Gɛlaɠaa 6:10 - Yálá laawoo hɛɓɛ (dc)

¹⁰ Kɛlaa, di yee hvo lɔ Etiɛnə ɓa, mąąhɔlɔɓo, Kili-Mąąhəɠɛɛ ə kɛ bɔ, yɛ mɛ̨nį ɓo la a kilikɛɲəi laa.

Yálá laawoo hɛɓɛ

¹⁰ Kɛlaa, di yee hvo lɔ Etiɛnə ɓa, mąąhɔlɔɓo, Nįį-Mąąhəɠɛɛ ə kɛ bɔ, yɛ mɛ̨nį ɓo la a kilikɛɲəi laa.

Bible

¹⁰ Kɛ́lɛ, dífe pɔ̂ri ni tɔɔ̂i ŋɔtárei ŋ́ɛi-tuɛ da M̀ɔlêŋ, nyíi è lòno lai.

Gɛlaɠaa 6:10 Referans Kwoze

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Korɛntə dɔlɔɔ 2:4

Nwóó da nwɔ́ nuą mąąkwɛli pələ, di hvo kɛ a gbąnąlaa kili, kɛlaa, di kɛ a Yálá ŋą Kilii nwɔ huwalawala ŋą mɛ̨nį lɛ pələ;

Ɉaan 7:46

Ɉolahiɠaa diɛ diɛ: «Ku hvo ta nu ta kaa li yɛ hvaa yɛ ɉulɔnui tii.»

Zôo 32:8

Kɛlaa, tɛ̨ą kili kaa nu hu, Ya ɓaa: Huwalawala Kəlee Nąmu Yálá nwɔ Kilii.

Lɛɛ gbɔwɔ ɓa 4:12

Yii hu, 'həɠə ə́ li; Ɲą́ą́ Lɔ Gáá ə́ pɔ, mɛ̨nįi mąąnɛ̨ɛ̨ ə́ mo, Ŋą́ bu ə́ la.»

Lukə 1:17

Gaa pai hiɛi Yálá ɲɛ̨i ɓa, Yálá nwɔ huwalawalaa da nwɔ Kilii ŋɛ̨i kɛ gwəi mɛ̨nį hukulɔ mun Eli yəi, a kɛ yaa kpɛli mąn ɲai. Gaa pai lon da gaa mun di yee lɔi gee hu. Yiiɠaai di hva liɛwoo mɛ̨n, ə di liɛwoo ɓo di kɛ a kilimąą nuą. Pələ ɓə gaa pai nuą kɛ pələ pɛli la, əgɛ, di Ną́mu Yálá mąą kpɔn.»

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Izikiɛ 3:27

Kɛlaa ŋą́ pa mɛ̨nį ɓoi yɛ́, ŋą́ gɛ ə́ laa ə hvaa, yɛ́ kɛ diɛ: Yai-Laa ka wɔ Yálái woo ka, yɛ; nui yɛ ə nwəli tɔɔ, ə nwəli tɔɔ; nui hvo bɔ hvo nwəli tɔɔ, hvo nwəli tɔɔ; mąąhɔlɔɓo kulɔ nwoo mu nuą li.»

Zôo 32:18

Mąąhɔlɔɓo, nááhvɛɛi a mɛ̨nį tamąą, ɛlɛɛ gwə́i mɛ̨nįɠaa di kaa mą́ą́ wəleen ɉii.

Gɛlaɠaa 5:39

Kɛlaa, akɛ ə həɠə Yálá pɔ, ka hva pɛli ɉu taɠai. Ka gɛ a nɛlɛɛ, ka hvo pa kɔ́ pɛlɛ Yálá ɓa.» Diɛn hvaa nwoo ɓa.

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Ɉeremi 15:20

Gáá ə́ kɛi nuą tii lííla, yɛ pɛlɛ́ nwąnąąi dɔɔ a kwɛli, yii hva dumo dɔɔi, di kaa pai kɔ́ pɛlɛi yɛ́, Kɛlaa, di yee hvo pai lɔi yɛ́. Gáá ə́ pɔ, gɛ́ ə́ nwun mąąɓo, gɛ́ ə́ hvólóon na ɓo. Ɲą́ą́ Yai-Laa nwóó li!

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Gɛlaɠaa 6:9

Kɛlaa, di lɔwai, galan gbɔn ti da kɛ mą: luwɔ pɔlɔɠaa, da Sirɛnə nuą Alɛsandri nuą Silisi ɛlɛɛ, Asi nuą, hvaa ə too Etiɛnə ni lɔwai.

Gɛlaɠaa 6:11

Yili ɓə gɛ, di lɔ nuą hu di lɛɛ pɛlɛ a Etiɛnə laa, diɛ kɛ mą: «Ku nwoo mɛ̨n yɛ Moisə da Yálá di ɓɛlɛtoo wooɠaa ɓo.»