Gɛlaɠaa 27:10 - Yálá laawoo hɛɓɛ (dc)

¹⁰ «Náwəini, gələn ɉu hiɛ kulɔ mɛ̨nį kɛa, gaa pai kɛi a yee lɛɛ ɉu, ɛlɛɛ, a hɛn damąą kala mɛ̨nį; diɲɛ̨ɠaa da gələn nɔ vəi, kɛlaa ə mą kɛ, kuɔ kpinįlee.»

Yálá laawoo hɛɓɛ

¹⁰ «Náwəini, gələn ɉu hiɛ kulɔ mɛ̨nį kɛa, gaa pai kɛi a yee lɛɛ ɉu, ɛlɛɛ, a hɛn damąą kala mɛ̨nį; diɲɛ̨ɠaa da gələn nɔ vəi, kɛlaa ə mą kɛ, kuɔ kpinįlee.»

Bible

¹⁰ ǹyɛɛ diai, “Nûa, ńaâi la a gɛ́ɛ ziai ŋí a pâi kɛ̂i a mɛni kpɔ̂lu-sia da mɛni su-karaa támaa. Zãâi da géleŋ dia tɔnɔ nɔ́ fei, kɛ́lɛ, kúfulu-laai.”

Gɛlaɠaa 27:10 Referans Kwoze

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Danîa 2:30

Akɛ Yálá ə hvaa mą ə mɛ̨nįi ŋɛ̨i lɛ mą́ą́, yili hva nɛ, yɛ kɛ diɛ: nwɔ́ kili mɛ̨nį yee tɛɛi nu hulúɠaa kəlee diɛ. Yálá ə yili kɛ tii, ə gɛ, mɛ̨nįi tii ɉukulaa ə lɛ tɔɔmun ma, ə gɛ, ə́ ə́ kpɔɔ lii hu kiliŋąhiɛ mąąkpɛɛ.

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

Gɛlaɠaa 27:34

Gáá ká mąąnɛ̨ɛ̨i, gɛ́ ká gu kɔ̨nɔ̨n mįi, mąąhɔlɔɓo, yili ɓə a ka nɔ̨ɔ̨ lɛɛ ka hu. Ka ta nwun nɛɠa tɔ̨nɔ̨ kpɛli hvo pai lan ɉii ɉu.»

Piɛrə dɔlɔɔ 4:18

Ɛlɛɛ, «Akɛ tələnmomun nwun mąąɓo laa a wala tii, mɛ̨nį ɲɔ̨n gɛmun da nɛ̨ŋɛ̨n ɉəɠəmun di wɛi kɛ pələ a kɛ ləi?»

Gɛlaɠaa 27:31

Polə yɛ ɉolahi nwun dɔ̨nɔ̨ nąmu da nwɔ holahiɠaa diɛ: «Gələn ɉiɛ nuąi ŋɛ̨i da wala lɛɛ gələn ɉu, ká nwun hva kulɔ ɉu.»

Gɛlaɠaa 21:3

Ku lɛɠɛɛ Siprə tənən ma, ku dinɉui tii mąą laa ku kɛɓɛyee hu pələ, kuɔ li Siri lɔi hu. Tirə daai ɓə ku tɔɔ laa diɛ diɲɛ̨ kulɔ gələn ɉu.