Gɛlaɠaa 8:10 - Yálá laawoo hɛɓɛ (dc)

¹⁰ Ə gɔwɔ tɔɔ nɛapɛlɛɛ diɛ, ə həli la nu kpɛa-kpɛa diɛ, nu kəlee di kɛli kɛ diɛ: «Nui ŋɛ̨i kaa a Yálá nwɔ huwalawalaa, yai da kɛ mą: Gɛnɛ̨mun.»

Yálá laawoo hɛɓɛ

¹⁰ Ə gɔwɔ tɔɔ nɛapɛlɛɛ diɛ, ə həli la nu kpɛa-kpɛa diɛ, nu kəlee di kɛli kɛ diɛ: «Nui ŋɛ̨i kaa a Yálá nwɔ huwalawalaa, yai da kɛ mą: Gɛnɛ̨mun.»

Bible

¹⁰ Diai kélee kɛ̀ daa-leei sui, ǹúu kpaya-kpaya da bɛlɛ-pɛlɛɛi, dí díwoli tɔ̀ɔ ma, díkɛ m̀o, dîyɛɛi, “Ǹalôŋ ŋí káa kpɔ́ a Ɣâla ŋɔwála-walai ti da dòli a ‘Ŋ̀wála-wala Kɛ́tɛi.’ ”

Gɛlaɠaa 8:10 Referans Kwoze

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

M̀ɛni-lɛɛi 13:3

Nwun ganįnŋaai tii, dɔ̨nɔ̨ ə kɛ yɛ, da nwąną kpɔ baa pələ ɓa, kɛlaa, nwąną kɛnɛ̨i tii di mo, bala ə kpɛɛ. Lɔi nąą kəlee kwəi ə pili diɛ, di hvilɛn ɉuwɔi tii pulu.

Piɛrə veelɛ 2:2

Nu tamąą kaa pai hvilɛn ɉi di túwɔ́ pələ ɲɔ̨nŋąa ti pulu, diɛi ti di mąą mɛ̨nį ɓa, nu tamąą kaa pai kɛi həɠəi tɛ̨ą pulu.

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Korɛntə veelɛ 11:19

Káámun a kilimąą nuą, ká naa ká kwəi, káá ká yee hee hupumąą nuą mu;

Korɛntə dɔlɔɔ 1:24

Kɛlaa, diɛi Yálá aa di təli, yɛ ə kɛ a Ɉuifə, yɛ ə kɛ a huwu takpɛli, Kristə kaa di yəi a Yálá nwɔ huwalawalalaa da Yálá ŋą kilikɛɲəi laa.

Gɛlaɠaa 28:6

Ə kɛ nuą kwəi, Polə kaa pai hvɛɛi, ə too a powa. Di nąą mąąkpɔn a ɉu kwɛaa, yii kɛa di gaa diɛ mɛ̨nį ta hvo Polə ɓa, di di woo mąąhvalin, diɛ kɛ: «Yálá ta ka.»

Gɛlaɠaa 14:11

Mɛ̨nį ti Polə ə gɛ, gaai nu kpulu ə mo, di tomą kpɔ Likaoni woo hu, diɛ mą: «Yáláɠaa daa nu ɲɛ̨ilai ɉəɠə, daa yɛɛ ku lɔwai!»

Zôna 3:5

Ninivə daai nuą kəlee di Yálá woo tii kaa a tɛ̨ą, di kəlee diɛ diɛ: «Ka gu hin nɔ.» Ə gɔwɔ tɔɔ hɛn gɔw nąmįną diɛ, ə həli la yeehvowolo nuą diɛ, nu kəlee ə mąąwɛli hee ɓo yɛ da haa too nu ɓa.

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 42:1

Nąąlɔwai, gɔ́kulaa nwun nąmįną, gəlee ə mą kɛ Karea lon Yohanan da Hosaya lon Azaria, da nɔi lonnii kəlee, gbɛa kpɛa mąn bɛlɛɛ mąn, di pa;