Gɛlaɠaa 3:1 - Yálá laawoo hɛɓɛ (dc)

¹ Hvóló mąąlaa pɛlɛ kɔ́n nįnįn da wolo kwɛa, Piɛrə da Ɉaan də li Yálá hee pɛlɛ́ mu Yálá hvɛli mɛ̨nį ɓa.

Yálá laawoo hɛɓɛ

¹ Hvóló mąąlaa pɛlɛ kɔ́n nįnįn da wolo kwɛa, Piɛrə da Ɉaan də li Yálá hee pɛlɛ́ mu Yálá hvɛli mɛ̨nį ɓa.

Bible

¹ Pitɛ da Zɔ̂ŋ dí kɛ̀ liî Ŋ̀âla-pɛrɛ kɛ́tɛi mu a Ɣâla-fɛli tãi a vólo maa-laai.

Gɛlaɠaa 3:1 Referans Kwoze

Mąątɛ̨nɛ̨ 55:17

Nwɛ́i Yálá ɓə gáá nwóó tɛi bɔ pələ, ɛlɛɛ, Yai-Laa ɓə a nwún mąąɓo.

Gɛlaɠaa 10:3

Yələ ta, hvóló mąąlaa, ə malaka ta kaa a mąą ponɔɔ, ə lɔ ɲəi bɛlɛ́n, ə dəli, yɛ mą: «Kɔrnɛyɛ!»

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Lukə 1:10

Ɓɛlɔwai ə kɛi lansan tii kələn na bɛlɛ́n, nuą kəlee di kɛ ɲɛnɛ̨ɛ̨ diɛ Yálá hvɛli.

Gɛlaɠaa 5:25

Kɛlaa, di lɛɛ lɔ moi ti, nu ta ə pa, yɛ diɛ: «Nuą ŋɛ̨i ka di too gaho ŋąi, di kaa Yálá hee pɛlɛ́ mu diɛ nuą kalan.»

Lukə 24:53

Hvóló kəlee di kɛi li Yálá hee pɛlɛ́ mu, diɛ Yálá mąąwiɛ.

Gɛlaɠaa 8:14

Gɛlaɠaai kɛ Ɉerusalɛmə, di bələ mɛ̨n diɛ kɛ: Samari lɔi hu nuą daa di yee hee Yálá lawoo mu, di nɛɛ mą di Piɛrə da Ɉaan di tɔɔ laa.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Ɉaan 21:7

Galan non ti nwɛli ə kɛ Jesus ɓa, yɛ Piɛrə ɓa: «Ną́mu Jesus ka tii!» Yii lɔ Piɛrə ə mɛ̨n diɛ kɛ mą: «Ną́mu ka tii», aa mą nwɔ həɠəi həɠə aa doo gwaną mąąhɔlɔɓo, ə kɛ a gbuwulu, ə too ɲái.

Lukə 22:8

Jesus ə Piɛrə da Ɉaan di tɔɔ, yɛ diɛ: «'Ka li ka pakə kɔ̨nɔ̨n bɛli gu yəi.»

Maafîu 26:37

Gɛɛ lii, ə Piɛrə da Zebede lon ɉinąą hveelɛi həɠə, da diɛni də li. Jesus ə lɛɛ lɔ laa, lii kələn gwəi da liihɛlɛn ə gɔwɔ tɔɔ yɛ too mą.

Maafîu 17:1

Hvóló mɛ̨ihveelɛ tɛɛ pulu, Jesus ə Piɛrə, Ɉakə da nəɠə Ɉaan ni həɠə ə li a diɛ yee ta tona, di tɔ̨nɔ̨ kɛɛ naa.

Danîa 9:21

Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Gɛlaɠaa 10:30

Kɔrnɛyɛ ə nwoo ɲąąpənə yɛ mą: «Aa kɛ a hvoló haaɓa, kpɔlɔ a ɓɛlɔwai, hvóló mąąlaa, ŋį́ kɛ ɲə́i bɛlɛ́n gɛ́ Yálá hvɛli, kpɔlɔ ɲąąɓa, ŋį́ nu ta kaa tɔɔni níí la, mąąhəɠəɠaa yɛ kwələ kpɔ pə-pə.

Tɔɔɓɛlaa dɔlɔɔ 18:36

Yələ wulii haláá kulɔi lɔwai, Yálá kwəi mɛ̨nį hukulɔ mun Eli ə lɛɠɛ laa, ə nwoo tɛ yɛ diɛ: «Yai-Laa! Abrahamə Isaakə, da Ɉakɔbə ni di wɔɔ Yálá, nɛ háákələi Israɛlə nuą diɛ, yɛ́ diɛ yɛ́ ɓə a Yálá Israɛlə lɔi hu, ɛlɛɛ, gɛ́ ɓo a ə́ wɔ tímun. Ɛlɛɛ, ə lawoo pɔ ɓə ŋą́ mɛ̨nįɠaa kəlee kɛ la.

Lɛɛ gbɔwɔ ɓa 29:39

Yá mɛlaa lon dɔlɔɔ paa yələwala, ə́ veelɛnąą paa hvitili ɓa.

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Lonon mo 28:4

Da dɔ̨nɔ̨ kulɔ a haláá yələwala pɔ, di veelɛnąą kulɔ hvitili ɓa.

Maafîu 27:45

Ə kɛ a hvóló tɛɛ nwun mą lɔwai, kpinį ə pɛlɛ lɔi mɛ̨i nąą kəlee ə lɛɛ ɉu, hvóló ə gɔwɔ kulɔ mu.

Lukə 18:10

Ə mo diɛ, yɛ diɛ: «Nu hveelɛ də li Yálá hvɛli mɛ̨nį ɓa. Dɔ̨nɔ̨ ə kɛ a Farisiɛ̨ dɔ̨nɔ̨ yɛ ɓo a nįįhɔ̨nwɔ̨ kulɔ mun.

Gɛlaɠaa 3:3

Nui ti ə Piɛrə da Ɉaan di kaa diɛ lɔ, ə di hvɛli, yɛ diɛ: ka gɔ́!

Gɛlaɠaa 3:4

Piɛrə da Ɉaan di di ɲɛ̨i hee kpɔ mą hįį, yili pulu, Piɛrə yɛ ɉulɔnui ti ɓa: «Ə́ ɲɛ̨i hee kuɔ!»