Gɛlaɠaa 28:3 - Yálá laawoo hɛɓɛ (dc)

³ Polə ə li yɛ kwɛi pɛlɛɛ yɛɠɛ, yɛ pa, yɛ bu nwɔ̨n ma. Túmó ə kɛ gwɛi ti ta hu, nwɔ̨n nwəleen ə hee mą, ə yili Polə yee ɓa.

Yálá laawoo hɛɓɛ

³ Polə ə li yɛ kwɛi pɛlɛɛ yɛɠɛ, yɛ pa, yɛ bu nwɔ̨n ma. Túmó ə kɛ gwɛi ti ta hu, nwɔ̨n nwəleen ə hee mą, ə yili Polə yee ɓa.

Bible

³ Nya ƃe Pɔ̂ɔ e kɔi sîɣe e bu ŋɔŋ ŋá. Ŋɔŋ kɛ́ɛ a téei, kali è kùla gɔii su e Pɔ̂ɔ soŋ ǹyée ma.

Gɛlaɠaa 28:3 Referans Kwoze

Maafîu 23:33

Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo, ka pɛli kulɔ pələ kɛi ləi ɉahanąmą gaho nwɔ̨n ɉu?

Maafîu 12:34

Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

Korɛntə veelɛ 11:23

Di kaa a Kristə ŋą tínuą? Ɓowo hvaa ka ŋɛ̨i gáá moi, Nwɛ́i lanŋąąi di wɛi mɛ̨i! Hvįikpɛɛ hu, dɛ́ɠɛɛi diɛ! Gaho hu, dɛ́ɠɛɛi diɛ! Kɛlɛɓo hu, dɛ́ɠɛɛi diɛ kpɔ kɛnɛ̨! Nu tɛɛ haa wolo la, dɛ́ɠɛɛi diɛ kpɔ pun!

Gɛlaɠaa 28:4

Yii kɛa nɔi ti hu nuą di gaaləi ti kaa hɛlɛn ni Polə yee ɓa, di mo di kee lɔwai diɛ kɛ mą: «Nui ŋɛ̨i, nu paamun ga. Mąąhɔlɔɓo, pələi mąn aa kulɔ la gboloyá yəi, Yálá nwɔ kitii hvo bɔ hvo kɛ yɛnɛ̨ɛ̨.»

Korɛntə veelɛ 6:9

diɛ ku kaa yɛ nuąi kɔlɔn və diɛ, yá pa, ku kɔlɔnŋąą, diɛ ku kaa yɛ haa nuą, yá pa, ku kaa yɛnɛ̨ɛ̨, da ku mɔ̨nɔ̨ɓo, kɛlaa, di hva ku paa,

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Azaya 59:5

Tumo ɲąnin mə da ɉaɠa, diɛ hį́iwolo nąląąn bala, nui a di ɲąnin da mįi, a haa, da di ɲąnin nwolo, tumo pɛlɛɛ da kulɔ ɉu.

Azaya 41:24

Kɛlaa kwáá gaa, ka hvo a hɛn da, ka yee hva pɛli mɛ̨nį ta kɛi, nu a ka həɠə ɉu, ɓɛlɛkpɛɛ mąą mɛ̨nį li.

Azaya 30:6

Mɛ̨nįi di naa həli Negɛvə huwɔɠaa diɛ. Di kaa tɛɛi mɔ̨nɔ̨ lɔi hu, da liihɛlɛn nɔi, a nɔi hu kpalaai, yala haa da yala hilɛ, tumu da yileen di taa ŋą, diɛ li a di yəi hɛn gɔwɠaa da di yəi waliɠaa, hoohvaalənŋąą mɛ̨i, da ɲɔɔmɛ̨ɛ̨ɠaa mɛ̨i, diɛ dɛɛ nu huwui dɔlɔ hvo pai həli Israɛlə ɓa, bɔ.

Zôo 20:16

Kaalə nwąną ka ti ə kɛi gbələ, túmu ɲin mə pai baai.

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

Markə 16:18

Di kaa pai kɛi kaaləɠaa hon ɉi a di yee, ə mą kɛ daa pili mąą hɛn da kpələ, hva hɛn da kɛ a diɛ; da di yee laa ɲɔ̨n gɛ nuą mɛ̨i, di kɔ́lɔi a pono.»

Gɛlaɠaa 28:2

Maltə nuą di ku hon gbɔ a nulaa yii naa hvo kɛ too li. Hvo gaai di nwɔ̨n gɛnɛ̨ hee, a ku kəlee ku mąą mɛ̨nį, mąąhɔlɔɓo, túlɔ aa kɛ pu, ɛlɛɛ, gwɛlɛ yɛ pa.