Gɛlaɠaa 7:10 - Yálá laawoo hɛɓɛ (dc)

¹⁰ Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.

Yálá laawoo hɛɓɛ

¹⁰ Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.

Bible

¹⁰ È gùla ŋɔmɛni kpɔ̂lui kélee su é lûwa láa ma é táre tɛ́ɛ bɔ́ Ize kaloŋ Feelo ŋɛ́i tuɛ, nyíi gɛ̀ a Ize lɔii da ŋɔpɛ́rɛi mɛi-nuui.

Gɛlaɠaa 7:10 Referans Kwoze

Hanwon 3:4

Yá gɛ tii, ə́ wɛli a too Yálá ɓa, da nu kanŋaa.

Timote veelɛ 4:18

Gu Ną́mu kaa pai gúlɔi mɛ̨nį ɲɔ̨n gəlee yəi, ɛlɛɛ, ə málo ŋą yələkɔlɔn ɉu tɔɔlaai mąą mɛ̨nį ɓa. Mąąwiɛ ə kɛ mą a yələ kəlee kpɛɛ hvo mą! Yálá ə kɛti.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Mąątɛ̨nɛ̨ 22:24

Kaai kpɔ ka ɲɔw Yai-Laa ɓa, 'ka mąątɛ̨nɛ̨! Kaai kpɔ a Ɉakɔbə huwu, 'ka naa tɛ! Kaai kpɔ a Israɛlə nu huwu, 'ka ɲɔw mą!

Zɛnɛse 42:6

Ɉosɛfə ɓə kɛi Eziptə lɔi ɲąą woo ɓo, ya ɓə kɛi mɔ̨nun nɔwɔtɔɔ nwɛ̨ąą diɛ. Niɛni di pa, di pɛlɛ nɔi ɓa gɔwɔ mu.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Mąątɛ̨nɛ̨ 37:40

Yai-Laa a di mąąkpɔn mąąɓo; yɛ di yee la hvólóon, a di kulɔ nu ɲɔ̨nwɔ̨ɔ̨ɠaa yəi; yɛ di ɓalo, mąąhɔlɔɓo, Yai-Laa ɓə di gɛ a di mąąkilɛi.

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Zɛnɛse 44:18

Ɉuda ə lɛɠɛ Ɉosɛfə ɓa, yɛ mą: «Nwɔ́ mɛ̨nį nąmu, ka nɔi ŋɛ̨i hutɔɔmun ka pɛliɛi, gɛ́ ə́ hvaa mą, ŋį́ hvaa ə́ pɔ, ə́ lii hvo holi bɔ́.

Zɛnɛse 39:21

Bələi mąn Ɉosɛfə ə kɛ la laa gaho pɛlɛ́ mu, Yai-Laa ə kɛ lɔ bɔ, ə ɲɛ̨i lɛlɛɛ hee mą, Ɉosɛfə wɛli ə too gaho pɛlɛ́ mɛ̨i kaamun ma.

Tɔɔɓɛlaa dɔlɔɔ 8:50

Ə́ wɔ nu huwui ŋɛ̨i nɛ̨ŋɛ̨n ɉəɠə yɛ́, mąąhvaalɛɛ, ə́ di wɔ kulɔ nwoo mu laa kəlee mąąhvaalɛɛ. Nuąi da kɛ di yəi luwɔlaa hu, gɛ, yiliɠaai di di ɲɛ̨imąąwɛli kaa. Ə kə! Di di ɲɛ̨imąąwɛli kaa.

Ɉeremi 39:12

«'Ə́ ɲɛ̨i kɛ mą, mąą mɛ̨nį ɲɛ̨i kulɔ, hvó mɔ̨nɔ̨ ɓo, mɛ̨nįi a ɉu hvɛli yɛ́, gɛ́.»