Gɛlaɠaa 4:21 - Yálá laawoo hɛɓɛ (dc)

²¹ Tɔ́n vili nąmįną di haŋą diɛ kpɔ nwɔ̨nɔ̨ a nįnɛ̨, yili pulu, di ɓo diɛ. Pələi kɛ di tɛɛ la di mɛ̨nį ɲąnwąnąą laa diɛ, di hvo yili bələ hɔlɔɓo. Mąąhɔlɔɓo, mɛ̨nį ti nuą kəlee di kɛi Yálá hɛɠɛɛɓo yili mąą mɛ̨nį ɓa.

Yálá laawoo hɛɓɛ

²¹ Tɔ́n vili nąmįną di haŋą diɛ kpɔ nwɔ̨nɔ̨ a nįnɛ̨, yili pulu, di ɓo diɛ. Pələi kɛ di tɛɛ la di mɛ̨nį ɲąnwąnąą laa diɛ, di hvo yili bələ hɔlɔɓo. Mąąhɔlɔɓo, mɛ̨nį ti nuą kəlee di kɛi Yálá hɛɠɛɛɓo yili mąą mɛ̨nį ɓa.

Bible

²¹ Gɛ́ɛ da dímaa yao ŋɔ́nɔi, dí dílɛ̀ɛ naa dí li, dífe pere káa ní a gɛ́ɛ dí tɔ̂ŋ kpɛ́ dîa, kpɛ́ni fêi, ǹûai dí kɛ̀ naa, ǹúui kélee díkɛ Ɣâla láa ma tɛ̂i ŋɔfólo-laai mɛni ma,

Gɛlaɠaa 4:21 Referans Kwoze

Gɛlaɠaa 5:26

Nąąlɔwai, Yálá hee pɛlɛ́ ɲąąwooɓomun ə həɠə yɛ li da ɲee pɔ nuą, ə gɛ, di gɛlaɠaa hon di pa a diɛ. Kɛlaa, di ho di yagalanmo. Mąąhɔlɔɓo, di kɛi ɲɔw, ə gɛ, di hvo nəi pa di hɔɔ a kwɛni.

Lukə 22:2

Ɉalaa laa həli nuą kpɛa-kpɛa da dɔ́n galamɔ̨ɔ̨ɠaa di kɛi Jesus paa pələ kwɛli. Kɛlaa, di kɛi ɲɔw nuą diɛ.

Lukə 20:19

Dɔ́n galamɔ̨ɔ̨ɠaa da ɉalaa laa həli nuą kpɛa-kpɛaɠaa, di gɔlɔn, diɛ kɛ, diɛ ka tii Jesus ə di mąą hanwɔ̨n ɉɔɔ, kɛlaa, di kɛi ɲɔw nuą diɛ.

Lukə 20:6

Gwa kɛ nwɔ̨nɔ̨ mą: ‹Nuą ɓə dɔɔ›, nu kpulu kaa pai gu hɔɔi a kwɛni di gu paa. Mąąhɔlɔɓo, di laai na diɛ Ɉaan ə kɛ a Yálá kwəi mɛ̨nį hukulɔ mun.»

Maafîu 21:46

Di kɛi Jesus hon bələ kwɛli mą. Kɛlaa, diɛ ɲɔ̨w nu kpulu ɓa, mąąhɔlɔɓo, yiliɠaa di kɛi Jesus kaa a Yálá kwəi mɛ̨nį hukulɔ mun.

Maafîu 9:8

Yii kɛa nu kpului tii ə yili kaa, di ɲɔ̨w, diɛ mąąwiɛ tɛɛ Yálá pɔ, yaai a ɉuwalawalai taaləi tii tɛɛ nuą pɔ.

Gɛlaɠaa 5:40

Di gɛlaɠaa təli, di di kɛlɛ a galakpa, di tɔn dɔɔ diɛ, diɛ di hvo Jesus laa ɓo. Di ɓo diɛ.

Gɛlaɠaa 4:17

Kɛlaa, ə mą kɛ tii, əgɛ, bələ hvo pa taɠa-taɠai nuą lɔwai, gu tanŋąn dɔɔ diɛ, gu haŋą diɛ, ə gɛ, di hvo pa Jesus mąą mɛ̨nį ta ɓo.»

Lukə 13:17

Jesus nwɔ woo pulu pənəi tii ə ɲowoɠaa nwumɛ̨. Kɛlaa, mɛ̨nįɠaa tii ə kɛi gɛ, ə nu kpului tii kwəinɛ̨ɛ̨.

Lukə 5:26

Nuą tii kəlee kwəi ə pili diɛ, di ɲɔw, diɛ Yálá mąątɛ̨nɛ̨. Yili pulu, diɛ mą: «Mɛ̨nįi hvo ta kɛli kwaa kələi gaa aa kɛ.»

Maafîu 26:5

Di kɛi kɛ diɛ: «Mąą honɛɛli, gu hvo ɉon a ɉɛli yələ, ə gɛ, nuą di hvo pa di muhəɠə gu laa ɓa.»

Maafîu 15:31

Nu kpului tii kəlee kwəi ə pili diɛ ɓɛlɔwai di muugbɛɠaa kaa la diɛ hvaa, kɔ́wɔ nwąną ɲɔ̨n gɛ nuą diɛ hiɛ, ɲɛ̨i pu nuą diɛ kɛɛ kaa, yiiɠaai kpɛɠi ɲɔ̨n ə kɛ diɛ, di ŋąą pɛliɛ. Di kəlee di kɛi Israɛlə nwɔ Yálá mąmąɓo.

Maafîu 9:33

Jesus ə ɲį́nɛ̨n tii kpɛ. Ɉulɔnui tii yɛ kɛa hvaa. Nu kpului tii kəlee kwəi ə pili diɛ, diɛ kɛ: «Ee! Ku hvo ta yii mąą mɛ̨nį ɲɔ̨nwɔ̨mą da kaa li, Israɛlə lɔi hu.»

Gɛlaɠaa 4:22

Nui ti di malo a kpalo mɛ̨nį, gaa kwɛlan dɛɛi kɛ pow nąąn ɉu.

Gɛlaɠaa 5:13

Kɛlaa, nui lɔpee ta hvo lii hvo kɛli kpələ hvo too di pɔ, bələi mąn di kɛli di mąątɛ̨nɛ̨ la.