Gɛlaɠaa 28:2 - Yálá laawoo hɛɓɛ (dc)

² Maltə nuą di ku hon gbɔ a nulaa yii naa hvo kɛ too li. Hvo gaai di nwɔ̨n gɛnɛ̨ hee, a ku kəlee ku mąą mɛ̨nį, mąąhɔlɔɓo, túlɔ aa kɛ pu, ɛlɛɛ, gwɛlɛ yɛ pa.

Yálá laawoo hɛɓɛ

² Maltə nuą di ku hon gbɔ a nulaa yii naa hvo kɛ too li. Hvo gaai di nwɔ̨n gɛnɛ̨ hee, a ku kəlee ku mąą mɛ̨nį, mąąhɔlɔɓo, túlɔ aa kɛ pu, ɛlɛɛ, gwɛlɛ yɛ pa.

Bible

² Ǹɔii-ƃelai kɛ̀ naai, dí kúsoŋ kpɔ́ a ǹɛ́lɛɛ. Dí díyee sèe kúkelee kúmu dí ŋɔŋ tóo kúmɛni ma, kpɛ́ni fêi, tuna è nâa kɛ̀ pûi, gɔ́lɛi kɛ́ tela kúkɛ.

Gɛlaɠaa 28:2 Referans Kwoze

Hebreu 13:2

'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

Lomaŋ 1:14

Gwələi kaa mą́ą́, ya ɓaa ŋį́ Yálá lawoo laa həli nu kəlee ɓa; nu ə kɛ a yíi lɔwɛi mun, ə mą kɛ a taalee hu ɓomun. Nu ə kɛ a mɛ̨nį kɔ́lɔn mun, ə mą kɛ a nui hvo mɛ̨nį kɔ́lɔn.

Korɛntə veelɛ 11:27

Hvįikpɛɛ da mɔ̨nɔ̨, yíi kpəlin damąą, pulu, kwaną kpala, hín nɔɔ tamąą, kwɛ́lɛ́, da tənə;

Gɛlaɠaa 28:4

Yii kɛa nɔi ti hu nuą di gaaləi ti kaa hɛlɛn ni Polə yee ɓa, di mo di kee lɔwai diɛ kɛ mą: «Nui ŋɛ̨i, nu paamun ga. Mąąhɔlɔɓo, pələi mąn aa kulɔ la gboloyá yəi, Yálá nwɔ kitii hvo bɔ hvo kɛ yɛnɛ̨ɛ̨.»

Korɛntə dɔlɔɔ 14:11

Hį́iwooi və́ gɔlɔn, nu ta a kɛi mɛ̨nį ɓo mą́ą́, a kɛ ɲɛ̨́i ɓa a nwɛ̨ą, gɛ́ ɓo ɲɛ̨i ɓa a nwɛ̨ą.

Maafîu 10:42

Nui lɔpee a kpələ kɔ́wɔ ɲąątɔ̨nɔ̨ tɛɛ nɛapəlɛɛ ŋɛ̨i ta pɔ, mąąhɔlɔɓo, nwɔ́ kalan non ni, mąą nui a mąą hvɛla hɔlɔɓo.»

Gɛlaɠaa 27:3

Mąą yələ laa ɓoɔ, ku tɔɔ wolo ɓo Sidɔn. Ɉuliusə ə kɛli Polə hon a ɲɛ̨imąąwɛli kaa pələ, ə Polə lɛɛ laa, ə li nwɛlikɛmąą nuą pɔ, ə gɛ, ə mąąkpaan gbɛɛ hɛnŋąa hɔlɔɓo di yəi.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Lomaŋ 2:27

Nui gɛ́nɛ hvo kɛ li kɔ́lɔ ɓa pələ, a dɔ́n nwoo pɔ mɛ̨nį kɛ, yɛ́i dɔn gaa ə́ yəi, yɛ́ gala, mąą nu a pɛli ə kiti teei.

Ɉaan 18:18

Góló kɛ nuą da galidəɠaa di nwɔ̨n ɉee gwəli hąą diɛ di kɔ́lɔɓo ma, mąąhɔlɔɓo, kwɛlɛ ə kɛi pa. Piɛrə yaa kpɛli ə hee laa yɛ gɔlɔɓo.

Ɛsdrasə 10:9

Voló haaɓai tii yee mu, Ɉuda nu huwu da Bɛnɉamɛn nwɛiɠaai di di ŋąąkpɔn Ɉerusalɛmə ɲąnin mɛ̨inąąn ną nwɔ hvóló pow hveelɛ yələ. Nɔi lonnii kəlee di kɛ tɔɔni Yai-Laa líílaa, diɛ kpɛlin, mɛ̨nį tii mąą mɛ̨nį ɓa, da dulɔ mɛ̨nį ɓa.

Levetekɔ 19:18

'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Gɛlaɠaa 28:3

Polə ə li yɛ kwɛi pɛlɛɛ yɛɠɛ, yɛ pa, yɛ bu nwɔ̨n ma. Túmó ə kɛ gwɛi ti ta hu, nwɔ̨n nwəleen ə hee mą, ə yili Polə yee ɓa.

Lomaŋ 14:1

Nuąi di hvii kpɛɛ laa na pələ mɛ̨i, ka ka yee hee di mu ka hvo di laa pələɓo.

Lomaŋ 14:3

Nui a hɛn gəlee mįi, mąą hvo nɛ̨ɛ̨li hvo vįikpɛɛmun viiɓo, vįikpɛɛmun yaan mąą hvo nɛ̨ɛ̨li hvo hɛn gəlee mįimun giti tee. Mąąhɔlɔɓo, Yálá a ɲee hee gəlee mu.