Gɛlaɠaa 4:19 - Yálá laawoo hɛɓɛ (dc)

¹⁹ Kɛlaa Piɛrə da Ɉaan di di woo hutoo diɛ diɛ: Nɛlɛ ɓə ɉaŋąą Yálá ɲɛ̨i ɓa? Ku lɛɛ ká woo mu, awala kɛ tii ku lɛɛ Yaa ti nwoo mu? Kaa kpinį ka mɛ̨nį ŋɛ̨i hutɔɔ.

Yálá laawoo hɛɓɛ

¹⁹ Kɛlaa Piɛrə da Ɉaan di di woo hutoo diɛ diɛ: Nɛlɛ ɓə ɉaŋąą Yálá ɲɛ̨i ɓa? Ku lɛɛ ká woo mu, awala kɛ tii ku lɛɛ Yaa ti nwoo mu? Kaa kpinį ka mɛ̨nį ŋɛ̨i hutɔɔ.

Bible

¹⁹ Kɛ́lɛ, Pitɛ da Zɔ̂ŋ dí díwoo su too, dîyɛɛi, “À kɛ̀ ǹɛ́lɛɛ̂i Ɣâla ŋɛ́i a gɛ́ɛ kú kúwoli tɔɔ kâa é tɛ́ɛ Ɣâla ma, ka ŋ̀á tée.

Gɛlaɠaa 4:19 Referans Kwoze

Gɛlaɠaa 5:29

Kɛlaa, Piɛrə da mɛlan di di woo ŋąapənə, diɛ mą: «Mąąnɛ̨ɛ̨ nu ə Yálá woo hon ə tɛɛ nu woo ɓa.

Lɛɛ gbɔwɔ ɓa 1:17

Kɛlaa, vɛlɛɛlee kɛ nɛ̨ąą tii, di ɲɔw Yálá ɓa, di hvo gɛ, di hvo lɛɛ dɔɔmun nwoo ɲą. Di hvo kɛi ɉinąą paa.

Korɛntə dɔlɔɔ 10:15

Kaa kɛɛ mɔ̨ɔ̨ a mɛ̨nį ŋąą kaa nuą, ya ɓə gɛi gɛ́ mɛ̨nįɠaai tii ɓo la kaa. Kaa kpįnįi, ka ɉu kwɛli.

Timote dɔlɔɔ 2:3

Yili ɓə nɛlɛɛ, viɛlaɓoɔ Yálá ɲɛ̨i ɓa, yai a gu ɓalomun;

Ɉaan 7:24

Ka hvo kiti tee lɔ mɛ̨i pɛlɛ, kɛlaa, ka kiti tee a ɉaŋąą.»

Tɔɔɓɛlaa dɔlɔɔ 22:14

Mise yɛ mą: «Yii kpɔ Yai-Laa kaa a vulú, mɛ̨nįi Yai-Laa kaa lii kɛi mą́ą́: ‹Mo!› ya ɓə gáá lii moi.»

Danîa 3:18

Akɛ yili hvəi, Oo tɔmun! Laa na yɛ́ diɛ, ku hvo pai gɛi, ku hvo kwɛli hvilɛn ə́ wɔ yáláɠaai diɛ, ku hvo mąąwiɛ tɛɛi ə́ wɔ mąąnįnįn ɉaɠaai pɔ.»

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»

Amɔsə 7:16

Yili ɓa, Amasia, ə́ wəli tɔɔ, yii Yai-Laa kaa moi ə́ mɛ̨n, yɛ́i ŋɛ̨i kɛi diɛ: ‹Və́ kɛa Yálá mąą mɛ̨nį laa həli Israɛlə nu huwu diɛ, ɛlɛɛ, yɛ́ kɛ mą: Və́ haŋą Isaakə huwuhu nuą diɛ.› Yii Yai-Laa kaa moi ə́ mąą mɛ̨nį hu, ya ka;

Osia 5:11

Ɓɛlɛ a kpɛɛ Ɛfraimə ɓa, giti aa mąą mɛ̨nį pili ɉu, mąąhɔlɔɓo, aa gɛ a wəlii kpɔlɔ, yɛ gbɔwɔ tɔ́n bulu.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Mąątɛ̨nɛ̨ 58:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ.

Tɔɔɓɛlaa veelɛ 16:15

Yili pulu, tɔɔmun Akazə yɛ ɉaláá laa həli mun Uriya ɓa: «Ɉaláái da gəlee kələn yələwala da yələwulii, gulɔ; ə tɔɔmun nwɔ haláái da gəlee kələn, da Yálá kɔ́ haláá, ə pɛlɛ la nɔi lonnii kəlee di wɔ haláái da gəlee kələn diɛ, da, Yálá kɔ́ haláá, ə́ nɔɔ pu haláá kulɔi kɛnɛ̨ mɛ̨i. Ə́ həɠə laa, ɉaláá taatɛlɛɛi da gəlee kələn ɲąmą, Yálá haláá taatɛlɛɛ ɲąmą, ə́ gəlee pu ɉaláá kulɔi kɛnɛ̨ mɛ̨i. Mala kwɛli haláá kulɔi nwɛi, ɲą́ą́ gbínii gáá pai gɛ pələ kwɛlii mą.»

Tɔɔɓɛlaa dɔlɔɔ 21:11

Nabɔtə pɔ taai nu kpɛa kpɛa da ɲąąwooɓo kɛ nuą di ɉəɠə a Ɉezabɛlə woo, yɛ bələi bɛ̨ɛ̨i kɛ la ɉɛɓɛ́ hu.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 12:30

Nu kpulu ə tɔɔ kpɔ ɲɛ̨i tɔwɔ, ə lɛɛ ɉu di li Dan.

Zĩi 2:4

Akɛ tii, ká kɛɛ nuą lɔwai tɔɔi hvaa a yili? Ɛlɛɛ, káá nuą kiti teei a ɲąnį pələ?

Ifisiɛŋ 6:1

Lɛapɛlɛɛ, 'ká lɛɛ ká kaa-nuą woo mu, gu Nąmu nwɛi hu, yili ɓə ɉaŋąą.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Mise 6:16

Omri nwɔ tɔ́nŋaai ɓə ə́ yee kaa mą, da Akabə yəi bɛlɛ́n ɲii pələɠaa kəlee, bələi da ka tí la, bələ ɓə ka hiɛ la, yili mąą mɛ̨nį ɓa, gáá pai ɲɔw pilii nɔi hu, yɛ nɔi hu nuą mąą kpɛlin, gɛ́ di kɛ a yɛlɛ kulɔ ɉu hɛn, nwɔ́ nu huwuɠaai wɛli aa kpɛɛ mą́ą́ kpɔ tɛ́-tɛ́.»

Hebreu 11:23

Laa na laa háálai ɓə gɛ, Moisə hɔlɔɓoɔ, gaa-nuą di noo ɲąnįn ɉaaɓa yee mu. Mąąhɔlɔɓo, di di lon nɛlɛɛi kaa, ɛlɛɛ, di hvo ɲɔw tɔɔmun nwɔ tɔ́n ma.

Ɉeremi 26:12

Ɉeremi yɛ nɔi ɲąąwooɓo nuą da nɔi lonnii kəlee diɛ: «Yai-Laa ɓə́ dɔ́ɔ́, mɛ̨nįɠaai pai laai bɛlɛ́i ŋɛ̨i ɓa, da daai ŋɛ̨i ɓa, gɛ́ di lɛɛ kwɛa la, gɛ́ di ɓo, yɛ bələi ka di mɛ̨n na.

Lukə 22:8

Jesus ə Piɛrə da Ɉaan di tɔɔ, yɛ diɛ: «'Ka li ka pakə kɔ̨nɔ̨n bɛli gu yəi.»

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»

Tɔɔɓɛlaa dɔlɔɔ 13:19

Yálá nwɔ nui ə yali bulu, da yaa di li, ə kɔ̨nɔ̨n mįi, ə ya kpələ.

Tɔɔɓɛlaa veelɛ 16:16

Mɛ̨nįɠaa kpɔ tɔɔmun Akazə ə mo, ɉaláá laa həli mun Uriya ə gəlee kɛ.