Gɛlaɠaa 5:24 - Yálá laawoo hɛɓɛ (dc)

²⁴ Ɓɛlɔwai di nwoo hukulɔi ti kɛ la, Yálá hee pɛlɛ́ ɲąąwooɓo nuą da ɉaláá laa həli nuą kpɛa-kpɛa diɛ, di kwəi ə pili diɛ, yii kɛ di mo gɛlaɠaa mąą mɛ̨nį hu, di hvo kɛ gɔlɔn. Di kɛi di kee mąąni kɛ, diɛ kɛ mą: Di gɛ pələ kɛ ləi diɛ kulɔ?

Yálá laawoo hɛɓɛ

²⁴ Ɓɛlɔwai di nwoo hukulɔi ti kɛ la, Yálá hee pɛlɛ́ ɲąąwooɓo nuą da ɉaláá laa həli nuą kpɛa-kpɛa diɛ, di kwəi ə pili diɛ, yii kɛ di mo gɛlaɠaa mąą mɛ̨nį hu, di hvo kɛ gɔlɔn. Di kɛi di kee mąąni kɛ, diɛ kɛ mą: Di gɛ pələ kɛ ləi diɛ kulɔ?

Bible

²⁴ Zâla láa soŋ-ƃela kpaya-kpayai da Ŋ̀âla-pɛrɛ kɛ́tɛi mɛi-káa-ƃelai kɛ́ɛ dí nyíŋi mɛni lai, díkili ŋá è tɛ̀i kpɔ a dámaa e pîlaŋ la dîa da m̀ɛnii pâi kulâi nyíŋi sui.

Gɛlaɠaa 5:24 Referans Kwoze

Gɛlaɠaa 5:26

Nąąlɔwai, Yálá hee pɛlɛ́ ɲąąwooɓomun ə həɠə yɛ li da ɲee pɔ nuą, ə gɛ, di gɛlaɠaa hon di pa a diɛ. Kɛlaa, di ho di yagalanmo. Mąąhɔlɔɓo, di kɛi ɲɔw, ə gɛ, di hvo nəi pa di hɔɔ a kwɛni.

Gɛlaɠaa 4:1

Piɛrə da Ɉaan di lɛɛ lɔ pələ ɓoi nuą diɛ, nąąlɔwai, ɉaláá laa həli nuą, da Yálá hee pɛlɛ́ ɲąąwooɓomun, ə mą kɛ da Sadusiɛ̨ɠaa di pa di pɔ.

Gɛlaɠaa 4:21

Tɔ́n vili nąmįną di haŋą diɛ kpɔ nwɔ̨nɔ̨ a nįnɛ̨, yili pulu, di ɓo diɛ. Pələi kɛ di tɛɛ la di mɛ̨nį ɲąnwąnąą laa diɛ, di hvo yili bələ hɔlɔɓo. Mąąhɔlɔɓo, mɛ̨nį ti nuą kəlee di kɛi Yálá hɛɠɛɛɓo yili mąą mɛ̨nį ɓa.

Gɛlaɠaa 2:12

Di kəlee di kwəi ə pili diɛ, yii kpɔ kɛ mąąnɛ̨ɛ̨ di di kiliŋąhiɛ mą, di hvo kɛ gɔlɔn. Di kɛi mo di kee lɔwai diɛ kɛ mą: «Yii mukulaa ɓaa lə?»

Ɉaan 12:19

Farisiɛ̨ɠaa diɛ di kee ɓa: «Ka káá nąą kaai, gu hva pɛli mɛ̨nį ta kɛi, nuą kəlee daa hvilɛn bulu.»

Lukə 22:52

Yili pulu, Jesus ə mo nuą tii pa ɉon ɉii diɛ, ɉala laa həli nuą kpɛa-kpɛaa, ə mą kɛ Yálá hee pɛlɛ́ mɛ̨i kaa nuą nwun nąmu, da nɔi kalanɉonŋąą diɛ, yɛ diɛ: kaa pa a ɓɔwa kwɛaɠaa da gbɔnŋąą yɛ da kɛi pa nwuɔ̨mun ɉon ɉi.

Lukə 22:4

Ɉudasə ə li ɉala laa həli nuą kpɛa-kpɛa da Yálá hee pɛlɛ́ mɛ̨i kaa nuą pɔ, bələi mąąnɛ̨ɛ̨ ə Jesus too la di yee ŋą, ə bələ lɛ diɛ.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Gɛlaɠaa 5:23

Diɛ mą: «Lii ku mo, ku bɛlɛ́ɠaa kəlee kaa naa kpulɔɔ kpɔ a nɛlɛɛ, gaho pɛlɛ́ mɛ̨ikaa nuą kaa di ɓo heeni bɛlɛ́ laaləi. Ku bɛlɛ́ laa ɓo, ku hvo nu ta kaa bɛlɛ́n.»

Gɛlaɠaa 5:25

Kɛlaa, di lɛɛ lɔ moi ti, nu ta ə pa, yɛ diɛ: «Nuą ŋɛ̨i ka di too gaho ŋąi, di kaa Yálá hee pɛlɛ́ mu diɛ nuą kalan.»