Gɛlaɠaa 7:3 - Yálá laawoo hɛɓɛ (dc)

³ Yálá ə mo mą yɛ mą: Həɠə ə́ pɔ lɔi, ə́ pɔ taai, ə́ kulɔ ə́ nąn ɲəi bɛlɛ́n ə́ li ɓɛi gáá pai nąą lɛi yɛ́.

Yálá laawoo hɛɓɛ

³ Yálá ə mo mą yɛ mą: Həɠə ə́ pɔ lɔi, ə́ pɔ taai, ə́ kulɔ ə́ nąn ɲəi bɛlɛ́n ə́ li ɓɛi gáá pai nąą lɛi yɛ́.

Bible

³ È mò ma, ǹyɛɛi, ‘Kula ílɔii su ínûai sáma í pá ǹɔii su ŋa pâi ǹɛ̂i yâi.’

Gɛlaɠaa 7:3 Referans Kwoze

Zɛnɛse 12:1

Yai-Laa yɛ Abramə ɓa: «Həɠə ə́ pɔ lɔi, ə́ pɔ taai, ə́ kulɔ ə́ nąn ɲəi bɛlɛ́n ə́ li ɓɛi gáá pai nąą lɛi yɛ́.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Zasua 24:3

Ŋį́ ka nąn Abrahamə həɠə ɲá lee pulu pələ, ŋį́ li ŋį́ ɉee Kanaan lɔi nąą kəlee, ŋį́ ɉuwuhu ɓɛɛlɛ, ŋį́ Isaakə tɛɛ bɔ.

Zɛnɛse 15:7

Yálá ə mo Abramə ɓa, yɛ mą: «Ɲą́ą́ gáá a Yai-Laa, yii ə́ kulɔ Urə daai Kalde nuą pɔ lɔi, ə gɛ, nɔi ŋɛ̨i ə́ kaa ɉu, ŋį́ dɛɛ ə́ pɔ a ə́ wɔɔ.»

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Lukə 14:33

Jesus yɛ nwɔ̨nɔ̨ diɛ: «Yili ɓə gaa mą, ka ta hva pɛli kɛi a nwɔ́ kalan non, akɛ hvo lənə li gbɔwɔ ɓa da ɉɔlɔɓo hɛnŋąą kəlee.»

Maafîu 10:37

Nui a nąn da nee di wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta. Nui a non ɉulɔnu a wala kɛ tii non nɛ̨ɛ̨nu wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta.

Nehemi 9:8

Ə́ gaa yɛ́ Abrahamə lii kanąn ŋąąi yɛ́, ka yaa ka mįnɛ̨ həɠə, ə́ Kanaan nuą, Hɛtə nuą, Amɔrə nuą, Perizi nuą, Ɉebusə nuą, da Girgasə nuą, tɛɛ bɔ yaa tii bɔ, ə mą kɛ ɉuwu hu nuą. Ə́ kulɔ ə́ woo ɓa, mąąhɔlɔɓo, ə́ tələnmoɔi.

Gɛlaɠaa 7:4

Nąąlɔwai, Abrahamə ə həɠə Kalde nuą pɔ lɔi ə li ə hee Haran daai. Nąą ɓə ə lɛɛ laa nąn ə haa, Yálá ə gulɔ laa ə pa ə ɉee ɓɛi ŋɛ̨i háákələi ka heɛi laa.

Zɛnɛse 20:13

Ɓɛlɔwai Yálá ə gúlɔ la ną́n ɲəi bɛlɛ́n, ə vílɛn lɔi mɛ̨i, Nąąlɔwai, ŋį́ kɛ nɛ̨́ą ɓa: ‹Ɓɛi lɔpee gwa li laa, kɛ diɛ gáá a ə́ mąąhulɔnu.›»