Gɛlaɠaa 3:14 - Yálá laawoo hɛɓɛ (dc)

¹⁴ Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Yálá laawoo hɛɓɛ

¹⁴ Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Bible

¹⁴ Kɛ́lɛ, ka dɔ̃yâ-nuui da ǹúu sɔŋ lɛ́lɛɛi maa sîa tòo, ka nuu-paa-nuu mare-kɛɛ kɛ́ a gɛ́ɛ dí dɛɛ kápɔ.

Gɛlaɠaa 3:14 Referans Kwoze

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Zĩi 5:6

Káá kiti kala nuą diɛ, káá tələnmomun baa, hva mąąkɔ̨nwɔ̨ ká yəi.

Gɛlaɠaa 22:14

Yɛ nwɔ̨nɔ̨ mą́ą́: ‹Gu nąnni di wɔ Yálá ə gbɛa ə́ həɠə ɉu, ə ə́ kɛ a niiɓa kɔ́lɔn mun; ə́ dələnmomun ti kaa, ə́ nwoo mɛ̨n.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Zɔ̂ŋ Maa-ŋuŋ 2:1

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Gɛlaɠaa 2:27

Mąąhɔlɔɓo, hvó pai nɛ́ɛ́i haaɓɛlaa lɔwai, hvó pai ə́ wɔ mąąhəɠə mun nɛɛi laa yɛ luwun kámą hu.

Lukə 23:25

Nui ŋɛ̨i gwɛitee laa lɔ nuą hu, ə lɛɛ, ə nu paa, ə ɓo yili ɓa, mąąhɔlɔɓo, yili ɓə di hvɛli ma. Ə Jesus tɛɛ di pɔ, yɛ diɛ: ka li ka gɛ yɛ pələi ka káá la bɔ.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Markə 15:11

Ɉaláá laa həli nuą nwun nąmįną di nɔ kwəi kɛ, nu kpului tii ɓa ə gɛ di mo Pilatə ɓa ə tee Barabasə ɓa.

Markə 15:7

Hulɔnu ta ə kɛ laa, diɛ kɛ naa ɓaa Barabasə. Ə kɛ gaho ŋą da nuą yiiɠaai kɛ di lɔɔ nɔi kili. Hvóló ta, nuą tii di di kwɛitee, di nu paa.

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Maafîu 27:20

Ɉaláá laa həli nuą kpɛa-kpɛa nwun nąmįnąɠaa da Ɉuifə kalaɉonŋąą di mo nɔi nuą kəlee diɛ, diɛ diɛ: «Ka gu hvaamą, di ɓo Barabasə ɓa, di Jesus paa.»

Ɉaan 16:10

Yii hvilɛn na tələnmo mɛ̨nį ɓa, gáá lii Ną́n pɔ, ka hvo kɛa pai gáái.

Ɉaan 18:40

Di kəlee di tómą kpɔ a di woo kɛnɛ̨ɛ̨ diɛ mą: «Kpaa! Ya hvəə ku kaa bɔ. Barabasə ɓə ku kaa bɔ.» Yaan, Barabasə ŋɛ̨i di kɛi vaa ɓo, ə kɛ a too mɛ̨i kɛmun.

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»

Gɛlaɠaa 13:28

Bələi mąn di hvo baa mɛ̨nį nwun da lɔpee kaa la mą, kɛlaa, ə mą kɛ tii, di giti kala mą, di ɉuhvɛli Pilatə ɓa, diɛ baa.