Gɛlaɠaa 7:15 - Yálá laawoo hɛɓɛ (dc)

¹⁵ Yili ɓə gɛ, Ɉakɔbə yɛ li Eziptə lɔi hu, ə lɛɛ laa ə haa, da gu kalaɓɔlɔni.

Yálá laawoo hɛɓɛ

¹⁵ Yili ɓə gɛ, Ɉakɔbə yɛ li Eziptə lɔi hu, ə lɛɛ laa ə haa, da gu kalaɓɔlɔni.

Bible

¹⁵ Nya ƃe Zeeka è lì Ize, é sáa naa da kúnâŋ-ni.

Gɛlaɠaa 7:15 Referans Kwoze

Lɛɛ gbɔwɔ ɓa 1:6

Ɉu kwɛa kɛa, Ɉosɛfə da nąn nonnii di haa, da di muhəɠəyɔwɔɠaa kəlee.

Zɛnɛse 49:33

Ɉakɔbə ə kpɛɛ lɔ a niɛwooɠaai tii kɛɛ nonnii diɛ, ə tinɛ̨n, ə laa ə kɛ lɔ kɛa a niɛ nąnni pɔ.

Zasua 24:4

Ŋį́ Ɉakɔbə da Esau di tɛɛ Isaakə pɔ. Ŋį́ Seirə yee tɛɛ Esau pɔ a ɉee lɔi, Ɉakɔbə nwɛi, da nonnii də li Eziptə lɔi hu.

Dutɛrɔnome 26:5

Yili pulu, Yálá kɔ́ mun tii a nwooɠaa ŋɛ̨i ɓo Yai-Laa ka wɔ Yálái lííla. Yɛ kɛ mą: «Ną́n ə kɛ a Aramə mun, yɛ ɓo a toonwun mamun, ə li Eziptə lɔi hu; da nwɔ nuą, di hvo kɛ tamą li; yɛ li mąąkilɛi laa. Kɛlaa, di lɛɛ laa di tamą, di kɛ a nu kpulu kɛnɛ̨; di hvaŋą ə kɛnɛ̨.

Dutɛrɔnome 10:22

Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Lonon mo 20:15

Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.

Zɛnɛse 46:1

Hɛn kpɔ kɛ Israɛlə yəi, ə gəlee həɠə, ə hvilɛn na bələ ɓa. Həli ə mo Beɛrə-Seva ə haláá kulɔ laa nąn Isaakə nwɔ Yálái ɓa.

Zɛnɛse 47:30

Ŋą́ pa laai ną́nni kwɛlɛ, 'kulɔ a ɲą́ą́ Eziptə, 'ə́ li a ɲą́ą́ ną́n nwɔ lɔi hu.» Ɉosɛfə yɛ nąn ma: «Ną́n, bələi tii ə́ mo la, bələ ɓə gáá pai gɛi la.»

Lɛɛ gbɔwɔ ɓa 13:19

Moisə ə mo, di Ɉosɛfə kɔ́wɠaa həɠə, diɛ li la. Mąąhɔlɔɓo, Ɉosɛfə ə wɔlɔ kɛ niɛni diɛ, ka ka kwɛla, kaa diɛ: «Yálá a pa ka kulɔi ɓɛ, ka gɔ́wɠaa həɠə, ə lɛɛ ka yəi, ka li la!»

Zasua 24:32

Ɉosɛfə kɔ́wɠaa tii Israɛlə lonnii di həɠə la Eziptə lɔi hu, di gɔwɠaa tii loo, díi tii wɔlɔ Ɉakɔbə ə ɲa Hamɔrə lonnii yəi a wali kwələ nwundɔ̨nɔ̨, nąą ɓə di noo laa. Hamɔrə ə kɛ a Sisɛmə nąn. Ɉosɛfə lonnii di gɛɛnąą tii hɔlɔɓo, a di kwɛlin da.

Mąątɛ̨nɛ̨ 105:23

Yili pulu, Israɛlə ə li Eziptə lɔi hu, Ɉakɔbə ə mąąkilɛ Kamə nwɔ lɔi hu.