Gɛlaɠaa 4:29 - Yálá laawoo hɛɓɛ (dc)

²⁹ Yiihu kɛa, Hɛn gəlee Nąmu, ə́ kili lɛɛ di wɔɔ nu mąąɲɔw wooɠaai hu, ɛlɛɛ, gɛ, ə́ wɔɔ nuąi di ə́ woo laa həli a liikpələ kɛnɛ̨ɛ̨.

Yálá laawoo hɛɓɛ

²⁹ Yiihu kɛa, Hɛn gəlee Nąmu, ə́ kili lɛɛ di wɔɔ nu mąąɲɔu wooɠaai hu, ɛlɛɛ, gɛ, ə́ wɔɔ nuąi di ə́ woo laa həli a liikpələ kɛnɛ̨ɛ̨.

Bible

²⁹ Kúnuu-namui, dímaa yaoi káa nâa, í wála-wâla tɛɛ íyee mu-ƃelai pɔ́ a gɛ́ɛ dí íwooi ƃó kpɔ́ a lii-kpele pere.

Gɛlaɠaa 4:29 Referans Kwoze

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Gɛlaɠaa 14:3

Polə da Barnabasə di yíikuu ta wolo kɛ laa, di kilitɔɔi kɛ gu Nąmu ɓa, gu Nąmu kpinįi ə kɛli tɔɔ, nwɔ nɛ̨ɛ̨laai mąą kalan di kɛli kɛ bulu, a gwɛlɛɛn mɛ̨nįɠaa da kpalo mɛ̨nį tamąąi ə kɛli mąą laa tɛɛ di pɔ, diɛ gɛ.

Filipə 1:14

Gɛ́ mɛ̨nį gaho ɲą, yili aa gu nąn nonnii tamąą di wɔɔ liikpələ ta kɛ mą, gu Ną́mu hu, di hva ɲɔw Yálá lawoo laa həli.

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Gɛlaɠaa 28:31

Yɛ Yálá-taa tɔɔlaa mąą mɛ̨nį laa həli, yɛ gu Ną́mu Jesus Kristə mąą mɛ̨nį laa həli, a kilitɔɔmąą laa kɛnɛ̨, a ɲee həɠɛɛ giimɛ̨i.

Gɛlaɠaa 19:8

Polə ə kɛli li Yálá hvɛli pɛlɛ́ mu, ɛlɛɛ, ɲąnįn ɉaaɓa yee mu, yɛ Yálá nwɔ tɔɔlaa mąą mɛ̨nį hukulɔ a kilitɔɔmąąlaa kɛnɛ̨, nuąi kɛi di wəli tɔɔ nwoo ɓa, yɛ tɔɔ a nwąnąi, yɛ tɛ̨ą lɛ diɛ;

Gɛlaɠaa 13:46

Polə da Barnabasə di mo kpɔ diɛ a ɲɛ̨i walawala, diɛ mą: «Káá ɓə kɛ tɔlɔɔ-tɔlɔɔ mąąnɛ̨ɛ̨ Yálá lawoo ə həli káá. Kɛlaa, yii káá lənə mąi, ɛlɛɛ, yii ká hvo ká kpɔwɔ kaai a nuąi mąąnɛ̨ɛ̨ di ɓalo hva kpɛɛ hɔlɔɓo, ku kaa kani ku ɲɛ̨i tínɛ̨n ɉii huwu takpɛliɠaa pɔ pələ.

Gɛlaɠaa 9:27

Barnabasə ɓə kɛa ɉəɠə ə li la gɛlaɠaa pɔ. Bələi kpɔ Solə ə gu Ną́mu Jesus kaa la Damasə pələi mɛ̨i, da bələi nwɔ̨nɔ̨ gu Ną́mu Jesus ə pələ ɓo la mą, ə gəlee hukulɔ diɛ, ɛlɛɛ, bələi Solə ə Kristə mąą mɛ̨nį lɛ la Damasə daai a tɛ̨ą, ə yili kəlee hukulɔ diɛ.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Gɛlaɠaa 4:21

Tɔ́n vili nąmįną di haŋą diɛ kpɔ nwɔ̨nɔ̨ a nįnɛ̨, yili pulu, di ɓo diɛ. Pələi kɛ di tɛɛ la di mɛ̨nį ɲąnwąnąą laa diɛ, di hvo yili bələ hɔlɔɓo. Mąąhɔlɔɓo, mɛ̨nį ti nuą kəlee di kɛi Yálá hɛɠɛɛɓo yili mąą mɛ̨nį ɓa.

Danîa 9:18

Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Gɛlaɠaa 26:26

Dɔɔmun ŋɛ̨i gáá nwóó hukulɔi mą, giliŋą ponɔɔi mɛ̨nįɠaa ti kəlee hu, ɛlɛɛ gíli kaa ɉu gɛ́ da hvo loo li mą. Mąąhɔlɔɓo da hvo kɛ kpinįn ɉu, da hvo nwɔ̨nɔ̨ kɛ kpowəi.

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Woolaa 5:1

Yai-Laa mɛ̨nii aa laa kuɔ, ə́ kiliŋąhiɛ mą; Nwumɛ̨i aa tɛ kuɔ, ə́ gaa.

Woolaa 3:50

Gáá ɓɛ gɛ́ nąą mąąkpɔn, ə lɛɛ ɉu Yai-Laa ə lɛɛ yələi ə nwun mąąlaŋąn mą́ą́.

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Azaya 58:1

'Toma kpɔ a ə́ woo kɛnɛ̨, hvo ɉu hon, 'ə́ woo tɛ yələi yɛ túlú woo, nwɔ́ nu huwui nwɔ túwɔ pələ ɲɔ̨n lɛ mą, ə́ Ɉakɔbə nwɔ pɛlɛ́i nwɔ nɛ̨ŋɛ̨n lɛ mą.

Gɛlaɠaa 9:28

Ə həɠə kɛa ɲələ ɓa, Solə ə kɛ di pɔ, yɛ li Ɉerusalɛmə nąą kəlee yɛ gu Ną́mu Jesus mąą mɛ̨nį laa həli a tɛ̨ą.

Korɛntə veelɛ 3:12

Ku ɲɛ̨i kɛɛ mɔ̨ɔ̨ mɛ̨nį taaləi tii tɔwɔ, yili ɓə a ku wɔɔ laa na laa hvaŋą kɛ ɉu.

Korɛntə dɔlɔɔ 14:13

Yili ɓa, nui bələ ɓoi hį́iwooɠaa hu, mąąnɛ̨ɛ̨ ə Yálá hvɛli, ə gɛ, ə pɛli nwooɠaa tii laa tɛɛi a yɛlɛ.