Gɛlaɠaa 27:3 - Yálá laawoo hɛɓɛ (dc)

³ Mąą yələ laa ɓoɔ, ku tɔɔ wolo ɓo Sidɔn. Ɉuliusə ə kɛli Polə hon a ɲɛ̨imąąwɛli kaa pələ, ə Polə lɛɛ laa, ə li nwɛlikɛmąą nuą pɔ, ə gɛ, ə mąąkpaan gbɛɛ hɛnŋąa hɔlɔɓo di yəi.

Yálá laawoo hɛɓɛ

³ Mąą yələ laa ɓoɔ, ku tɔɔ wolo ɓo Sidɔn. Ɉuliusə ə kɛli Polə hon a ɲɛ̨imąąwɛli kaa pələ, ə Polə lɛɛ laa, ə li nwɛlikɛmąą nuą pɔ, ə gɛ, ə mąąkpaan gbɛɛ hɛnŋąa hɔlɔɓo di yəi.

Bible

³ Bôlu ma-ɣelei ku sèri Sidɔŋ; Zûliɔ e Pɔ̂ɔ sòŋ a ǹɛ́lɛɛ naa, e ǹɛɛ naa a gɛ́ɛ é lí ŋɔwɛli-ƃelai pɔ naa dí maa-mɛni kɛ́.

Gɛlaɠaa 27:3 Referans Kwoze

Gɛlaɠaa 24:23

Ə mo ɉolahi nwun dɔ̨nɔ̨ nąmu ɓa, ə ɲɛ̨i kɛ Polə ɓa gaho ŋą, kɛlaa ə da wolo lɛɛ gbɔwɔ ɓa, ɛlɛɛ, nwɔ nuą da kɛ di mąą mɛ̨nį ɲɛ̨i kulɔ ə di lɛɛ laa di gɛ.

Gɛlaɠaa 28:16

Ɓɛlɔwai ku həli la Romə, di hvaa mą, Polə ə kɛ gbɔwɔ pɛlɛ́ mu, holahi tɔ̨nɔ̨ yɛ ɲɛ̨i kaa.

Gɛlaɠaa 27:43

kɛlaa, ɉolahi nwun dɔ̨nɔ̨ nąmu nwɛi, ə kɛ bɔ ə Polə nwun gulɔ ɉu, ya ɓə gɛ, hvo hvaa di woo ti ɓa. Ə mo yiiɠaai kɛ di wəlɛɛ yá kɛlɛi, di too ɲąi, di li tɔlɔɔ gbonwo ɓa.

Gɛlaɠaa 27:1

Ɓɛlɔwai di mo la diɛ ku tɛ gələn ɉu kwəli Itali lɔi hu, di Polə da gaho nąmįną takpɛliɠaa tɛɛ holahi nwun dɔ̨nɔ̨ nwun nąmu pɔ, diɛ kɛ mą Ɉuliusə, a gɔ́laɠai di kɛli kɛ mą, Augusta, ɉu yalanąmu ta.

Gɛlaɠaa 12:20

Mɛ̨nį ta ə too Herodə da Tirə nuą di lɔwai, ɛlɛɛ, da Sidɔn nuą. Yiliɠaai woo ə laa mą, di pa di həli mą. Di pili tɔɔmun ɉeegwɛlɛ kɛnɛ̨mun Blastusə kɔwɔi, diɛ kɛ, di pɔnnaa kpɛɛ, mąąhɔlɔɓo, di wɔ lɔi ə kɛli gɔnɔ̨n ɉɔlɔɓo tɔɔmun nwɔ lɔi hu.

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Zakari 9:2

Ə mą kɛ, Hamatə, yai gaa Damasə kwɛlɛ, da Tirə, da Sidɔn, a gilimąą taaɠaai tii.

Azaya 23:12

Yɛ diɛ: Sidɔn nɛ̨ɛ̨gbɛla, daa hee ə́ mɛ̨i, hvá kɛa kwəinɛ̨ɛ̨ kulɔ. Ə́ muhəɠə, 'li Siprə pələ, ə mą kɛ nąą ɓə, hvó pai hvįįtɔɔ hɔlɔɓoi laa.

Zɛnɛse 49:13

Zabulɔn kaa pai heei gboloyá kwɛlɛ, ɓɛi kələn gbɛa-kpɛa da tɔɔ laa. Nwɔ lɔi a həli kpɔ Sidɔn.

Zɛnɛse 10:15

Kanaan ɓə kɛ a Sidɔn nąn, yai kɛ a non dɔlɔɔ, da Hɛtə,

Zasua 19:28

da Avdɔn pələ, Rehɔvə da Hamɔn, ə lɛɛ, Kana, yɛ həli la Sidɔn kɛnɛ̨ ɓa.