Gɛlaɠaa 7:45 - Yálá laawoo hɛɓɛ (dc)

⁴⁵ Ɉɔlɔɓoi gu nąnni di mo, Ɉosue ə tɔɔ di tɔwɔ, di lɔ la nɔi Yálá ə ɉu nuą kpɛ di tɔwɔ, ɉu, ə lɛɛ laa, ə lɛɛ ɉu, Davidə nwɔ yələi ə ɉəli.

Yálá laawoo hɛɓɛ

⁴⁵ Ɉɔlɔɓoi gu nąnni di mo, Ɉosue ə tɔɔ di tɔwɔ, di lɔ la nɔi Yálá ə ɉu nuą kpɛ di tɔwɔ, ɉu, ə lɛɛ laa, ə lɛɛ ɉu, Davidə nwɔ yələi ə ɉəli.

Bible

⁴⁵ Bɛ́rɛi ŋí kúnâŋ-ni dí zɔlɔ ƃô díwɔ̂ nua pɔlɔ-ŋai yêei. Dí pà la ƃɛ́ tãi dí kɛ̀ la Zasua mui. Dí Zɛ̃tai-ŋai yée mɛi ɣàle, nyíi-ŋai Ɣâla è díkpɛ̀ dí siɣe kúnâŋ-ni ŋɛ́i. Bɛ́rɛi e lɛ̀ɛ díyêei é lɛ́ɛ la zu Deeƃé ŋɔtãi é seri.

Gɛlaɠaa 7:45 Referans Kwoze

Mąątɛ̨nɛ̨ 44:2

Yálá, mɛ̨nį ɲɛ̨i kɛnɛ̨ɠaai wɔlɔ ə́ gɛ, a ku nąnni di wɔɔ yələi, daa ɉu kulɔ kuɔ, ə too ku wəlii, a gbakolo koloi tii wɔlɔ ə́ gɛi.

Gɛlaɠaa 13:19

Ə lɔi mɛ̨ihveelɛ hu nuą kpɛ Kanaan lɔi hu, ə di wɔ lɔiɠaai tɛɛ nwɔ nuąi pɔ a di hee lɔi,

Zasua 24:18

Yai-Laa ə nu huwu kəlee kpɛ ku ɲɛ̨i tɔwɔ, gəlee ə mą kɛ, Amɔrə nuą, diɛi a nɔi ŋɛ̨i hu nuą. Kuɔ kpɛli mąn, kwa Yai-Laa ni ɓə ku tɔɔ, ku wɔ Yálá li.»

Zasua 23:9

Ka gɛ tii, nu huwu kpɛa-kpɛaa ŋɛ̨i di hvaŋą kɛnɛ̨ɛ̨, Yai-Laa aa di kpɛ ka tɔwɔ; ka hvo gaai, nu ta hvo pɛli li tɔɔi ka la aa lɛɛ ɉu háákələi aa həli.

Zasua 18:1

Israɛlə lonnii kəlee di di ɲąąkpɔn Silo, di gee kaa kələ tɔɔ laa. Nɔi nąą kəlee ə ɓo di yee mu.

Hebreu 4:8

Akɛ, Ɉosue ə nuą lɔ vįitɔɔ tii hu, hvo li kɛ pənə yili pulu, yɛ hvóló takpɛli mąą mɛ̨nį ɓo.

Mąątɛ̨nɛ̨ 78:55

Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Nehemi 9:24

Di lonnii di lɔ laa, di ɉɔlɔɓo a di wɔɔ, ə́ nɔi hu nuą lɔ di mu, diɛ ɓaa Kanaan nuą, ə́ di too di yee kɔ́nma, da di wɔ tɔɔɓɛlaai, da nu kanŋaa, diɛ di hon a di liiɓa.

Kɔlɔnikɔ Maa-ŋuŋ 21:29

Yaan, Yai-Laa nwɔ pɛlɛ́i Moisə ə bɛli nɔi pun ɉu, da ɉaláá kulɔi, nąąlɔwai, ə kɛ Gabaɔn ɉaláá kulɔi.

Kɔlɔnikɔ Maa-ŋuŋ 16:39

Davidə ə ɉaláá laa həli mun Sadɔkə, da ɉaláá laa həli nuąi kɛ a nąn gaaɠaa di lɛɛ Yai-Laa nwɔ pɛlɛ́i la, Gabaɔn ɉaláá kulɔi;

Tɔɔɓɛlaa dɔlɔɔ 8:4

Di Yai-Laa nwɔ mįnɛ̨ kəhii həɠə da gee kaa kələ, da mu hɛnŋąą kəlee. Ɉaláá laa həli nuą da Levi lonnii ɓə ɉəɠə.

Samuɛlə dɔlɔɔ 4:4

Nɔi lonnii di nuą tɔɔ Silo də li di pa a Yai-Laa Mɛ̨nį Kəlee ŋą Hééɓomun nwɔ mįnɛ̨ kəhi, ə ɓo heeni, mąąkpɛ malakaɠaa nwun mɛ̨i, nwɔ mįnɛ̨ kəhii kwɛlɛ, Eli lonnii hveelɛi: Hɔfni da Pinasə di kɛ Yálá nwɔ mįnɛ̨ kəhii kwɛlɛ.

Nwun mąąɓo 18:31

Ɉalii tii Mika ə bɛli, ya ɓə di ɉee laa diɛ gɔ́, ə lamun lɔ laa, yɛ bələi Yálá nwɔ pɛ́lɛ́i ə lamun la Silo.

Dutɛrɔnome 32:49

«Moisə! 'Lí, Avarimə yee tɔ́nŋąą gee lai, tii nwuɔ̨, yii naa ɓaa: Nebo; yaa tii Moabə lɔi hu, Ɉeriko taa tənən ma, Kanaan lɔi ŋɛ̨i gáá pai dɛɛi Israɛlə lonnii pɔ a di wɔɔ, ə́ tɔɔ laa, ə́ nɔi tii mɛ̨i kaa.

Mąątɛ̨nɛ̨ 80:8

Yálá, Mɛ̨nį Kəlee ŋą Hééɓomun; pənə ə́ ku hee ku kpanɲą, ə́ ə́ ɲɛ̨i lɛlɛɛ hee kuɔ, ku kaa pai ɓaloi.

Kɔlɔnikɔ Maa-ŋuŋ 7:27

Nun da Ɉosue.