Gɛlaɠaa 5:13 - Yálá laawoo hɛɓɛ (dc)

¹³ Kɛlaa, nui lɔpee ta hvo lii hvo kɛli kpələ hvo too di pɔ, bələi mąn di kɛli di mąątɛ̨nɛ̨ la.

Yálá laawoo hɛɓɛ

¹³ Kɛlaa, nui lɔpee ta hvo lii hvo kɛli kpələ hvo too di pɔ, bələi mąn di kɛli di mąątɛ̨nɛ̨ la.

Bible

¹³ Diai dífe kɛ́ ní ǹúu-kpului ŋí sui da fé fáa ní ma é pá dípɔ, berei máŋ nûa dí ƃaa kɛ́-maa támaa tɛ̀ɛ la zu-ƃelai dípɔi.

Gɛlaɠaa 5:13 Referans Kwoze

Gɛlaɠaa 2:47

Di kɛi Yálá hɛɠɛɛɓo di wɛli yɛ ɓo nu kəlee ɓa. Hvóló kəlee, Ną́mu Yálá ə kɛi laa na nuą ta pɛlɛ ma.

Gɛlaɠaa 4:21

Tɔ́n vili nąmįną di haŋą diɛ kpɔ nwɔ̨nɔ̨ a nįnɛ̨, yili pulu, di ɓo diɛ. Pələi kɛ di tɛɛ la di mɛ̨nį ɲąnwąnąą laa diɛ, di hvo yili bələ hɔlɔɓo. Mąąhɔlɔɓo, mɛ̨nį ti nuą kəlee di kɛi Yálá hɛɠɛɛɓo yili mąą mɛ̨nį ɓa.

Gɛlaɠaa 19:17

Efɛsə nuą kəlee, da Ɉuifəɠaa, ə mą kɛ Grɛkəɠaa di mɛ̨nįi ti bələ mɛ̨n, di ɲɔw kpɔ kɛnɛ̨, diɛ gu Nąmu Jesus laa mąąwiɛ.

Gɛlaɠaa 5:5

Nwooɠaa ti mɛ̨n Ananiasə ə mo, ə too, ə haa. Nuą kpɔ mɛ̨nįi ti mɛ̨n, ɲɔw kɛnɛ̨ ə too di hu.

Ɉaan 19:38

Mɛ̨nįɠaa tii kəlee tɛɛ pulu, Ɉosɛfə Arimate mun, ə kɛ a Jesus nwɔ kalan non ta loo hu, mąąhɔlɔɓo, ə kɛi ɲɔ̨w Ɉuifə nwun nąmįną diɛ ya ɓə li, ə Jesus powa hu hvɛli Pilatə ɓa. Pilatə ə hvaa mą. Ɉosɛfə ə li, ə bowa kulɔ nwulu ɓa.

Ɉaan 12:42

Ə mą kɛ tii, ɲɛ̨i tɔwɔ nuą lɔwai, damąą di laa Jesus la. Kɛlaa, di hvo kɛ bɔ di hvo di kpɔwɔ lɛ, ə gɛ, di hvo pa di kpɛ Yálá hvɛli pɛlɛ́ mu, mąąhɔlɔɓo, di kɛi ɲɔ̨w Farisiɛ̨ɠaa diɛ.

Ɉaan 9:22

Ɉulɔnui tii kaa nuą di kɛi mo tii, mąąhɔlɔɓo, di kɛi ɲɔ̨w Ɉuifəɠaa diɛ. Hvó gaai, daa kɛ mo diɛ kɛ: «Nui lɔpee a kɛ diɛ: ‹Jesus kaa a Nwun mąąɓomun Yálá ə naakwɛlanmo›, da gbɛ di wɔ Yálá hvɛli pɛ́lɛ́i mu.»

Lukə 19:48

Kɛlaa, pələi kɛ di tɛɛ la, di hvo kɛ bələ kɔ́lɔn, mąąhɔlɔɓo, nɔi nuą kəlee wəli tɔɔ kɛ nwoo ɓa kpaan.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Gɛlaɠaa 5:26

Nąąlɔwai, Yálá hee pɛlɛ́ ɲąąwooɓomun ə həɠə yɛ li da ɲee pɔ nuą, ə gɛ, di gɛlaɠaa hon di pa a diɛ. Kɛlaa, di ho di yagalanmo. Mąąhɔlɔɓo, di kɛi ɲɔw, ə gɛ, di hvo nəi pa di hɔɔ a kwɛni.

Korɛntə veelɛ 10:15

Ku wɔɔ ɲɛ̨i ponolaa hvo tɛɠɛ li ɲɛ̨n ma, gɔwɔ hvo hvilɛn ni nu takpɛli kɛ kóló mɛ̨i, kɛlaa, ku kili kaa ɉu kuɔ, ká wɔɔ laa na laa hu aa kɛli kɛnɛ̨ yɛ tɛ tɔwɔi, gaa tɛi tɔwɔ ká yəi, ku wɔɔ kpaaləi ku naa ká ɲɛ̨i, ɉáálai;