, háá ɓaa háá, yili ə lɔ Israɛlə nuą yii pələ hu. Di nwələɠaa tii too mąąwɛli wələɠaa lɔwai.


Ezekiasə ə laa nąnni kɛlɛ, bələi tii a tɛ Davidə lonnii kámą la pələ, di noo gwɛlɛ. Haai Ezekiasə ə mo, Ɉuda nuą da Ɉerusalɛmə nuą di mąąwiɛ. Non Manase ə hee a dɔɔmun, a nąn mąąhvalin.


Davidə yɛ Avnɛrə bɔ nuąi kɛ laa diɛ: «'Ka ká mąą həɠəɠaa hu ɓɛla, ka ɓíi haɠaɠaa kpulɔn ka ləŋəi, ka Avnɛrə haa wɔlɔ ɓo.» Tɔɔmun Davidə ə kɛ nu powa kpəɠə nuą pulu.


Samuɛlə aa kɛ haa, Israɛlə nuą kəlee daa kɛ ɉaa mɛ̨nį kɛ. Ə lɛɛ, daa kɛ noo bɔ taai Rama. Saulə aa kɛ tɔlu kpɛ nuą da ɲąmuątaa tɔlukpɛ nuą kəlee kpɛ lɔi hu.


Israɛlə lonnii di Moisə haa wɔlɔ ɓo a hvóló pow haaɓa Moabə ɲɛɛ kɔ́wɔ hu; yili pulu di kpəla mą.


Nuą kəlee di gaa diɛ kɛ Aarɔn aa haa; Israɛlə pɛlɛ́ɠaa kəlee di Aarɔn haa wɔlɔ ɓo hvóló pow haaɓa yee mu.


Sara ə haa Kiriatə-Arba, mukulaa ɓaa Hebrɔn, Kanaan lɔi hu. Abrahamə ə nɛ̨ą haa wɔlɔ ɓo, ə mąąwɛli hee ɓo.


Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.


Solə nwɛi, ə ɲąąwala kpɔ, yɛ gbɔn ɉu taɠa. Ə kɛli lɔ bɛlɛ́ɠaa mu, yɛ laa na nuą hon, hinąą da nɛ̨ąą, yɛ di too gaho ŋą.


Wotolo kpulu kɛnɛ̨ ə kɛ nuąi tii pulu, nąą mąąwiai kpɔ kɛ kɛnɛ̨.


Yii kɛa Ɉaan nwɔ kalan nɛai di yili bələ mɛ̨n, di pa di bowa həɠə də li di noo.


Swiv nou:

Piblisite


Piblisite