Gɛlaɠaa 5:16 - Yálá laawoo hɛɓɛ (dc)

¹⁶ Nu kpulu kɛnɛ̨ɛ̨ ə kɛi həɠə Ɉerusalɛmə da gwɛlɛ taaɠaa hu, diɛ pa a ɲɔ̨n gɛ nuą, ə mą kɛ nuąi Ɲįnɛ̨nŋaa di kɛ di pulu; gəlee kɔ́lɔi yɛ pono, Ɲįnɛ̨nŋaa diɛ həɠə di pulu.

Yálá laawoo hɛɓɛ

¹⁶ Nu kpulu kɛnɛ̨ɛ̨ ə kɛi həɠə Ɉerusalɛmə da gwɛlɛ taaɠaa hu, diɛ pa a ɲɔ̨n gɛ nuą, ə mą kɛ nuąi Ɲįnɛ̨nŋaa di kɛ di pulu; gəlee kɔ́lɔi yɛ pono, Ɲįnɛ̨nŋaa diɛ həɠə di pulu.

Bible

¹⁶ Nya ƃe kpɔŋ támaa dí kúla Zerusâlɛŋ kɔlɛ ma taa-ŋai su dí díŋaa tɛ̀ ma dí pá a kɔlɔ-fela-ƃela nyíi-ŋai nyînaŋ nyɔ́mɔɔ è kɛ́ dípôlui. Dí díkelee ƃàlo.

Gɛlaɠaa 5:16 Referans Kwoze

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Gɛlaɠaa 4:30

Ə yee haŋą, ə gɛ, kpalo mɛ̨nį da kwəi pilimąą mɛ̨nįɠaa di kɛ ə́ nwɔ tímun Jesus laa hu.»

Ɉaan 14:12

A tɛ̨ą kpɔ-kpɔ gáá moi kaa, nui a laa ná, mɛ̨nįɠaa ŋɛ̨i gáá gɛi, mąą nu a pɛli yili kɛi, ə lɛɛ a damąą kɛ ə kɛnɛ̨ ə tɛɛ yiiɠaai gáá gɛi ma. Mąąhɔlɔɓo, gáá lii Ną́n Yálá pɔ.

Lukə 9:11

Kɛlaa, nu kpului tii kɛ laa, di gbaɠala kaa, di hvilɛn di pulu. Jesus ə ɲee hee di mu. Ə Yálá-taa tɔɔlaa mąą mɛ̨nį hukulɔ diɛ: ə lɛɛ, nuąi ɲɔ̨n ə kɛ diɛ, ə di kɔ́lɔi pono.

Lukə 5:17

Yələ ta, Jesus ə kɛi nuą kalan, Farisiɛ̨ɠaa da tɔ́n galamɔ̨ɔ̨ɠaa di həɠə Ɉude lɔi taa taɠaa hu, da Galile lɔi taa taɠaa, ə mą kɛ Ɉerusalɛmə; di pa di hee Jesus kwɛlɛ, Ną́mu Yálá nwɔ huwalawala ə kɛ Jesus mɛ̨i, yɛ ɲɔ̨n gɛ nuą kɔ́lɔi pono.

Maafîu 8:16

Yələ wulii həliɛ, di pa a ɲį́nɛ̨n ɲɔ̨n gɛ nuą tamąą Jesus pɔ. Ə kɛi ɲį́nɛ̨nŋaa tii kpɛ nuą tii pulu a nwoo, yɛ ɲɔ̨n ɉuwu kəlee kɛ nuą kɔ́lɔi pono.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Korɛntə dɔlɔɔ 12:9

Kili tanɔ̨n tii lɔ ɓə, a laa na laa tɛɛ nu taɠaa pɔ, Kili tanɔ̨n lɔ ɓə nwɔ̨nɔ̨ a nu ɓalo mɛ̨nį mąą laa tɛɛ nu taɠaa pɔ;

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Gɛlaɠaa 5:15

Di kɛi pa a ɲɔ̨n gɛ nuą tamąą diɛ di laa bələ kwɛlɛ, ə gɛ, ɓɛlɔwai Piɛrə aa kɛi pa tɛɛi la, nįnįn ə hee kpɛli mąn di ta ɓa.

Gɛlaɠaa 5:17

Ɉaláá laa həli mun gɛnɛ̨ da ɲee pɔ nuą; diɛ ɓaa: Sadusiɛ̨ɠaa, ɓɛlɔwai di yili kaa la ti, di líí ə holi kpɔ kɛnɛ̨ gɛlaɠaa pɔ.

Lukə 6:18

Nuą tii kəlee di pa, əgɛ, di Jesus woo mɛ̨n, ə lɛɛ, ə di kɔ́lɔi pono. Nuą ɲį́nɛ̨n ə kɛ di pulu, Jesus ə gbɛ di pulu.