Gɛlaɠaa 3:19 - Yálá laawoo hɛɓɛ (dc)

¹⁹ Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Yálá laawoo hɛɓɛ

¹⁹ Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Bible

¹⁹ M̀ɛni ma, ka kálii pene ká pá ŋɔ́nɔ pôlu Ɣâla pɔ́, a gɛ́ɛ kásɔnyɔ̂ŋ é kúla kâa Kúnuu-namui é fúlu-laa nina tɛɛ kápɔ.

Gɛlaɠaa 3:19 Referans Kwoze

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Maafîu 18:3

Yɛ diɛ: «Gaa tɛ̨ą ɓoi kaa, akɛ ka wala ka kɛ pələ mąąhvalin ka hvo kɛ yɛ lɛapɛlɛɛ, ka hva pɛli lɔi Yálá-taa tɔɔlaa hu.

Maafîu 13:15

Mąąhɔlɔɓo, nuą ŋɛ̨i kili aa walawala, di wəlii aa kpɔlɔ, daa di ɲɛ̨i laakpulu, əgɛ, di hvo pa kɛɛ mąą kpɛɛ, di wəli hvo mɛ̨nį mɛ̨n, di kilaa hvo pa pono, di hvo pa tinɛ̨n di hvo kpəla mɛ̨nį ɲɔ̨n mą, və́ pa di kɔ́lɔi pono.›

Mąątɛ̨nɛ̨ 51:9

Nwɔ́ nɛ̨ŋɛ̨n kulɔ mą́ą́ a isopə, mą́ą́ ə həɠə. Nwáá, ŋį́ kwələ, ŋį́ tɛɛ yeehunwɔ̨ ɓa.

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Woolaa 3:40

'Ká gu gu kpɔwɔ kpįnįi yíi pələ hu kpɛ a nɛlɛɛ, 'ká gu gu pulu tɔɔ ɲɔ̨nwɔ̨ɔ̨ ɓa, gu pa Yai-Laa pɔ.

Gɛlaɠaa 11:21

Gu Ną́mu ə kɛ di pɔ, nuąi di ɲɛ̨i tínɛ̨n gu Ną́mu pɔ pələ, diɛ hvilɛn bulu, di kpulu ə kɛli kɛnɛ̨.

Piɛrə veelɛ 3:8

Nwɛ́li kɛ mąą nuą, mɛ̨nį tɔ̨nɔ̨ ɓə gaa ɉu, yii mąą hvo nɛ̨ɛ̨li ka hvo lɛ̨ą ma, ya ɓaa: Ną́mu Yálá ɲɛ̨i ɓa, hvóló tɔ̨nɔ̨ kaa a kwɛlan nwaa tɔ̨nɔ̨, kwɛlan nwaa tɔ̨nɔ̨ yɛ ɓo a hvóló tɔ̨nɔ̨.

Gɛlaɠaa 28:27

Mąąhɔlɔɓo, nu huwui ŋɛ̨i kili mąą pɛlɛɛ ɓə. Daa di wəli laa kpulu, Daa di ɲɛ̨i laa kpulu, Ə gɛ, di ɲɛ̨i hvo nəi pa kɛɛ kaa, Di wəli hvo nəi pa mɛ̨nį mɛ̨n, Di kili hvo nəi pa mɛ̨nį kpaɠala kaa, Diɛ di hɔn mąą pənə la, diɛ pa Yálá pɔ, ɛlɛɛ, və́ pa nəi di ɓalo.›

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Tɛsalonikə veelɛ 1:10

a ɓɛlɔwai gaa pai pai la, mąą yələi tii, a mąąwiɛlaa hɔlɔɓo ŋą nu mąąhəɠɛɛɠaa yəi, ɛlɛɛ, ə kɛnɛ̨laa hɔlɔɓo nuąi laa na di yəi; ɛlɛɛ yaan, káán, ká wɛi, káá laa ku wɔ kɛla woo la.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Lukə 1:16

Ya ɓə pai gɛi Israɛlə nu huwu tamąą di tinɛ̨n di di ɲɛ̨i hee di nąmu Yálá ɓa.

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Danîa 9:13

Yɛ pələ kpɔlɔ bɛ̨ɛ̨ la Moisə nwɔ tɔ́n ɉɛɓɛ́i hu, mɛ̨nį nwąnąąi tii kəlee ə həli kuɔ. Pələi mąn ə kɛ la tii, yɛi ŋɛ̨i a kuɔ Yálá, ku hvo kɛ wɔlɔ li yɛ́, ku hvo ə́ mąąnɛ̨ɛ̨, ku hvo nwɔ̨nɔ̨ kɛ həɠə li ku kɛ nɛ̨ŋɛ̨nŋaa pulu, ku hvo kɛ ku kili lɛɛ li ə́ wɔ tɛ̨ą mɛ̨nį hu.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Gɛlaɠaa 17:26

Ə nu huwu kəlee kulɔ nu tɔ̨nɔ̨ hu, diɛ hee lɔi mɛ̨i nąą kəlee. Ə nuąi ti di wɔ yɛnɛ̨ɛ̨ ɲɛ̨nnaa, ə di heeiɠaa ɲɛ̨nnaa.

Gɛlaɠaa 15:3

Antiɔsə kalan gbɔn ə ɉiɛ kulɔ wali kɛ. Di tɛɛ Fenisi lɔi da Samari lɔi hu pələ. Diɛ huwu takpɛliɠaa lɔ mɛ̨nį kalan ɉu, hukulɔ, diɛ gu nąn nonnii kəlee kwəinɛ̨ɛ̨ a yili.

Gɛlaɠaa 3:21

Hvo kɛli yələkɔlɔn ə gbɛa ɲee hee mu, ə lɛɛ ɉu, mɛ̨nįɠaai wɔlɔ Yálá ə bu gwəi mɛ̨nį hukulɔ nuą mąąhəɠɛɛɠaa la, diɛ mo, gəlee ə pu nįnɛ̨ kɔlɔi.

Gɛlaɠaa 1:6

Galan nɛa ɲąąkpɔn ŋąąi kɛ gwɛlɛ, di mąąni kɛ diɛ mą: «Ną́mu! Akɛti, nąąlɔwai ɓə ə́ kaa pai Israɛlə nwɔ tɔɔlaai heei la?»

Zooɛ 2:13

Ka lii ɓə mąąnɛ̨ɛ̨ ka ɉu ɓɛla ka mąą həɠə hvəi. 'Ka pənə ka pa Yai-Laa ka wɔ Yálái pɔ. Gbalai tɔɔ, nwɔ mɛ̨nį lɛlɛɛi, yɛ nu mąąwɛli kaa; Nii holi laa walaa, ɛlɛɛ, nwɔ ɲɛ̨imąąwɛli kaa hu kɛnɛ̨i, a mɛ̨nį nwąnąą laa nuą diɛ, yili hva gwəinɛ̨ɛ̨. Nwɔ lii nɛ̨ɛ̨ gwəi kɛnɛ̨. Niiɓa hvaa ə mɛ̨nį nwąnąą laa nu ɓa.

Woolaa 5:21

Yai-Laa! Pələ laa ɓo ku tɔwɔ, ku pa ə́ pɔ. Pənə ə́ kuɔ yɛnɛ̨ɛ̨i pu nįnɛ̨ kɔ́lɔi, yɛ bələi ə kɛ la a tɔlɔɔ-tɔlɔɔ yələ.

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Azaya 61:9

Ka huwu kaa pai kɔ́lɔn ɉii hįį takpɛliɠaa lɔwai, ka lonnii diɛ kɔ́lɔn huwu kəlee lɔwai; Nuąi kpɔ pai di ɲɛ̨i tɔɔi diɛ, da di kɔ́lɔn, a nuąi Yai-Laa ə lúwɔ too diɛ.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Mąątɛ̨nɛ̨ 103:12

Bələi lɔ hvóló həɠəi mąąkwɛaa la hvóló tooi ɓa, bələ lɔ ɓə a gu hɔn mąąkwɛa la guɔ.

Mąątɛ̨nɛ̨ 51:13

'Hvó bili kwɛa la, 'hvó ə́ ɲɛ̨i lɛlɛɛ həɠə mą́ą́, 'hvo ə́ wɔ Nįį-Mąąhəɠɛɛi kulɔ ɲəi.

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»

Timote veelɛ 2:25

Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Gɛlaɠaa 3:20

A kɛ ti, Ną́mu Yálá kaa pai hvoló lɛlɛɛɠaa hɔɔi ka mɛ̨i, a ɲələi gaa pai Ɓalomun Jesus tɛɛi la, yai ə ɉee a ka wɔɔ.

Hebreu 4:1

Yili ɓa tii, ɲɔw ə kɛ kani gu hu, hvo gaai, gu lɔ mɛ̨nį vįitɔɔ tii hu laakwɛlanmoɔi guɔ, ɲɔw ə kɛ kani gu hu, guɔ kɛ, nu ta hvo lɛɛ pulu, nąą mɛ̨nį hu.

Lukə 22:57

Kɛlaa, Piɛrə ə lənə mą, yɛ mą: «Nɛ̨ɛ̨nu, və́ ɉulɔnui tii kɔ́lɔn.»