Gɛlaɠaa 7:36 - Yálá laawoo hɛɓɛ (dc)

³⁶ Yaa ti ɓə di kulɔ Eziptə lɔi hu, a kpalo mɛ̨nį da kwəi pili mąą mɛ̨nįɠaa ə di kɛ Eziptə lɔi hu, gboloyá kpɔlu hu, ə mą kɛ, nɔi pun hu, kwɛlan bow nąąn ɲeemu.

Yálá laawoo hɛɓɛ

³⁶ Yaa ti ɓə di kulɔ Eziptə lɔi hu, a kpalo mɛ̨nį da kwəi pili mąą mɛ̨nįɠaa ə di kɛ Eziptə lɔi hu, gboloyá kpɔlu hu, ə mą kɛ, nɔi pun hu, kwɛlan bow nąąn ɲeemu.

Bible

³⁶ Gɛ́ɛ a mɛni kpaya-kpaya-ŋa da ŋɛi-kɛ-maa-ŋa kɛ́ Ize, da Ǹyúo Kpɔ̂lui su da vɛ̃ɛ-kpâlaŋ su a kóraŋ buu náaŋ, è díkùla yeei kɛ̀.

Gɛlaɠaa 7:36 Referans Kwoze

Lɛɛ gbɔwɔ ɓa 14:21

Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Lɛɛ gbɔwɔ ɓa 33:1

Yai-Laa yɛ Moisə ɓa: «'Həɠə gɛɛnąą ŋɛ̨i ɓa, ka nuą ŋɛ̨i ə́ di kulɔ Eziptə lɔi hu, ka li, ɓɛi ŋį́ nąą laakwɛlanmo Abrahamə Isaakə da Ɉakɔbə ni diɛ, gɛ́ gwɛ́la kpɔ diɛ a gbɔ́wɔ́ kpinįi, gɛ́ kɛ diɛ: ‹Ka huwu ɓə gáá nɔi ti tɛɛi bɔ.›

Lɛɛ gbɔwɔ ɓa 16:35

Israɛlə lonnii di manə mįi kwɛlan bow nąąn ɲee mu, ə lɛɛ ɉu, di həli Kanaan lɔi ɲɛ̨in ma.

Hebreu 8:9

Yili hvo pai kɛi yɛ bələi ə kɛ la kwa di nąnni ku lɔwai, a ɲələi ŋą́ di hon na a di yee, gɛ́ di kulɔ Eziptə lɔi hu, mąąhɔlɔɓo, diɛi tii, di hvo lɛɛ di woo pulu, Ɲą́ą́n, ŋą́ ɓo di yee ɓa, Ną́mu woo li.

Gɛlaɠaa 13:18

Kwɛlan bow nąąn ɲee mu, ə di kɔ̨nɔ̨n gɛ nɔi pun ɉu.

Gɛlaɠaa 7:42

Yili ɓə gɛ Yálá ə di lɛɛ laa, diɛ kɛa kwɛli hvilɛn yələi hɛnŋąa diɛ, yɛ bələi bɛ̨ɛ̨ la Yálá kwəi mɛ̨nį hukulɔ nuą di wɔ hɛɓɛ́i hu, diɛ kɛ mą: «‹Israɛlə nu huwu! Gwɛlan bow nąąn ka gɛ nɔi pun ɉu, ɲą́ą́ ɓə mɔ̨ɔ̨ ká kɛli gɔ́, a ka wɔ haláá hɛn, da kɔ́ɓo hɛn?

Mąątɛ̨nɛ̨ 95:10

Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.»

Nehemi 9:10

Ə́ mɛ̨nį kpɛa kpɛaa da kpalo ɓɛla Eziptə tɔɔmun ma, da nwɔ ɲɛ̨itɔwɔ nuą kəlee. Mąąhɔlɔɓo, gbaɠala ə kɛ yɛ́, yɛ́ di kpɔɔ ŋąą kɛnɛ̨ pələ, di di mɔ̨nɔ̨ ɓo. Ə́ ə́ kpɔɔ laa tɛ, yɛ pələi gaa la, ə mą kɛ háákələi.

Dutɛrɔnome 8:4

Ka mąą həɠəɠaa di hvo haɠa li ka kwaną, ka kɔ́wɔ hvo hvɛɛ gwɛlan bow nąąn tii yee mu.

Lɛɛ gbɔwɔ ɓa 3:20

Gáá pai mɛ̨nį laai Eziptə lɔi ɓa, a kwɛlɛɛn mɛ̨nį tamąą kɛi gáá pai moi ɉu. Yili kɛɛ pulu ɓə di kaa pai ɓoi la kaa, kaa li.

Mąątɛ̨nɛ̨ 95:8

'Ka hvo ka kili wala wala yɛ bələi ka gɛ la Meriba lɔi hu, yɛ ɲələi ka gɛ la Masa, nɔi pun ɉu.

Ɉaan 4:48

Jesus yɛ mą: «Ka hva pɛli laa na laa kɛi a kɛ ka hvo kpalo mɛ̨nįɠaa kaa li.»

Hebreu 3:8

'ka hvo ka kili walawala, yɛ ɲələi nuą di di kwɛli tee la, a ɲələi di kɛi Yálá hukɔɔn na, nɔi pun ɉu.

Hebreu 3:9

Nąą ɓə ká nąnni di ɉúkɔɔn naa, ə gɛ, di gáá, diɛn, di ɲéé pɔɔ kaa,