Gɛlaɠaa 6:4 - Yálá laawoo hɛɓɛ (dc)

⁴ Ku wɛi, ku kaa ku ɲɛ̨i lɛɛi Yálá hvɛliɛ da Yálá lawoo laa həliɛ ɓa.»

Yálá laawoo hɛɓɛ

⁴ Ku wɛi, ku kaa ku ɲɛ̨i lɛɛi Yálá hvɛliɛ da Yálá lawoo laa həliɛ ɓa.»

Bible

⁴ Kɛ́lɛ, kwa pâi kúŋuŋ pûi Ɣâla fɛliɛ su a tãi kélee da ŋɔwóoi ƃoɔ.”

Gɛlaɠaa 6:4 Referans Kwoze

Gɛlaɠaa 1:14

Di kəlee di woo tɔɔi ə kɛ tanɔ̨n, diɛ di ŋąąkpɔn, diɛ Yálá hvɛli da nɛ̨ą taɠaa, ə lɛɛ, da Jesus nee Mari, ə mą kɛ Jesus gaayɔwɔɠaa.

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

Kolosə 4:17

Ka mo Arsipə ɓa, kaa mą: tiɓo yii gu Ną́mu Jesus aa dɛɛ bɔ, ə ɉon a nɛlɛɛ, ə naa kulɔ.

Kolosə 2:1

Gáá bɔ́, gɔ́ kɛnɛ̨i ŋɛ̨i gáá gɔi, ká gili kɔlɔn kaa diɛ, ka mąą mɛ̨nį ɓə gáá gɔi la, ə mą kɛ, Laodise nuą da nuąi kpɔ di hvo ni ɲɛ̨́ilaai kaa li.

Filipə 1:4

Yələ kəlee, ŋą́ hvɛli wooɠaa hu, vá lɛ̨ą káá, ɛlɛɛ, ŋą́ vɛliɓoi tii kɛ a gwə́inɛ̨ɛ̨.

Korɛntə dɔlɔɔ 9:16

Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Lukə 1:23

Lɔwai mąąnɛ̨ɛ̨ kɛ Zakari əgɛ Yálá hee pɛlɛ́ mu yɛ nwɔ tiɓoi kɛ, yii kɛa ə kpɛɛ, ə li ɲei bɛlɛ́ laaləi.