Gɛlaɠaa 7:46 - Yálá laawoo hɛɓɛ (dc)

⁴⁶ Yili yaan, Yálá ə ɲɛ̨i lɛlɛɛ hee mą, ə ɉu hvɛli, yɛ kɛ ə pɛlɛ́ tɔɔ a Ɉakɔbə nwɔ Yálái nwɔɔ.

Yálá laawoo hɛɓɛ

⁴⁶ Yili yaan, Yálá ə ɲɛ̨i lɛlɛɛ hee mą, ə ɉu hvɛli, yɛ kɛ ə pɛlɛ́ tɔɔ a Ɉakɔbə nwɔ Yálái nwɔɔ.

Bible

⁴⁶ Ɣâla líi è kɛ̀ a ǹáa Deeƃé yêei. Deeƃé è gberâi fè a gɛ́ɛ é ǹɛɛ naa é pɛ́rɛ kɔ́ri Zeeka Ŋɔɣâlai mɛni ma.

Gɛlaɠaa 7:46 Referans Kwoze

Gɛlaɠaa 13:22

Yálá ə Saulə kulɔ dɔɔlaa hu, ə Davidə tɛɛ di pɔ a tɔɔmun. Davidə tii, mąą mɛ̨nį ɓə ə mɛ̨nįi ŋɛ̨i ɓo la, yɛ kɛ: ‹Ŋą́ą́ Ɉɛse lon Davidə kaa a nííɓamun, ya ɓə pai nííɓa mɛ̨nįɠaa kəlee kɛi.›

Samia Veerɛi 6:21

Davidə yɛ Mikalə ɓa: «Yai-Laa ɲɛ̨i ɓa ɓə ŋą́ kɛi mąną laa, yaai tii ɉə́ɠə ɉu, ə gɛ́ a niiɓa mun, yɛ víɛlaɓo yɛ́ dɛ́ɛ́ ə́ nąn ma da ɲəi bɛlɛ́n nuą kəlee. Yɛ ɉéé a tɔɔmun, nwɔ nu huwui Israɛlə kəlee nwun na.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Mąątɛ̨nɛ̨ 132:11

Yai-Laa ə nwoo kwɛlɛ Davidə ɓa, tɛ̨ą li, hvo pai həɠəi nwoo pulu, ə kɛ mą: «Ə́ kwəi lon da ɓə, gáá pai ɉeei ə́ wɔ tɔɔkpəlin mɛ̨i,

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.

Samuɛlə dɔlɔɔ 13:14

Kɛlaa, yii laai hu, ə́ wɔ tɔɔlaai hvo pai lamuni ɉu. Yai-Laa aa nu kwɛli mą a niiɓa mun, ɛlɛɛ, Yai-Laa aa ɉee a nwɔ nu huwui ɲąąwooɓo mun. Hvo gaai, mɛ̨nįi Yai-Laa ə kɛ yɛ ə gɛ, hvo gɛ li.»