Gɛlaɠaa 5:42 - Yálá laawoo hɛɓɛ (dc)

⁴² Hvóló kəlee, di kɛi li Yálá hee pɛlɛ́ mu, da bɛlɛ́ɠaa laaləi diɛ nuą kalan a Jesus ŋɛ̨i gaa a Nwun mąąɓomun Yálá ə naakwɛlanmo nwɔ wəlɛɛ lɛlɛɛ.

Yálá laawoo hɛɓɛ

⁴² Hvóló kəlee, di kɛi li Yálá hee pɛlɛ́ mu, da bɛlɛ́ɠaa laaləi diɛ nuą kalan a Jesus ŋɛ̨i gaa a Nwun mąąɓomun Yálá ə naakwɛlanmo nwɔ wəlɛɛ lɛlɛɛ.

Bible

⁴² Dí kɛ̀ nɔ́ Zîsɛ maa mɛni lɛ̂i ɣele kélee Ŋ̀âla-pɛrɛ kɛ́tɛi mu da pɛ́rɛ kélee lá a gɛ́ɛ gáa a Kôrai.

Gɛlaɠaa 5:42 Referans Kwoze

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Gɛlaɠaa 20:20

Mɛ̨nįɠaai da pɛli di kpɔnmąą tɛɛ ka pɔ, və́ da mąąhvįikpɛɛ too li. Kɛlaa, ɲą́ą́ mun, ŋį́ kalan na kpɔn ɉu, da bɛlɛ́ɠaa mu.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Gɛlaɠaa 8:35

Filipə ə gɔwɔ tɔɔ ɉɛɓɛ́i ti hu woo mɛ̨i, yɛ Jesus ŋą wɛlɛɛ woo lɛlɛɛ hukulɔ mą.

Lukə 21:37

Akɛ a yələ ɓɔɔ, Jesus ə kɛi li Yálá hee pɛlɛ́ mu yɛ nuą kalan. Yələ wilii pɔ, ə kɛi li yɛ yii Olivə yee ɓa.

Gɛlaɠaa 17:3

Ə gɔwɔ hvilɛn Yálá laawoo hɛɓɛ́ mɛ̨i, yɛ ɉukulɔ diɛ, yɛ diɛ: Mąąnɛ̨ɛ̨ kɛ Nwun mąąɓomun Yálá ə naakwɛlanmo, ə mɔ̨nɔ̨ mįi, ə haa, ə pənə ə nwun ə kulɔ haa nuą lɔwai, ɛlɛɛ, ə kɛli kɛ diɛ, nwun mąąɓomun tii ɓaa a Jesus ŋɛ̨i gáá mąą mɛ̨nį ɓoi káá.

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Gɛlaɠaa 4:29

Yiihu kɛa, Hɛn gəlee Nąmu, ə́ kili lɛɛ di wɔɔ nu mąąɲɔw wooɠaai hu, ɛlɛɛ, gɛ, ə́ wɔɔ nuąi di ə́ woo laa həli a liikpələ kɛnɛ̨ɛ̨.

Galatə 6:14

Nwɛ́i, ŋą́ kɛ ŋą́ gbɔ́wɔ́ ɲąą kɛnɛ̨, ŋą́ gbɔ́wɔ́ ɲąąkɛnɛ̨ gu Ną́mu Jesus Kristə nwɔ kolowaai mąą mɛ̨nį hu. Kristə nwɔ kolowai háálai, ŋą́ą́ haa yɛnɛ̨ɛ̨ ɲɛ̨i ɓa, yɛnɛ̨ɛ̨ aa haa ɲɛ̨́i ɓa.

Korɛntə dɔlɔɔ 2:2

Mąąhɔlɔɓo, ŋą́ naa gwə́i, gɛ́, və́ mɛ̨nį takpɛli mɛ̨n ka lɔwai, hvo kɛli lɔ Jesus Kristə mąą mɛ̨nį, a Jesus Kristə, yai di gbɔn kolɔwa ɓa, mąą mɛ̨nį.

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Gɛlaɠaa 11:20

Kɛlaa, ə mą kɛ ti, di taɠaa, di kaa-lɔi ə kɛ a Siprə da Sirɛnə, pai di mo Antiɔsə di wɛi, Grɛkəɠaa lɔ ɓə di kɛli nwəlɛɛ lɛlɛɛ laa həli diɛ, yai vilɛn ŋąąi gu Ną́mu Jesus ɓa.

Gɛlaɠaa 8:5

Filipə ə li Samari lɔi daa-lee ta hu, yɛ Kristə mąą mɛ̨nį laa həli nąą daai nuą diɛ.

Gɛlaɠaa 4:20

Kɛlaa, ku wɛi yii ku mɛ̨n, yii ku gaa, ku hvo pai lənəi yili ɓo mɛ̨nį ɓa.

Lukə 22:53

Ɓɛlɔwai ŋį́ kɛ la ka lɔwai a yələ kəlee, Yálá hee pɛlɛ́ mu, ka hvo kɛi tunwon mą́ą́. Kɛlaa, ka wɛi nąą lɔwai aa həli, ka kpinį nwɔ yeetɛɛmąą laa.

Samia Veerɛi 6:22

Ɛlɛɛ, gáá nwɔ̨nɔ̨ pai mą́ą́ yɛɛi ə tɛɛ yili ɓa, ŋą́ gbɔ́wɔ́ tiikpə gbɔ́wɔ́ ɲɛ̨i ɓa. Kɛlaa, nuwɔ nɛ̨ąąi tii ə́ kaa di hvaa ɓoi, da mą́ą́wiɛ.»

Gɛlaɠaa 13:32

Kuɔ kpɛli, nwəlɛɛ lɛlɛɛ ti ɓə ku paa la ka pɔ, yii wɔlɔ Yálá ə naakwɛlan mo ku kalaɓɔlɔni diɛ.

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;